ជាតិ
សម្ដេច ហ៊ុន សែន នឹងស្នើឲ្យជប៉ុន ជួយសាងសង់ផ្លូវរថភ្លើងលើអាកាស ក្នុងទឹកប្រាក់៨០០លានដុល្លារ
×![]()
ដោយ: ថ្មីៗ
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន នឹងជួបពិភាក្សាការងារជាមួយលោកនាយករដ្ឋមន្ត្រីជប៉ុន Shinzo Abe ពាក់ព័ន្ធគម្រោងមួយចំនួន សម្រាប់ការអភិវឌ្ឍប្រទេសកម្ពុជា។
នៅក្នុងជំនួបពិភាក្សាគ្នានោះ កម្ពុជា និងជប៉ុន នឹងចុះហត្ថលេខាលើឯកសារសំខាន់ចំនួន២ ដែលមានទឹកប្រាក់ប្រមាណជាង ២៤០លានដុល្លារ។ ឯកសារចំនួន២ ដែលជាជំនួយរដ្ឋាភិបាលជប៉ុនផ្តល់មកកម្ពុជារួមមាន៖ ទី១ ហិរញ្ញប្បទានឥតសំណង សម្រាប់អនុវត្តគម្រោងធ្វើឲ្យប្រសើរឡើងវិញ នៃការការពារទឹកជំនន់ក្នុងរាជធានីភ្នំពេញ ដំណាក់កាលទី០៤ ដែលមានទឹកប្រាក់សរុប ៣,៩៤៨លានយ៉េន (ប្រមាណជា៣៥លានដុល្លារសហរដ្ឋអាមេរិក) និងទី២ ឥណទានសម្បទានសម្រាប់គម្រោងអភិវឌ្ឍន៍ចំណតផែកុងតឺន័រថ្មី របស់កំពង់ផែស្វយ័តក្រុងព្រះសីហនុ ដែលមានទឹកប្រាក់សរុបចំនួន៣២,៥០២ លានយ៉េន (ប្រមាណជា២០៩លានដុល្លារសហរដ្ឋអាមេរិក)។
ក្រៅពីគម្រោងទាំងពីរ ដែលភាគីកម្ពុជា-ជប៉ុន ចុះកិច្ចហត្ថលេខាជាមួយគ្នានេះ សម្ដេច ហ៊ុន សែន គ្រោងលើកយកសំណើសាងសង់ផ្លូវរថភ្លើងលើអាកាស ពីរាជធានីភ្នំពេញឆ្ពោះទៅអាកាសយានដ្ឋានអន្តរជាតិភ្នំពេញ ដែលមានទឹកប្រាក់ប្រមាណ ៨០០ លានដុល្លារ នៅក្នុងជំនួបជាមួយនាយករដ្ឋមន្ត្រីជប៉ុនផងដែរ។ នេះបើតាមហ្វេសប៊ុកនាយករដ្ឋមន្ត្រី ហ៊ុន សែន ។
កាលពីឆ្នាំ២០១៦កន្លងមក ទំហំពាណិជ្ជកម្មរវាងកម្ពុជា-ជប៉ុន មានប្រមាណ ១,៣៥៥លានដុល្លារ ក្នុងនោះកម្ពុជានាំចេញទំនិញចំនួន៨២៧លានដុល្លារ ឯការនាំចូលពីជប៉ុនគឺ ៥២៨លានដុល្លារ។
ទន្ទឹមនោះនាយករដ្ឋមន្ត្រីកម្ពុជា នឹងជួបជាមួយតំណាងសមាគមមិត្តភាពសភា កម្ពុជា-ជប៉ុន ,សមាគមមិត្តភាពជប៉ុន-មេគង្គ ,អង្គការពាណិជ្ជកម្មក្រៅប្រទេសរបស់ជប៉ុន និងបណ្តាក្រុមហ៊ុនជប៉ុនផងដែរ។ ដំណើរទស្សនកិច្ចផ្លូវការរបស់ប្រមុខរដ្ឋាភិបាលកម្ពុជា នៅប្រទេសជប៉ុននេះ ចាប់ពីថ្ងៃទី០៦ ដល់០៩ ខែសីហា ឆ្នាំ២០១៧ ៕
