អន្តរជាតិ
លោក Andrey Karlov ទូតរុស្ស៊ី ប្រចាំតួកគី ដែលត្រូវបានគេធ្វើឃាត
×![]()
ដោយ: តន ចាន់រិទ្ធារ៉ា
ប្រធានាធិបតីរុស្សី វ៉្លាឌីមៀ ពូទីន បានសន្យាបង្កើនយុទ្ធនាការកម្ទេចក្រុមភេរវករជ្រុលនិយម ក្រោយអគ្គរដ្ឋទូតរុស្សីប្រចាំតួកគីត្រូវបានខ្មាន់កាំភ្លើងបាញ់សម្លាប់នៅថ្ងៃទី១៩ ខែធ្នូ។ មិនត្រឹមតែសន្យាកម្ទេចក្រុមភេរវករឡើយ លោក ពូទីន ក៏ប្រកាសស្វែងរកអ្នកនៅពីក្រោយខ្នងនៃខ្មាន់កាំភ្លើង ដែលលោកអះអាងថា មានបំណងធ្វើឲ្យខូចខាតទំនាក់ទំនងរវាងរុស្សី និងតួកគី ក៏ដូចជាដំណើរការស្វែងរកសន្តិភាពនៅស៊ីរីផងដែរ។
ភ្លាមៗបន្ទាប់ពីការធ្វើឃាតលើលោក Andrey Karlov អគ្គរដ្ឋទូតរុស្សីប្រចាំក្រុងអង់ការ៉ា ប្រធានាធិបតី វ៉្លាឌីមៀ ពូទីន បានហៅសកម្មភាពនេះជា «ការបង្កហេតុ» យ៉ាងជាក់ច្បាស់ ដែលចង់បំផ្លាញដំណើរការប្រក្រតីនៃទំនាក់ទំនងរុស្សី-តួកគី និងការចរចាសន្តិភាពសម្រាប់ស៊ីរី។ លោក ពូទីន បានបញ្ជាក់ដូចនេះក្នុងកិច្ចប្រជុំបន្ទាន់មួយដែលចូលរួមដោយមន្ត្រីជាន់ខ្ពស់ទទួលបន្ទុកសន្តិសុខជាតិ និងរដ្ឋមន្ត្រីការបរទេសផងដែរ។
ក្នុងកិច្ចប្រជុំបន្ទាន់នោះ លោក ពូទីន បាននិយាយថា ឃាតកម្មនេះ គឺជាសកម្មភាពបង្កហេតុ ក្នុងគោលដៅបំបែកបំបាក់ទំនាក់ទំនងទ្វេភាគីរុស្សី-តួកគី និងបង្អាក់ការស្វែងរកដំណោះស្រាយសម្រាប់ស៊ីរី ដែលរុស្សី តួកគី អ៊ីរ៉ង់ ព្រមទាំងប្រទេសដទៃទៀតកំពុងព្យាយាមដោះស្រាយ។ លោកបន្តថា ការឆ្លើយតបតែមួយគត់របស់រុស្សីលើសកម្មភាពនេះ គឺការបង្កើនការប្រយុទ្ធប្រឆាំងភេរវកម្ម។
បើតាមសារព័ត៌មាន RT ប្រធានាធិបតីរុស្សីរូបនេះបញ្ជាក់ដែរថា គណៈកម្មាធិការស៊ើបអង្កេតរបស់រុស្សី បានចាប់ផ្ដើមការងាររបស់ខ្លួនហើយ។ លោកក៏បាននិយាយទូរសព្ទជាមួយប្រធានាធិបតីតួកគី Recep Tayyip Erdogan លើរឿងនេះ ហើយតួកគីនឹងសហការជាមួយរុស្សីដើម្បីស៊ើបអង្កេតករណីនេះដែរ។ លោក ពូទីន បញ្ជាក់ច្បាស់ថា៖ «យើងត្រូវស្វែងរកអ្នករៀបចំឃាតកម្មនេះ និងអ្នកបញ្ជាជនដៃដល់ផងដែរ»។
រដ្ឋមន្ត្រីមហាផ្ទៃតួកគី Suleyman Soylu និយាយដែរថា ខ្មាន់កាំភ្លើងដែលបាញ់អគ្គរដ្ឋទូតរុស្សីនៅពិព័រណ៍រូបថតក្នុងក្រុងអង់ការ៉ាមានឈ្មោះថា Mevlut Mert Altintas ជាប៉ូលិសបង្ក្រាបកុបកម្ម។ ការធ្វើឃាតលើអគ្គរដ្ឋទូតរុស្សីនេះ គឺពិតជាជាប់ពាក់ព័ន្ធនឹងស្ថានភាពនៅស៊ីរី។ សារព័ត៌មានតួកគីផ្សាយថា ក្នុងហេតុការណ៍បាញ់សម្លាប់លោក Andrey Karlov ខ្មាន់កាំភ្លើងបានស្រែកថា អ្នកដែលជាប់ពាក់ព័ន្ធជម្លោះនៅស៊ីរី នឹងត្រូវស្លាប់ម្ដងម្នាក់ៗ។
