អត្ថបទពាណិជ្ជកម្ម
×![]()
ដោយ: ជី ដាណា
ក្នុងរយៈពេលជាង១ទសវត្សចុងក្រោយនេះ យើងសង្កេតឃើញថា វិស័យធនាគារ នៅប្រទេសកម្ពុជា រីកចម្រើនគួរឲ្យកត់សម្គាល់ ហើយប្រជាពលរដ្ឋកម្ពុជាកាន់តែច្រើនឡើង បានយល់ដឹង និងកំពុងប្រើប្រាស់សេវាកម្មធនាគារយ៉ាងទូលំទូលាយ ទាំងលើផ្នែកសេវាប្រាក់បញ្ញើ និងឥណទាន។ ទន្ទឹមនឹងនេះ មានការស្នើសុំឥណទានរបស់អតិថិជនមួយចំនួន ត្រូវបានបដិសេធ ពីធនាគារ។
ដើម្បីស្វែងយល់ពីមូលហេតុ ដែលនាំឲ្យសំណើឥណទានត្រូវបានបដិសេធ និងគន្លឹះដើម្បីឲ្យសំណើសុំឥណទានរបស់អ្នក ត្រូវបានអនុម័តយល់ព្រមពីធនាគារ យើងនឹងធ្វើបទសម្ភាសន៍ ជាមួយលោកហុង ជៀប នាយកគ្រប់គ្រងហានិភ័យនៃធនាគារ ស៊ីអាយអីមប៊ី ភីអិលស៊ី (ធនាគារ CIMB) ដើម្បីលម្អិតអំពីកិច្ចការនេះ ដូចតទៅ៖
អ្នករាយការណ៍៖ សូមជម្រាបសួរលោកហុង ជៀប! ជាដំបូង សូមលោករៀបរាប់ដោយសង្ខេបពី ធនាគារ CIMB។ តើធនាគារនេះ មានផ្ដល់ផលិតផលឥណទានអ្វីខ្លះ?
លោក ហុង ជៀប៖ ធនាគារ CIMB គឺក្រុមហ៊ុនបុត្រសម្ព័ន្ធរបស់ស៊ីអាយអិមប៊ី គ្រុប នៅក្នុងប្រទេសម៉ាឡេស៊ី ដែលមានបណ្តាញសាខាធំជាងគេនៅក្នុងតំបន់អាស៊ាន ជាមួយសាខាជាង ១ពាន់កន្លែង។ យើងបានចាប់ផ្តើមអាជីវកម្ម នៅប្រទេសកម្ពុជា ក្នុងឆ្នាំ២០១០ ដែលឥឡូវនេះ មានសាខាចំនួន១២ នៅរាជធានីភ្នំពេញ ខេត្តសៀមរាប បាត់ដំបង កំពង់ចាម និងខេត្តព្រះសីហនុ។ ធនាគារ CIMB មានផ្តល់ជូនសេវាកម្ម និងផលិតផលដ៏សម្បូរបែប រួមទាំងប្រាក់បញ្ញើ និងឥណទានផងដែរ។ សម្រាប់ផលិតផលឥណទាន យើងមានប្រភេទឥណទានលក្ខណៈបុគ្គល ឥណទានគេហដ្ឋាន ឥណទានរថយន្ត និងឥណទានសម្រាប់ប្រកបអាជីវកម្ម ដែលអតិថិជនអាចខ្ចី ចាប់ពីទំហំ ៤ម៉ឺនដុល្លារដុល្លារអាមេរិកឡើងទៅ។
អ្នករាយការណ៍៖ តើអតិថិជនត្រូវបំពេញលក្ខខណ្ឌអ្វីខ្លះ ដើម្បីអាចស្នើសុំឥណទានពីធនាគារ CIMB?
