លោក ម៉ុង ឫទ្ធី បាននាំផ្លែស្វាយខ្មែរចេញទៅទីផ្សារអឺរ៉ុប ៥០តោនក្នុងមួយខែ ក្រោយពីមានការគាំទ្រខ្លាំង

ជាតិ

សេដ្ឋកិច្ច

លោក ម៉ុង ឫទ្ធី បាននាំផ្លែស្វាយខ្មែរចេញទៅទីផ្សារអឺរ៉ុប ៥០តោនក្នុងមួយខែ ក្រោយពីមានការគាំទ្រខ្លាំង

14, Mar 2017 , 3:47 pm

រូបភាព

ដោយ: រំដួល ចិត្រា (Romdoul Chetra)

ភ្នំពេញ៖ ក្រោយពីចំណាយពេលសាកល្បងនាំផ្លែស្វាយទៅទីផ្សារអឺរ៉ុប ដើម្បីឲ្យអន្តរជាតិស្គាល់ពីផលិតផលផ្លែស្វាយខ្មែរនោះ នៅពេលនេះផ្លែស្វាយខ្មែរ បានទទួលការគាំទ្រយ៉ាងខ្លាំងហើយ ពីសំណាក់ប្រជាជនខ្មែររស់នៅក្រៅប្រទេស និងបរទេស ដែលនិយមរសជាតិផ្លែស្វាយ។ ការគាំទ្រខ្លាំងនេះ ក្រុមហ៊ុន ម៉ុង ឫទ្ធី ក្រុប (Mong Reththy Group) អាចមានលទ្ធភាពនាំចេញផ្លែស្វាយទៅទីផ្សាអឺរ៉ុប បានចំនួន៥០តោនក្នុងមួយខែ ចាប់តាំងពីខែវិច្ឆិកា ឆ្នាំ២០១៦មកដល់ដើមឆ្នាំ២០១៧នេះ។ ហើយអ្នកបញ្ជាទិញក៏កំពុងតែចង់ពង្រីកទីផ្សារផ្លែស្វាយខ្មែរបន្ថែមទៀតដែរ។

បើតាមលោក ម៉ុង ឫទ្ធី មូលហេតុដែលផ្លែស្វាយខ្មែរទទួលបានការគាំទ្រខ្លាំងនេះ ដោយសារតែផ្លែស្វាយខ្មែរមានអនាម័យ និងគុណភាពល្អ ដោយមិនសូវមានជាតិគីមីច្រើន ដូចផលិតផលស្វាយប្រទេសដទៃទៀត។ សម្រាប់លោក ម៉ុង ឫទ្ធី ការនាំផ្លែស្វាយចេញឲ្យបណ្ដាអន្តរជាតិបានស្គាល់នេះ គឺជាបំណងរបស់លោក ដែលចង់ចូលរួមចំណែកក្នុងការជួយដោះស្រាយបញ្ហាផលិតផលស្វាយរបស់ប្រជាពលរដ្ឋខ្មែរ។

សូមលោកអ្នកនាងស្ដាប់ បទសម្ភាសន៍លោក រំដួល ចិត្រា អ្នកសារព័ត៌មានអេឡិចត្រូនិកថ្មីៗ និងលោក ម៉ុង ឫទ្ធី ដែលជាសមាជិកព្រឹទ្ធសភា និងជាអគ្គនាយកក្រុមហ៊ុន ម៉ុង ឫទ្ធី ក្រុប ដូចតទៅ៖