ជាតិ
×![]()
ដោយ: ថ្មីៗ
ភ្នំពេញ៖ របាយការណ៍ពីគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា គិតពីថ្ងៃទី១ ដល់ថ្ងៃទី២២ ខែកញ្ញា ឆ្នាំ២0១៧ ចំនួនថ្មីនៃអ្នកចុះឈ្មោះបោះឆ្នោត មានជាង ១.៥ សែននាក់ហើយ។ ប៉ុន្តែ ថ្ងៃទី១៩ ដល់ថ្ងៃទី២១ ខែកញ្ញា មិនគិតនោះទេ ព្រោះរយៈពេល៣ថ្ងៃនេះ ស្ថិតក្នុងពិធីបុណ្យភ្ជុំបិណ្ឌ ដែលតម្រូវឲ្យ គ.ជ.ប ផ្អាកការចុះឈ្មោះបោះឆ្នោត។
របាយការណ៍របស់គ.ជ.ប បានឲ្យដឹងថា ចំនួនចាស់ នៃអ្នកចុះឈ្មោះបោះឆ្នោត កាលពីឆ្នាំ២០១៦ មានជិត ៨លាននាក់។ ដូច្នេះ បើបូកចំនួនចាស់ (អ្នកចុះឈ្មោះក្នុងឆ្នាំ២0១៦) ជាមួយចំនួនថ្មី (អ្នកដែលទើបនឹងចុះឈ្មោះក្នុងឆ្នាំ២0១៧) អ្នកចុះឈ្មោះបោះឆ្នោតសរុប មានចំនួនជាង៨លាននាក់ហើយ នៅក្នុងបញ្ជីឈ្មោះបោះឆ្នោតបច្ចុប្បន្ន។
បើផ្អែកលើរបាយការណ៍របស់គ.ជ.ប ដដែល ប្រជាពលរដ្ឋ ដែលមិនទាន់បានចុះឈ្មោះបោះឆ្នោតកាលពីឆ្នាំ២0១៦ ហើយត្រូវទៅចុះឈ្មោះបោះឆ្នោត នៅឆ្នាំ២0១៧នេះ មានរហូតដល់ជាង ១.៦លាននាក់ ឯណោះ។ ប៉ុន្តែ របាយការណ៍របស់គ.ជ.ប បញ្ជាក់ថា ក្នុងចំណោមប្រជាពលរដ្ឋជាង ១.៦លាននាក់នោះ មានប្រជាពលរដ្ឋជាង ១.៥សែននាក់ហើយ បានទៅចុះឈ្មោះបោះឆ្នោត។
ការធ្វើបច្ចុប្បន្នភាពបញ្ជីឈ្មោះបោះឆ្នោត និងការចុះឈ្មោះបោះឆ្នោត សម្រាប់ការបោះឆ្នោតថ្នាក់ជាតិនាឆ្នាំ២0១៨ នឹងដំណើរការ រហូតដល់ថ្ងៃទី៩ ខែវិច្ឆិកា ឆ្នាំ២0១៧។ ប្រជាពលរដ្ឋ ដែលមិនបានចុះឈ្មោះបោះឆ្នោត កាលពីបោះឆ្នោតថ្នាក់ឃុំ-សង្កាត់ ត្រូវតែទៅចុះឈ្មោះនាពេលនេះ ដើម្បីមានសិទ្ធិទៅបោះឆ្នោតថ្នាក់ជាតិ នៅឆ្នាំ២0១៨។
ចំណែក ប្រជាពលរដ្ឋ ដែលបានចុះឈ្មោះបោះឆ្នោតរួចហើយ កាលពីបោះឆ្នោតថ្នាក់ឃុំ-សង្កាត់ អាចមានសិទ្ធិទៅបោះឆ្នោតថ្នាក់ជាតិ ក្នុងឆ្នាំ២0១៨ តែម្តង ដោយមិនចាំបាច់ទៅចុះឈ្មោះ សាជាថ្មីទេ។ ប៉ុន្តែពួកគេ ក៏ត្រូវតែទៅពិនិត្យឈ្មោះរបស់ខ្លួនឡើងវិញដែរ ដែលត្រូវបានបិទផ្សាយនៅតាមឃុំ-សង្កាត់៕
របាយការណ៍របស់គ.ជ.ប បានឲ្យដឹងថា ចំនួនចាស់ នៃអ្នកចុះឈ្មោះបោះឆ្នោត កាលពីឆ្នាំ២០១៦ មានជិត ៨លាននាក់។ ដូច្នេះ បើបូកចំនួនចាស់ (អ្នកចុះឈ្មោះក្នុងឆ្នាំ២0១៦) ជាមួយចំនួនថ្មី (អ្នកដែលទើបនឹងចុះឈ្មោះក្នុងឆ្នាំ២0១៧) អ្នកចុះឈ្មោះបោះឆ្នោតសរុប មានចំនួនជាង៨លាននាក់ហើយ នៅក្នុងបញ្ជីឈ្មោះបោះឆ្នោតបច្ចុប្បន្ន។
បើផ្អែកលើរបាយការណ៍របស់គ.ជ.ប ដដែល ប្រជាពលរដ្ឋ ដែលមិនទាន់បានចុះឈ្មោះបោះឆ្នោតកាលពីឆ្នាំ២0១៦ ហើយត្រូវទៅចុះឈ្មោះបោះឆ្នោត នៅឆ្នាំ២0១៧នេះ មានរហូតដល់ជាង ១.៦លាននាក់ ឯណោះ។ ប៉ុន្តែ របាយការណ៍របស់គ.ជ.ប បញ្ជាក់ថា ក្នុងចំណោមប្រជាពលរដ្ឋជាង ១.៦លាននាក់នោះ មានប្រជាពលរដ្ឋជាង ១.៥សែននាក់ហើយ បានទៅចុះឈ្មោះបោះឆ្នោត។
ការធ្វើបច្ចុប្បន្នភាពបញ្ជីឈ្មោះបោះឆ្នោត និងការចុះឈ្មោះបោះឆ្នោត សម្រាប់ការបោះឆ្នោតថ្នាក់ជាតិនាឆ្នាំ២0១៨ នឹងដំណើរការ រហូតដល់ថ្ងៃទី៩ ខែវិច្ឆិកា ឆ្នាំ២0១៧។ ប្រជាពលរដ្ឋ ដែលមិនបានចុះឈ្មោះបោះឆ្នោត កាលពីបោះឆ្នោតថ្នាក់ឃុំ-សង្កាត់ ត្រូវតែទៅចុះឈ្មោះនាពេលនេះ ដើម្បីមានសិទ្ធិទៅបោះឆ្នោតថ្នាក់ជាតិ នៅឆ្នាំ២0១៨។
ចំណែក ប្រជាពលរដ្ឋ ដែលបានចុះឈ្មោះបោះឆ្នោតរួចហើយ កាលពីបោះឆ្នោតថ្នាក់ឃុំ-សង្កាត់ អាចមានសិទ្ធិទៅបោះឆ្នោតថ្នាក់ជាតិ ក្នុងឆ្នាំ២0១៨ តែម្តង ដោយមិនចាំបាច់ទៅចុះឈ្មោះ សាជាថ្មីទេ។ ប៉ុន្តែពួកគេ ក៏ត្រូវតែទៅពិនិត្យឈ្មោះរបស់ខ្លួនឡើងវិញដែរ ដែលត្រូវបានបិទផ្សាយនៅតាមឃុំ-សង្កាត់៕
© រក្សាសិទ្ធិដោយ thmeythmey.com