លោក ហុង ជៀប៖ ទាំងសំណើឥណទានបុគ្គល និងឥណទានអាជីវកម្ម គឺមានលក្ខខណ្ឌដូចគ្នា។ អតិថិជន ដែលដាក់ពាក្យស្នើសុំឥណទាន ត្រូវតែជាជនជាតិខ្មែរ ដែលមានអាយុចាប់ពី១៨ឆ្នាំ ដល់៦៥ឆ្នាំ ហើយពួកគេអាចស្នើសុំឥណទានជាលក្ខណៈបុគ្គលក៏បាន ឬជាលក្ខណៈរួមគ្នាក៏បាន។
អ្នករាយការណ៍៖ មុននឹងសម្រេចអនុម័ត និងបដិសេដសំណើឥណទានរបស់អតិថិជន តើធនាគារសិក្សាលើកត្តាសំខាន់ៗអ្វីខ្លះ?
លោក ហុង ជៀប៖ សម្រាប់សំណើឥណទានបុគ្គល ឯកសារ និងលក្ខណៈមិនសូវច្រើន ដូចឥណទានអាជីវកម្ម ឡើយ ប៉ុន្តែសម្រាប់ការសិក្សា គឺមិនជាខុសគ្នាប៉ុន្មានឡើយ។ ក្នុងនោះ ធនាគារនឹងសិក្សាលើចំណុចចម្បង រួមមាន៖
ទី១ គឺប្រភពចំណូលរបស់អតិថិជន។ តើប្រភពចំណូលអាចទូទាត់សងទៅធនាគារវិញដែរឬទេ? ហើយវាមាននិរន្តរភាពដែរឬទេ? សម្រាប់ឥណទានជាលក្ខណៈបុគ្គល ជាទូទៅធនាគារតម្រូវឲ្យមានទំហំចំណូលយ៉ាងតិច ២ដង នៃចំនួនទឹកប្រាក់ ដែលអតិថិជនត្រូវសងទៅធនាគារវិញ។ រីឯឥណទានអាជីវកម្មវិញ អតិថិជនត្រូវមានចំណូលយ៉ាងតិច ១,៣ដង ឬ ១,៥ដង។ មិនតែប៉ុណ្ណោះ បើប្រភពចំណូលមានរយៈពេលខ្លី ហើយឥណទានមានរយៈវែង វាមិនទូទាត់គ្នាឡើយ។ ដូច្នេះធនាគារនឹងពិនិត្យថា ទំហំប្រភពចំណូល និងរយៈពេលនៃចំណូល មាននិរន្តន៍ភាព និងរីកចម្រើនទៅមុខដែរឬទេ នោះធនាគារអាចផ្ដល់ឥណទានជូនបាន។
ទី២ គឺគោលបំណងនៃសំណើឥណទាន។ គោលបំណងនៃឥណទាន គឺត្រូវស្របច្បាប់ ដែលជួយទាំងដល់អតិថិជនខ្លួនឯងផ្ទាល់ ហើយមិនប៉ះពាល់ដល់អ្នកដទៃផងដែរ។ មិនតែប៉ុណ្ណោះ អតិថិជនត្រូវប្រើប្រាស់ឥណទាន ដែលធនាគារបានអនុម័ត ឲ្យស្របតាមគោលដៅ និងគោលបំណង ដែលបានស្នើសុំដំបូង ព្រោះធនាគារអាចប្រាកដថា ឥណទានដែលផ្តល់ឲ្យអតិថិជននោះ នឹងជួយឲ្យពួកគេរីកចម្រើន ទៅលើអាជីវកម្ម និងជីវិតរបស់ខ្លួន។
ទី៣ គឺទ្រព្យធានា សម្រាប់ការស្នើសុំឥណទាន។ ទ្រព្យសម្បត្តិ ដែលអាចចាត់ជាទ្រព្យធានាបាន មានដូចជាគេហដ្ឋាន ដី គណនីមានកាលកំណត់ រួមទាំងអចលនទ្រព្យផ្សេងទៀតផងដែរ។ ជាគោលការណ៍ សម្រាប់អចលនទ្រព្យ រួមមានគេហដ្ឋាន និងដីជាដើម ធនាគារ CIMB ទទួលតែប្លង់រឹងប៉ុណ្ណោះ។ ការកំណត់នេះ គឺដើម្បីបញ្ចៀសហានិភ័យនានា ហើយធនាគារអាចផ្តល់នូវអត្រាការប្រាក់ដ៏សមរម្យមួយ សម្រាប់អតិថិជនផងដែរ។
អ្នករាយការណ៍៖ តើធនាគារ CIMB ចំណាយរយៈពេលប៉ុន្មាន ក្នុងការសិក្សា និងអនុម័តសំណើឥណទានរបស់អតិថិជន?
