អន្តរជាតិ
×![]()
ដោយ: តន ចាន់រិទ្ធារ៉ា
បេសកកម្មកូរ៉េខាងជើងប្រចាំអង្គការសហប្រជាជាតិបានអំពាវនាវឲ្យសមាជិកអង្គការសហប្រជាជាតិទាំងអស់ ពិចារណាឡើងវិញលើការដាក់ទណ្ឌកម្មបន្ថែមទៀតមកលើខ្លួន។ ការអំពាវនាវធ្វើឡើង ខណៈដែលសហគមន៍អន្តរជាតិកំពុងស្វះស្វែងរកលទ្ធភាពដាក់សម្ពាធកាន់តែខ្លាំងលើរដ្ឋកុម្មុយនីស្តមួយនេះដែលបន្តកម្មវិធីនុយក្លេអ៊ែររបស់ខ្លួនរហូតមក។ ឯអាមេរិកវិញ រដ្ឋសភាប្រទេសនេះ ក៏បានឯកភាពឲ្យរដ្ឋាភិបាលបន្ថែមទណ្ឌកម្មលើកូរ៉េខាងជើងរួចហើយដែរ។
បើទោះជាមានការគំរាមប្រើប្រាស់កម្លាំងពីសំណាក់អាមេរិកដើម្បីដោះស្រាយវិបត្តិនុយក្លេអ៊ែរកូរ៉េខាងជើងក្ដី ការដាក់សម្ពាធតាមការបង្កើនទណ្ឌកម្មនៅតែជាជម្រើសនាំមុខដដែល។ ថ្មីៗនេះ ក្រុមអ្នកជំនាញរបស់ក្រុមប្រឹក្សាសន្តិសុខបានទទូចឲ្យសមាជិកអង្គការសហប្រជាជាតិទាំងអស់ ពង្រឹងការអនុវត្តសេចក្ដីសម្រេចរបស់ក្រុមប្រឹក្សាសន្តិសុខលេខ២២៧០ និងលេខ២៣២១ ដែលចែងពីការដាក់ទណ្ឌកម្មលើកូរ៉េខាងជើង។
យ៉ាងណាក្ដី តាមរយៈតំណាងប្រចាំអង្គការសហប្រជាជាតិ កូរ៉េខាងជើង ក៏ប្រាប់ឲ្យសមាជិកអង្គការសហប្រជាជាតិទាំងឡាយគិតម្ដងទៀតលើការដាក់ទណ្ឌកម្មនេះ។ ក្នុងសេចក្ដីប្រកាសព័ត៌មានថ្ងៃទី១២ ខែឧសភា តំណាងកូរ៉េខាងជើង ថែមទាំងចោទអាមេរិកថាបានបង្ខំប្រទេសដទៃទៀតឲ្យដាក់ទណ្ឌកម្មលើខ្លួន ដោយគំរាមដាក់ទណ្ឌកម្មលើប្រទេសទាំងនោះ បើពួកគេមិនដាក់សម្ពាធលើកូរ៉េខាងជើងទេនោះ។
បើតាមទីភ្នាក់ងារព័ត៌មាន Yonhap កូរ៉េខាងជើងលើកឡើងថា ការដាក់ទណ្ឌកម្មលើភោជនីយដ្ឋាននៅបរទេសដែលគ្រប់គ្រងដោយកូរ៉េខាងជើង គឺជារឿងមិនបានប្រយោជន៍ ហើយការដាក់សម្ពាធលើពួកគេ បានន័យថាភោជនីយដ្ឋានទាំងនេះ គឺរោងចក្រផលិតមីស៊ីល និងនុយក្លេអ៊ែរទៅវិញ។ យ៉ាងណាមិញ ដូចការលើកឡើងកន្លងមក ទណ្ឌកម្មកម្រិតណាក៏ដោយ មិនអាចបង្ខំកូរ៉េខាងជើងឲ្យបោះបង់កម្មវិធីនុយក្លេអ៊ែរឡើយ។
ទង្វើរបស់កូរ៉េខាងជើងនាពេលកន្លងមក ធ្វើឲ្យសហគមន៍អន្តរជាតិខកចិត្តយ៉ាងខ្លាំង ព្រោះហ៊ានបាញ់មីស៊ីលជាញឹកញាប់។ ប្រធានាធិបតីអាមេរិក ដូណាល់ ត្រាំ បានបោះដៃរកសម្ព័ន្ធមិត្តនៅតំបន់អាស៊ីឲ្យជួយសហការគ្នាដាក់សម្ពាធលើកូរ៉េខាងជើង ស្របពេលគ្នានោះ ក៏បានទទូចម្ដងហើយម្ដងទៀតដាក់ចិនឲ្យជួយបញ្ចេញសកម្មភាពបន្ថែមទៀត ព្រោះចិនជាមិត្តរបស់កូរ៉េខាងជើងយូរមកហើយ និងក៏ជាបងធំរបស់ព្យុងយ៉ាងដែរ។
សូមបញ្ជាក់ថា ក្រុមប្រឹក្សាសន្តិសុខអង្គការសហប្រជាជាតិ បានដាក់ទណ្ឌកម្មលើកដំបូងលើកូរ៉េខាងជើងក្នុងឆ្នាំ២០០៦ ក្រោយប្រទេសនេះសាកល្បងនុយក្លេអ៊ែរ។ ជាបន្តបន្ទាប់មក ទណ្ឌកម្មនេះក៏ត្រូវបានបង្កើនកាន់តែខ្លាំងឡើង ក្រោយរបបក្រុងព្យុងយ៉ាងសាកល្បងនុយក្លេអ៊ែរ និងបាញ់មីស៊ីលជាបន្តបន្ទាប់ មិនស្ដាប់ការព្រមានរបស់សហគមន៍អន្តរជាតិឡើយ។ ចុងក្រោយនេះ អង្គការសហប្រជាជាតិ ក៏បង្កើនសម្ពាធថែមទៀតលើកូរ៉េខាងជើង ធ្វើយ៉ាងណាបង្ខំឲ្យបោះបង់កម្មវិធីនុយក្លេអ៊ែរ៕