នៅក្នុងជំនួបពិភាក្សាគ្នានោះ កម្ពុជា និងជប៉ុន នឹងចុះហត្ថលេខាលើឯកសារសំខាន់ចំនួន២ ដែលមានទឹកប្រាក់ប្រមាណជាង ២៤០លានដុល្លារ។ ឯកសារចំនួន២ ដែលជាជំនួយរដ្ឋាភិបាលជប៉ុនផ្តល់មកកម្ពុជារួមមាន៖ ទី១ ហិរញ្ញប្បទានឥតសំណង សម្រាប់អនុវត្តគម្រោងធ្វើឲ្យប្រសើរឡើងវិញ នៃការការពារទឹកជំនន់ក្នុងរាជធានីភ្នំពេញ ដំណាក់កាលទី០៤ ដែលមានទឹកប្រាក់សរុប ៣,៩៤៨លានយ៉េន (ប្រមាណជា៣៥លានដុល្លារសហរដ្ឋអាមេរិក) និងទី២ ឥណទានសម្បទានសម្រាប់គម្រោងអភិវឌ្ឍន៍ចំណតផែកុងតឺន័រថ្មី របស់កំពង់ផែស្វយ័តក្រុងព្រះសីហនុ ដែលមានទឹកប្រាក់សរុបចំនួន៣២,៥០២ លានយ៉េន (ប្រមាណជា២០៩លានដុល្លារសហរដ្ឋអាមេរិក)។
ក្រៅពីគម្រោងទាំងពីរ ដែលភាគីកម្ពុជា-ជប៉ុន ចុះកិច្ចហត្ថលេខាជាមួយគ្នានេះ សម្ដេច ហ៊ុន សែន គ្រោងលើកយកសំណើសាងសង់ផ្លូវរថភ្លើងលើអាកាស ពីរាជធានីភ្នំពេញឆ្ពោះទៅអាកាសយានដ្ឋានអន្តរជាតិភ្នំពេញ ដែលមានទឹកប្រាក់ប្រមាណ ៨០០ លានដុល្លារ នៅក្នុងជំនួបជាមួយនាយករដ្ឋមន្ត្រីជប៉ុនផងដែរ។ នេះបើតាមហ្វេសប៊ុកនាយករដ្ឋមន្ត្រី ហ៊ុន សែន ។
កាលពីឆ្នាំ២០១៦កន្លងមក ទំហំពាណិជ្ជកម្មរវាងកម្ពុជា-ជប៉ុន មានប្រមាណ ១,៣៥៥លានដុល្លារ ក្នុងនោះកម្ពុជានាំចេញទំនិញចំនួន៨២៧លានដុល្លារ ឯការនាំចូលពីជប៉ុនគឺ ៥២៨លានដុល្លារ។
ទន្ទឹមនោះនាយករដ្ឋមន្ត្រីកម្ពុជា នឹងជួបជាមួយតំណាងសមាគមមិត្តភាពសភា កម្ពុជា-ជប៉ុន ,សមាគមមិត្តភាពជប៉ុន-មេគង្គ ,អង្គការពាណិជ្ជកម្មក្រៅប្រទេសរបស់ជប៉ុន និងបណ្តាក្រុមហ៊ុនជប៉ុនផងដែរ។ ដំណើរទស្សនកិច្ចផ្លូវការរបស់ប្រមុខរដ្ឋាភិបាលកម្ពុជា នៅប្រទេសជប៉ុននេះ ចាប់ពីថ្ងៃទី០៦ ដល់០៩ ខែសីហា ឆ្នាំ២០១៧ ៕
Tag:
ហ៊ុន សែន
រថភ្លើង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