លោក ហុង ជៀប៖ តាមពិតទៅ រយៈពេលនៃការសិក្សាទៅលើឥណទាននីមួយៗ គឺវាអាស្រ័យទៅតាមតថភាពជាក់ស្តែង ព្រោះករណីខ្លះងាយស្រួលសិក្សា ហើយខ្លះទៀតត្រូវទៀតត្រូវការពេលវេលាច្រើន ដើម្បីសិក្សាលម្អិត។ ប៉ុន្តែជាទូទៅ បើសិនជាសំណើឥណទាន ដែលយកប្រាក់បៀវត្សការងារ ឬថ្លៃផ្ទះជួល មកសិក្សា វាអាចចំណាយពេលប្រមាណ២សប្តាហ៍ ប៉ុន្តែបើសិនបើយកចំណូលពីអាជីវកម្មមកសិក្សា វាត្រូវចំណាយពេលវេលាសិក្សា និងស្វែងយល់យូរបន្តិច ដែលលើសពី២សប្តាហ៍។ យ៉ាងណាមិញ ពេលវេលាសិក្សានេះ គឺដើម្បីប្រាកដថា រាល់ឥណទានដែលធនាគារអនុម័តឲ្យអតិថិជន សុទ្ធតែអាចជួយឲ្យអតិថិជនរីកចម្រើន និងមិនមានឥណទានមិនដំណើរការ ឬឥណទានខូច។
អ្នករាយការណ៍៖ តើមានផលប្រយោជន៍អ្វី ដែលធនាគារ CIMB ត្រូវគ្រប់គ្រងមិនឲ្យមានឥណទានមិនដំណើរការ ឬឥណទានខូច?
លោក ហុង ជៀប៖ ពេលដែលឥណទានខូច មិនមែនប៉ះពាល់ដល់ធនាគារប៉ុណ្ណោះទេ តែអតិថិជនក៏នឹងជួបការលំបាក ហើយបរាជ័យក្នុងការស្វែងរកភាពរីកចម្រើនផងដែរ។ ជាក់ស្ដែងធនាគារ បានការប្រាក់ នៅពេលឥណទានអត់ខូច ប៉ុន្តែអ្វីដែលល្អជាងនោះទៀត គឺអតិថិជនបានក្រេឌីត ឬពិន្ទុល្អ សម្រាប់ខ្លួនឯង ហើយពួកគេក៏មានការអភិវឌ្ឍទៅមុខផងដែរ។ ថ្ងៃក្រោយទៅ អតិថិជនត្រូវការឥណទានច្រើនជាងនេះ នឹងត្រូវបានគេស្គាល់ថាជាអតិថិជនល្អ ដូច្នេះពួកគេងាយនឹងត្រូវផ្តល់ឥណទានឲ្យបន្ថែមទៀត។ យើងមិនចង់បានភាពរីកចម្រើនតែខ្លួនឯងទេ គឺយើងចង់ឲ្យធនាគារចំណេញផង និងអតិថិជនជោគជ័យដូចគ្នា។ ធនាគារ CIMB មានឥណទានខូច ក្នុងកម្រិតទាបបំផុត ដោយក្នុងឆ្នាំ២១០៦ គឺមានប្រមាណជិត ០,២ភាគរយប៉ុណ្ណោះ។ ធនាគារអាចគ្រប់គ្រងមិនឲ្យមានកម្ចីខូចច្រើន ព្រោះយើងមានប្រាស្រ័យទាក់ទងល្អ និងជាប់រហួត ជាមួយអតិថិជន ចាប់តាំងពីមុនអនុម័តលើសំណើសុំឥណទាន និងក្រោយអនុម័ត។
អ្នករាយការណ៍៖ សូមអរគុណដល់ការបកស្រាយយ៉ាងក្បោះក្បាយរបស់លោក ដែលជាចំណេះដឹងដ៏មានតម្លៃដល់ប្រិយមិត្តអ្នកអានរបស់យើង! ជាចុងក្រោយ ក្នុងនាមលោកជាអ្នកនៅក្នុងវិស័យធនាគារ តើលោកមានជាមតិផ្តាំផ្ញើ ឬផ្ដល់អនុសាសន៍អ្វីខ្លះ ដល់សាធារណជន ក្នុងការសម្រេចជ្រើសរើសធនាគារដៃគូណាមួយ?
