ជាតិ
×![]()
ដោយ: ម៉ៅ សុផា
ភ្នំពេញ៖ នៅព្រឹកថ្ងៃទី២៤ ខែឧសភា ឆ្នាំ២0១៧នេះ សាលាឧទ្ធរណ៍ បានបើកសវនាការលើសំណុំរឿងមន្ត្រីអាដហុកទាំង៤រូប ដែលកំពុងជាឃុំដោយសារតែរឿងអាស្រូវរបស់ស្រីមុំ។ ការបើកសវនាការនេះ គឺធ្វើឡើងតាមសំណើរបស់ក្រុមមេធាវី ដែលសុំជំទាស់នឹងចៅក្រមស៊ើប សួរនៃសាលាដំបូងរាជធានីភ្នំពេញ ដែលបន្តឃុំមន្ត្រីអាដហុកទាំង៤រូប ចំនួន៦បន្ថែមទៀត។
ការដាក់បណ្តឹងទៅកាន់សាលាឧទ្ធរណ៍ ដើម្បីសុំជំទាស់បែបនេះ គឺដោយសារតែក្រុមមេធាវី មិនសុខចិត្តនឹងចៅក្រមស៊ើបសួរ ដែលបន្តឃុំមន្ត្រីអាដហុកទាំង៤រូប ដែលជាកូនក្តីរបស់ពួកគេ។ បើគិតមកដល់ពេលនេះ មន្ត្រីអាដហុកទាំង៤រូប បានជាប់ឃុំអស់រយៈពេលជាង១ឆ្នាំហើយ។
ក្រោយជាប់ឃុំអស់រយៈពេល១ឆ្នាំ ចៅក្រមស៊ើបសួរ ក៏សម្រេចឲ្យមន្ត្រីអាដហុកទាំង៤រូប ជាប់ឃុំចំនួន៦ខែទៀត។ ការបន្តឃុំខ្លួនមន្ត្រីអាដហុកចំនួន៦ខែទៀត គឺដោយសារតែចៅក្រមស៊ើប សួរ នៅមិនទាន់បញ្ចប់ការសាកសួរទៅលើសាក្សី និងអ្នកជាប់ពាក់ព័ន្ធផ្សេងទៀត។
ដោយឡែក អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) លោក នី ចរិយា ដែលកំពុងជាប់ឃុំ ដោយសារតែរឿងអាស្រូវរបស់ស្រីមុំដែលនោះ មិនបានប្តឹងទៅកាន់សាលាឧទ្ធរណ៍ ជាមួយនឹងមន្ត្រីអាដហុក ឡើយ។ នេះជាការអះអាងរបស់លោក សំ សុគង់ ដែលជាមេធាវីការពារក្តីឲ្យលោក នី ចរិយា។
លោក សំ សុគង់ ធ្លាប់និយាយថា លោកបានដាក់ពាក្យទៅកាន់ចៅក្រមស៊ើបសួរតែម្តង ដើម្បីសុំឲ្យលោក នី ចរិយា បាននៅក្រៅឃុំ។ ប៉ុន្តែរហូតមកដល់ពេល សំណើរបស់លោក មិនទាន់ទទួលបានការឆ្លើយតបពីចៅក្រមស៊ើបសួរនោះទេ។
មន្ត្រីអាដហុកទាំង៤រូប ដែលរួមមានលោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី បានរងពីបទចោទ «សូកប៉ាន់សាក្សី»។ ចំណែកឯ អគ្គលេខាធិការរង គ.ជ.ប លោក នី ចរិយា បានរងពីបទចោទ «សមគំនិតក្នុងអំពើសូកប៉ាន់សាក្សី»។ បើតាមការរកឃើញរបស់តុលាការ អ្នកទាំង៥ខាងលើ សុទ្ធតែជាប់ពាក់ព័ន្ធនឹងរឿងអាស្រូវរបស់ស្រីមុំ៕
ការដាក់បណ្តឹងទៅកាន់សាលាឧទ្ធរណ៍ ដើម្បីសុំជំទាស់បែបនេះ គឺដោយសារតែក្រុមមេធាវី មិនសុខចិត្តនឹងចៅក្រមស៊ើបសួរ ដែលបន្តឃុំមន្ត្រីអាដហុកទាំង៤រូប ដែលជាកូនក្តីរបស់ពួកគេ។ បើគិតមកដល់ពេលនេះ មន្ត្រីអាដហុកទាំង៤រូប បានជាប់ឃុំអស់រយៈពេលជាង១ឆ្នាំហើយ។
ក្រោយជាប់ឃុំអស់រយៈពេល១ឆ្នាំ ចៅក្រមស៊ើបសួរ ក៏សម្រេចឲ្យមន្ត្រីអាដហុកទាំង៤រូប ជាប់ឃុំចំនួន៦ខែទៀត។ ការបន្តឃុំខ្លួនមន្ត្រីអាដហុកចំនួន៦ខែទៀត គឺដោយសារតែចៅក្រមស៊ើប សួរ នៅមិនទាន់បញ្ចប់ការសាកសួរទៅលើសាក្សី និងអ្នកជាប់ពាក់ព័ន្ធផ្សេងទៀត។
ដោយឡែក អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប) លោក នី ចរិយា ដែលកំពុងជាប់ឃុំ ដោយសារតែរឿងអាស្រូវរបស់ស្រីមុំដែលនោះ មិនបានប្តឹងទៅកាន់សាលាឧទ្ធរណ៍ ជាមួយនឹងមន្ត្រីអាដហុក ឡើយ។ នេះជាការអះអាងរបស់លោក សំ សុគង់ ដែលជាមេធាវីការពារក្តីឲ្យលោក នី ចរិយា។
លោក សំ សុគង់ ធ្លាប់និយាយថា លោកបានដាក់ពាក្យទៅកាន់ចៅក្រមស៊ើបសួរតែម្តង ដើម្បីសុំឲ្យលោក នី ចរិយា បាននៅក្រៅឃុំ។ ប៉ុន្តែរហូតមកដល់ពេល សំណើរបស់លោក មិនទាន់ទទួលបានការឆ្លើយតបពីចៅក្រមស៊ើបសួរនោះទេ។
មន្ត្រីអាដហុកទាំង៤រូប ដែលរួមមានលោក នី សុខា លោក ណៃ វង់ដា លោក យី សុខសាន្ត និងលោកស្រី លឹម មុន្នី បានរងពីបទចោទ «សូកប៉ាន់សាក្សី»។ ចំណែកឯ អគ្គលេខាធិការរង គ.ជ.ប លោក នី ចរិយា បានរងពីបទចោទ «សមគំនិតក្នុងអំពើសូកប៉ាន់សាក្សី»។ បើតាមការរកឃើញរបស់តុលាការ អ្នកទាំង៥ខាងលើ សុទ្ធតែជាប់ពាក់ព័ន្ធនឹងរឿងអាស្រូវរបស់ស្រីមុំ៕
Tag:
អាដហុក
គជប
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
