សម្តេច ស៊ីសុវត្ថិ ជ័វ័នមុនីរក្ស បុត្រារបស់អតីតព្រះមហាក្សត្រ ស៊ីសុវត្ថិ មុន្នីវង្ស សុគត

ជាតិ

សម្តេច ស៊ីសុវត្ថិ ជ័វ័នមុនីរក្ស បុត្រារបស់អតីតព្រះមហាក្សត្រ ស៊ីសុវត្ថិ មុន្នីវង្ស សុគត

28, Dec 2016 , 1:58 pm

រូបភាព

សម្តេច ស៊ីសុវត្ថិ ជីវ័នមុនីរក្ស អតីតអនុប្រធានទី១ព្រឹទ្ធសភា និងជាឧត្តមក្រុមប្រឹក្សាព្រះមហាក្សត្រ

ដោយ: ថ្មីៗ

សម្តេច ស៊ីសុវត្ថិ ជីវ័នមុនីរ័ក្ស អតីតអនុប្រធានទី១ព្រឹទ្ធសភា និងជាឧត្តមក្រុមប្រឹក្សាព្រះមហាក្សត្រ បានសុគតក្នុងព្រះជន្ម៨០វស្សា កាលពីវេលាម៉ោង១០ និង៤៥នាទី ព្រឹកថ្ងៃពុធ ទី២៨ ខែធ្នូ ឆ្នាំ២០១៦ នេះ។

សម្តេច ស៊ីសុវត្ថិ ជីវ័នមុនីរ័ក្ស ជាបុត្រារបស់អតីតព្រះមហាក្សត្រ ស៊ីសុវត្ថិ មុនីវង្ស (សោយរាជ្យពីឆ្នាំ១៩២៧ ដល់ឆ្នាំ១៩៤១) ។ សម្តេច ស៊ីសុវត្ថិ មុនីវង្ស មានព្រះអគ្គមហេសី ព្រះជាយាចំនួន១៦អង្គ និងរាជបុត្រាបុត្រី២៤អង្គ។ នៅមុនការចូលទិវង្គតនេះ សម្តេច ស៊ីសុវត្ថិ ជីវ័នមុនីរ័ក្ស ជាព្រះរាជបុត្រចុងក្រោយដែលនៅរស់រានមានជីវិត។

មាតារបស់សម្តេច ស៊ីសុវត្ថិ ជីវ័នមុនីរក្ស គឺ ឃុនព្រះម្នាង បុប្ផានរល័ក្ខ យិន តាត (Khun Preah Moneang Bopha Norleak Tat)។

តាមសេចក្តីជូនដំណឹងរបស់ក្រសួងព្រះបរមរាជវាំង ព្រះសពសម្តេច ស៊ីសុវត្ថិ ជីវ័នមុនីរ័ក្ស តម្កល់ទុកធ្វើបុណ្យនៅវត្តបទុមវត្តី រាជធានីភ្នំពេញ៕