លោក ហុង ជៀប ៖ ជាការពិតណាស់ ដើម្បីសម្រេចបានជោគជ័យយូរអង្វែង យើងតែងតែត្រូវការដៃគូសហការ ដែលអាចជឿជាក់បាន។ ដោយសារធនាគារនីមួយៗ អាចមានសេវាកម្ម និងផលិតផលខុសគ្នា កេរ្តិ៍ឈ្មោះខុសគ្នា ចំនួនសាខាខុសគ្នា និងការប្រាក់ខុសគ្នា អតិថិជនមិនគួរផ្ដោតតែទៅលើចំណុចណាមួយជាក់លាក់នោះទេ ដូចជាគិតតែលើការប្រាក់ទាប និងដំណើរការឯកសារលឿនជាដើម។ ខ្ញុំគិតថា នេះជាចំណុចមួយ សម្រាប់រយៈពេលខ្លីប៉ុណ្ណោះ។ អតិថិជនគួរតែស្វែងរកធនាគារដៃគូណាមួយ ដែលអាចធ្វើការជាមួយគាត់ និងធ្វើឲ្យគាត់រីកចម្រើនយូរអង្វែង ជាមួយនឹងការប្រាក់ល្អ រួមទាំងអត្ថប្រយោជន៍ដ៏សម្បូរបែបផងដែរ៕
ដើម្បីស្វែងយល់ពីមូលហេតុ ដែលនាំឲ្យសំណើឥណទានត្រូវបានបដិសេធ និងគន្លឹះដើម្បីឲ្យសំណើសុំឥណទានរបស់អ្នក ត្រូវបានអនុម័តយល់ព្រមពីធនាគារ យើងនឹងធ្វើបទសម្ភាសន៍ ជាមួយលោកហុង ជៀប នាយកគ្រប់គ្រងហានិភ័យនៃធនាគារ ស៊ីអាយអីមប៊ី ភីអិលស៊ី (ធនាគារ CIMB) ដើម្បីលម្អិតអំពីកិច្ចការនេះ ដូចតទៅ៖
អ្នករាយការណ៍៖ សូមជម្រាបសួរលោកហុង ជៀប! ជាដំបូង សូមលោករៀបរាប់ដោយសង្ខេបពី ធនាគារ CIMB។ តើធនាគារនេះ មានផ្ដល់ផលិតផលឥណទានអ្វីខ្លះ?