លោក Andrey Karlov បានបាត់បង់ជីវិតដោយសារតែរងរបួសធ្ងន់ធ្ងរពេក ដ្បិតខ្មាន់កាំភ្លើងបាញ់រូបលោកជាច្រើនគ្រាប់។ ចំណែកជនដៃដល់វិញ ក៏ត្រូវរាយការណ៍ថា បានបាត់បង់ជីវិតក្នុងការបាញ់តដៃជាមួយប៉ូលិសបាញ់។ គេក៏មិនទាន់ដឹងថា ជនដៃដល់ដែលជាប៉ូលិសនេះ មានទំនាក់ទំនងជាក្រុមភេរវកម្មណាមួយដែរ៕
ភ្លាមៗបន្ទាប់ពីការធ្វើឃាតលើលោក Andrey Karlov អគ្គរដ្ឋទូតរុស្សីប្រចាំក្រុងអង់ការ៉ា ប្រធានាធិបតី វ៉្លាឌីមៀ ពូទីន បានហៅសកម្មភាពនេះជា «ការបង្កហេតុ» យ៉ាងជាក់ច្បាស់ ដែលចង់បំផ្លាញដំណើរការប្រក្រតីនៃទំនាក់ទំនងរុស្សី-តួកគី និងការចរចាសន្តិភាពសម្រាប់ស៊ីរី។ លោក ពូទីន បានបញ្ជាក់ដូចនេះក្នុងកិច្ចប្រជុំបន្ទាន់មួយដែលចូលរួមដោយមន្ត្រីជាន់ខ្ពស់ទទួលបន្ទុកសន្តិសុខជាតិ និងរដ្ឋមន្ត្រីការបរទេសផងដែរ។
ក្នុងកិច្ចប្រជុំបន្ទាន់នោះ លោក ពូទីន បាននិយាយថា ឃាតកម្មនេះ គឺជាសកម្មភាពបង្កហេតុ ក្នុងគោលដៅបំបែកបំបាក់ទំនាក់ទំនងទ្វេភាគីរុស្សី-តួកគី និងបង្អាក់ការស្វែងរកដំណោះស្រាយសម្រាប់ស៊ីរី ដែលរុស្សី តួកគី អ៊ីរ៉ង់ ព្រមទាំងប្រទេសដទៃទៀតកំពុងព្យាយាមដោះស្រាយ។ លោកបន្តថា ការឆ្លើយតបតែមួយគត់របស់រុស្សីលើសកម្មភាពនេះ គឺការបង្កើនការប្រយុទ្ធប្រឆាំងភេរវកម្ម។
បើតាមសារព័ត៌មាន RT ប្រធានាធិបតីរុស្សីរូបនេះបញ្ជាក់ដែរថា គណៈកម្មាធិការស៊ើបអង្កេតរបស់រុស្សី បានចាប់ផ្ដើមការងាររបស់ខ្លួនហើយ។ លោកក៏បាននិយាយទូរសព្ទជាមួយប្រធានាធិបតីតួកគី Recep Tayyip Erdogan លើរឿងនេះ ហើយតួកគីនឹងសហការជាមួយរុស្សីដើម្បីស៊ើបអង្កេតករណីនេះដែរ។ លោក ពូទីន បញ្ជាក់ច្បាស់ថា៖ «យើងត្រូវស្វែងរកអ្នករៀបចំឃាតកម្មនេះ និងអ្នកបញ្ជាជនដៃដល់ផងដែរ»។
រដ្ឋមន្ត្រីមហាផ្ទៃតួកគី Suleyman Soylu និយាយដែរថា ខ្មាន់កាំភ្លើងដែលបាញ់អគ្គរដ្ឋទូតរុស្សីនៅពិព័រណ៍រូបថតក្នុងក្រុងអង់ការ៉ាមានឈ្មោះថា Mevlut Mert Altintas ជាប៉ូលិសបង្ក្រាបកុបកម្ម។ ការធ្វើឃាតលើអគ្គរដ្ឋទូតរុស្សីនេះ គឺពិតជាជាប់ពាក់ព័ន្ធនឹងស្ថានភាពនៅស៊ីរី។ សារព័ត៌មានតួកគីផ្សាយថា ក្នុងហេតុការណ៍បាញ់សម្លាប់លោក Andrey Karlov ខ្មាន់កាំភ្លើងបានស្រែកថា អ្នកដែលជាប់ពាក់ព័ន្ធជម្លោះនៅស៊ីរី នឹងត្រូវស្លាប់ម្ដងម្នាក់ៗ។
លោក Andrey Karlov បានបាត់បង់ជីវិតដោយសារតែរងរបួសធ្ងន់ធ្ងរពេក ដ្បិតខ្មាន់កាំភ្លើងបាញ់រូបលោកជាច្រើនគ្រាប់។ ចំណែកជនដៃដល់វិញ ក៏ត្រូវរាយការណ៍ថា បានបាត់បង់ជីវិតក្នុងការបាញ់តដៃជាមួយប៉ូលិសបាញ់។ គេក៏មិនទាន់ដឹងថា ជនដៃដល់ដែលជាប៉ូលិសនេះ មានទំនាក់ទំនងជាក្រុមភេរវកម្មណាមួយដែរ៕
Tag:
រុស្សី
តួកគី
វ្ល៉ាឌីមៀរ ពូទីន
© រក្សាសិទ្ធិដោយ thmeythmey.com