បើទោះជាមានការគំរាមប្រើប្រាស់កម្លាំងពីសំណាក់អាមេរិកដើម្បីដោះស្រាយវិបត្តិនុយក្លេអ៊ែរកូរ៉េខាងជើងក្ដី ការដាក់សម្ពាធតាមការបង្កើនទណ្ឌកម្មនៅតែជាជម្រើសនាំមុខដដែល។ ថ្មីៗនេះ ក្រុមអ្នកជំនាញរបស់ក្រុមប្រឹក្សាសន្តិសុខបានទទូចឲ្យសមាជិកអង្គការសហប្រជាជាតិទាំងអស់ ពង្រឹងការអនុវត្តសេចក្ដីសម្រេចរបស់ក្រុមប្រឹក្សាសន្តិសុខលេខ២២៧០ និងលេខ២៣២១ ដែលចែងពីការដាក់ទណ្ឌកម្មលើកូរ៉េខាងជើង។
យ៉ាងណាក្ដី តាមរយៈតំណាងប្រចាំអង្គការសហប្រជាជាតិ កូរ៉េខាងជើង ក៏ប្រាប់ឲ្យសមាជិកអង្គការសហប្រជាជាតិទាំងឡាយគិតម្ដងទៀតលើការដាក់ទណ្ឌកម្មនេះ។ ក្នុងសេចក្ដីប្រកាសព័ត៌មានថ្ងៃទី១២ ខែឧសភា តំណាងកូរ៉េខាងជើង ថែមទាំងចោទអាមេរិកថាបានបង្ខំប្រទេសដទៃទៀតឲ្យដាក់ទណ្ឌកម្មលើខ្លួន ដោយគំរាមដាក់ទណ្ឌកម្មលើប្រទេសទាំងនោះ បើពួកគេមិនដាក់សម្ពាធលើកូរ៉េខាងជើងទេនោះ។
បើតាមទីភ្នាក់ងារព័ត៌មាន Yonhap កូរ៉េខាងជើងលើកឡើងថា ការដាក់ទណ្ឌកម្មលើភោជនីយដ្ឋាននៅបរទេសដែលគ្រប់គ្រងដោយកូរ៉េខាងជើង គឺជារឿងមិនបានប្រយោជន៍ ហើយការដាក់សម្ពាធលើពួកគេ បានន័យថាភោជនីយដ្ឋានទាំងនេះ គឺរោងចក្រផលិតមីស៊ីល និងនុយក្លេអ៊ែរទៅវិញ។ យ៉ាងណាមិញ ដូចការលើកឡើងកន្លងមក ទណ្ឌកម្មកម្រិតណាក៏ដោយ មិនអាចបង្ខំកូរ៉េខាងជើងឲ្យបោះបង់កម្មវិធីនុយក្លេអ៊ែរឡើយ។
ទង្វើរបស់កូរ៉េខាងជើងនាពេលកន្លងមក ធ្វើឲ្យសហគមន៍អន្តរជាតិខកចិត្តយ៉ាងខ្លាំង ព្រោះហ៊ានបាញ់មីស៊ីលជាញឹកញាប់។ ប្រធានាធិបតីអាមេរិក ដូណាល់ ត្រាំ បានបោះដៃរកសម្ព័ន្ធមិត្តនៅតំបន់អាស៊ីឲ្យជួយសហការគ្នាដាក់សម្ពាធលើកូរ៉េខាងជើង ស្របពេលគ្នានោះ ក៏បានទទូចម្ដងហើយម្ដងទៀតដាក់ចិនឲ្យជួយបញ្ចេញសកម្មភាពបន្ថែមទៀត ព្រោះចិនជាមិត្តរបស់កូរ៉េខាងជើងយូរមកហើយ និងក៏ជាបងធំរបស់ព្យុងយ៉ាងដែរ។
សូមបញ្ជាក់ថា ក្រុមប្រឹក្សាសន្តិសុខអង្គការសហប្រជាជាតិ បានដាក់ទណ្ឌកម្មលើកដំបូងលើកូរ៉េខាងជើងក្នុងឆ្នាំ២០០៦ ក្រោយប្រទេសនេះសាកល្បងនុយក្លេអ៊ែរ។ ជាបន្តបន្ទាប់មក ទណ្ឌកម្មនេះក៏ត្រូវបានបង្កើនកាន់តែខ្លាំងឡើង ក្រោយរបបក្រុងព្យុងយ៉ាងសាកល្បងនុយក្លេអ៊ែរ និងបាញ់មីស៊ីលជាបន្តបន្ទាប់ មិនស្ដាប់ការព្រមានរបស់សហគមន៍អន្តរជាតិឡើយ។ ចុងក្រោយនេះ អង្គការសហប្រជាជាតិ ក៏បង្កើនសម្ពាធថែមទៀតលើកូរ៉េខាងជើង ធ្វើយ៉ាងណាបង្ខំឲ្យបោះបង់កម្មវិធីនុយក្លេអ៊ែរ៕
Tag:
កូរ៉េខាងជើង
UN
នុយក្លេអ៊ែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