លោក ហុង ជៀប៖ ធនាគារ CIMB គឺក្រុមហ៊ុនបុត្រសម្ព័ន្ធរបស់ស៊ីអាយអិមប៊ី គ្រុប នៅក្នុងប្រទេសម៉ាឡេស៊ី ដែលមានបណ្តាញសាខាធំជាងគេនៅក្នុងតំបន់អាស៊ាន ជាមួយសាខាជាង ១ពាន់កន្លែង។ យើងបានចាប់ផ្តើមអាជីវកម្ម នៅប្រទេសកម្ពុជា ក្នុងឆ្នាំ២០១០ ដែលឥឡូវនេះ មានសាខាចំនួន១២ នៅរាជធានីភ្នំពេញ ខេត្តសៀមរាប បាត់ដំបង កំពង់ចាម និងខេត្តព្រះសីហនុ។ ធនាគារ CIMB មានផ្តល់ជូនសេវាកម្ម និងផលិតផលដ៏សម្បូរបែប រួមទាំងប្រាក់បញ្ញើ និងឥណទានផងដែរ។ សម្រាប់ផលិតផលឥណទាន យើងមានប្រភេទឥណទានលក្ខណៈបុគ្គល ឥណទានគេហដ្ឋាន ឥណទានរថយន្ត និងឥណទានសម្រាប់ប្រកបអាជីវកម្ម ដែលអតិថិជនអាចខ្ចី ចាប់ពីទំហំ ៤ម៉ឺនដុល្លារដុល្លារអាមេរិកឡើងទៅ។
អ្នករាយការណ៍៖ តើអតិថិជនត្រូវបំពេញលក្ខខណ្ឌអ្វីខ្លះ ដើម្បីអាចស្នើសុំឥណទានពីធនាគារ CIMB?
លោក ហុង ជៀប៖ ទាំងសំណើឥណទានបុគ្គល និងឥណទានអាជីវកម្ម គឺមានលក្ខខណ្ឌដូចគ្នា។ អតិថិជន ដែលដាក់ពាក្យស្នើសុំឥណទាន ត្រូវតែជាជនជាតិខ្មែរ ដែលមានអាយុចាប់ពី១៨ឆ្នាំ ដល់៦៥ឆ្នាំ ហើយពួកគេអាចស្នើសុំឥណទានជាលក្ខណៈបុគ្គលក៏បាន ឬជាលក្ខណៈរួមគ្នាក៏បាន។
អ្នករាយការណ៍៖ មុននឹងសម្រេចអនុម័ត និងបដិសេដសំណើឥណទានរបស់អតិថិជន តើធនាគារសិក្សាលើកត្តាសំខាន់ៗអ្វីខ្លះ?
លោក ហុង ជៀប៖ សម្រាប់សំណើឥណទានបុគ្គល ឯកសារ និងលក្ខណៈមិនសូវច្រើន ដូចឥណទានអាជីវកម្ម ឡើយ ប៉ុន្តែសម្រាប់ការសិក្សា គឺមិនជាខុសគ្នាប៉ុន្មានឡើយ។ ក្នុងនោះ ធនាគារនឹងសិក្សាលើចំណុចចម្បង រួមមាន៖
ទី១ គឺប្រភពចំណូលរបស់អតិថិជន។ តើប្រភពចំណូលអាចទូទាត់សងទៅធនាគារវិញដែរឬទេ? ហើយវាមាននិរន្តរភាពដែរឬទេ? សម្រាប់ឥណទានជាលក្ខណៈបុគ្គល ជាទូទៅធនាគារតម្រូវឲ្យមានទំហំចំណូលយ៉ាងតិច ២ដង នៃចំនួនទឹកប្រាក់ ដែលអតិថិជនត្រូវសងទៅធនាគារវិញ។ រីឯឥណទានអាជីវកម្មវិញ អតិថិជនត្រូវមានចំណូលយ៉ាងតិច ១,៣ដង ឬ ១,៥ដង។ មិនតែប៉ុណ្ណោះ បើប្រភពចំណូលមានរយៈពេលខ្លី ហើយឥណទានមានរយៈវែង វាមិនទូទាត់គ្នាឡើយ។ ដូច្នេះធនាគារនឹងពិនិត្យថា ទំហំប្រភពចំណូល និងរយៈពេលនៃចំណូល មាននិរន្តន៍ភាព និងរីកចម្រើនទៅមុខដែរឬទេ នោះធនាគារអាចផ្ដល់ឥណទានជូនបាន។
ទី២ គឺគោលបំណងនៃសំណើឥណទាន។ គោលបំណងនៃឥណទាន គឺត្រូវស្របច្បាប់ ដែលជួយទាំងដល់អតិថិជនខ្លួនឯងផ្ទាល់ ហើយមិនប៉ះពាល់ដល់អ្នកដទៃផងដែរ។ មិនតែប៉ុណ្ណោះ អតិថិជនត្រូវប្រើប្រាស់ឥណទាន ដែលធនាគារបានអនុម័ត ឲ្យស្របតាមគោលដៅ និងគោលបំណង ដែលបានស្នើសុំដំបូង ព្រោះធនាគារអាចប្រាកដថា ឥណទានដែលផ្តល់ឲ្យអតិថិជននោះ នឹងជួយឲ្យពួកគេរីកចម្រើន ទៅលើអាជីវកម្ម និងជីវិតរបស់ខ្លួន។
ទី៣ គឺទ្រព្យធានា សម្រាប់ការស្នើសុំឥណទាន។ ទ្រព្យសម្បត្តិ ដែលអាចចាត់ជាទ្រព្យធានាបាន មានដូចជាគេហដ្ឋាន ដី គណនីមានកាលកំណត់ រួមទាំងអចលនទ្រព្យផ្សេងទៀតផងដែរ។ ជាគោលការណ៍ សម្រាប់អចលនទ្រព្យ រួមមានគេហដ្ឋាន និងដីជាដើម ធនាគារ CIMB ទទួលតែប្លង់រឹងប៉ុណ្ណោះ។ ការកំណត់នេះ គឺដើម្បីបញ្ចៀសហានិភ័យនានា ហើយធនាគារអាចផ្តល់នូវអត្រាការប្រាក់ដ៏សមរម្យមួយ សម្រាប់អតិថិជនផងដែរ។
អ្នករាយការណ៍៖ តើធនាគារ CIMB ចំណាយរយៈពេលប៉ុន្មាន ក្នុងការសិក្សា និងអនុម័តសំណើឥណទានរបស់អតិថិជន?
លោក ហុង ជៀប៖ តាមពិតទៅ រយៈពេលនៃការសិក្សាទៅលើឥណទាននីមួយៗ គឺវាអាស្រ័យទៅតាមតថភាពជាក់ស្តែង ព្រោះករណីខ្លះងាយស្រួលសិក្សា ហើយខ្លះទៀតត្រូវទៀតត្រូវការពេលវេលាច្រើន ដើម្បីសិក្សាលម្អិត។ ប៉ុន្តែជាទូទៅ បើសិនជាសំណើឥណទាន ដែលយកប្រាក់បៀវត្សការងារ ឬថ្លៃផ្ទះជួល មកសិក្សា វាអាចចំណាយពេលប្រមាណ២សប្តាហ៍ ប៉ុន្តែបើសិនបើយកចំណូលពីអាជីវកម្មមកសិក្សា វាត្រូវចំណាយពេលវេលាសិក្សា និងស្វែងយល់យូរបន្តិច ដែលលើសពី២សប្តាហ៍។ យ៉ាងណាមិញ ពេលវេលាសិក្សានេះ គឺដើម្បីប្រាកដថា រាល់ឥណទានដែលធនាគារអនុម័តឲ្យអតិថិជន សុទ្ធតែអាចជួយឲ្យអតិថិជនរីកចម្រើន និងមិនមានឥណទានមិនដំណើរការ ឬឥណទានខូច។
អ្នករាយការណ៍៖ តើមានផលប្រយោជន៍អ្វី ដែលធនាគារ CIMB ត្រូវគ្រប់គ្រងមិនឲ្យមានឥណទានមិនដំណើរការ ឬឥណទានខូច?
លោក ហុង ជៀប៖ ពេលដែលឥណទានខូច មិនមែនប៉ះពាល់ដល់ធនាគារប៉ុណ្ណោះទេ តែអតិថិជនក៏នឹងជួបការលំបាក ហើយបរាជ័យក្នុងការស្វែងរកភាពរីកចម្រើនផងដែរ។ ជាក់ស្ដែងធនាគារ បានការប្រាក់ នៅពេលឥណទានអត់ខូច ប៉ុន្តែអ្វីដែលល្អជាងនោះទៀត គឺអតិថិជនបានក្រេឌីត ឬពិន្ទុល្អ សម្រាប់ខ្លួនឯង ហើយពួកគេក៏មានការអភិវឌ្ឍទៅមុខផងដែរ។ ថ្ងៃក្រោយទៅ អតិថិជនត្រូវការឥណទានច្រើនជាងនេះ នឹងត្រូវបានគេស្គាល់ថាជាអតិថិជនល្អ ដូច្នេះពួកគេងាយនឹងត្រូវផ្តល់ឥណទានឲ្យបន្ថែមទៀត។ យើងមិនចង់បានភាពរីកចម្រើនតែខ្លួនឯងទេ គឺយើងចង់ឲ្យធនាគារចំណេញផង និងអតិថិជនជោគជ័យដូចគ្នា។ ធនាគារ CIMB មានឥណទានខូច ក្នុងកម្រិតទាបបំផុត ដោយក្នុងឆ្នាំ២១០៦ គឺមានប្រមាណជិត ០,២ភាគរយប៉ុណ្ណោះ។ ធនាគារអាចគ្រប់គ្រងមិនឲ្យមានកម្ចីខូចច្រើន ព្រោះយើងមានប្រាស្រ័យទាក់ទងល្អ និងជាប់រហួត ជាមួយអតិថិជន ចាប់តាំងពីមុនអនុម័តលើសំណើសុំឥណទាន និងក្រោយអនុម័ត។
អ្នករាយការណ៍៖ សូមអរគុណដល់ការបកស្រាយយ៉ាងក្បោះក្បាយរបស់លោក ដែលជាចំណេះដឹងដ៏មានតម្លៃដល់ប្រិយមិត្តអ្នកអានរបស់យើង! ជាចុងក្រោយ ក្នុងនាមលោកជាអ្នកនៅក្នុងវិស័យធនាគារ តើលោកមានជាមតិផ្តាំផ្ញើ ឬផ្ដល់អនុសាសន៍អ្វីខ្លះ ដល់សាធារណជន ក្នុងការសម្រេចជ្រើសរើសធនាគារដៃគូណាមួយ?
លោក ហុង ជៀប ៖ ជាការពិតណាស់ ដើម្បីសម្រេចបានជោគជ័យយូរអង្វែង យើងតែងតែត្រូវការដៃគូសហការ ដែលអាចជឿជាក់បាន។ ដោយសារធនាគារនីមួយៗ អាចមានសេវាកម្ម និងផលិតផលខុសគ្នា កេរ្តិ៍ឈ្មោះខុសគ្នា ចំនួនសាខាខុសគ្នា និងការប្រាក់ខុសគ្នា អតិថិជនមិនគួរផ្ដោតតែទៅលើចំណុចណាមួយជាក់លាក់នោះទេ ដូចជាគិតតែលើការប្រាក់ទាប និងដំណើរការឯកសារលឿនជាដើម។ ខ្ញុំគិតថា នេះជាចំណុចមួយ សម្រាប់រយៈពេលខ្លីប៉ុណ្ណោះ។ អតិថិជនគួរតែស្វែងរកធនាគារដៃគូណាមួយ ដែលអាចធ្វើការជាមួយគាត់ និងធ្វើឲ្យគាត់រីកចម្រើនយូរអង្វែង ជាមួយនឹងការប្រាក់ល្អ រួមទាំងអត្ថប្រយោជន៍ដ៏សម្បូរបែបផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
