អន្តរជាតិ
×![]()
ក្តីរំពឹងក្លាយជាសមាជិកអាស៊ានទី១១ នៅឆ្នាំ២០១៧របស់ទីម័រខាងកើត នៅតែមិនអាចកើតឡើងបានឡើយ ហើយលទ្ធភាព ក្នុងការសម្រេចបានការរំពឹងនេះ ក៏ហាក់នៅកាន់តែឆ្ងាយទៀតផង ។ នោះ ក៏ព្រោះតែ ទីម័រខាងកើត នៅតែមិនអាចធ្វើឲ្យរដ្ឋសមាជិកអាស៊ានទាំងអស់ មានទំនុកចិត្ត និងសម្រេចផ្តល់សមាជិកភាពពេញសិទ្ធិដល់ទីម័រខាងកើតឲ្យក្លាយជាសមាជិកអាស៊ានបាន ។
រយៈពេល១៥ឆ្នាំហើយ ដែល ទីម័រខាងកើត បានទទួលឯករាជ្យ និងក្លាយជាសមាជិកអង្គការសហប្រជាជាតិ ។ រដ្ឋក្មេងខ្ចីជាងគេប្រចាំតំបន់អាស៊ីអាគ្នេយ៍មួយនេះ បានដាក់សំណើដើម្បីទទួលបានសមាជិកភាពក្នុងអាស៊ាននៅឆ្នាំ២០១១ ។ ក៏ប៉ុន្តែប្រាំមួយឆ្នាំមកនេះ ទីម័រខាងកើត មានឈ្មោះត្រឹមតែជារដ្ឋសង្កេតការណ៍ និង កំពុងស្ថិតក្រោមការវាយតម្លៃ របស់គណៈកម្មាធិការអាស៊ាន ដោយអាស៊ាន មិនទាន់ទទួលទីម័រខាងកើតជាសមាជិកទី១១ឡើយ ។
អ្វីគួរកត់សម្គាល់នោះ នៅមុនពេលនៃកិច្ចប្រជុំអាស៊ាននៅហ្វីលីពីន ដែលទើបតែបញ្ចប់ថ្មីៗនេះ រដ្ឋាភិបាលក្រុងឌីលី បានរំពឹងខ្ពស់ថា ខ្លួននឹងអាចទទួលបានសមាជិកពេញសិទ្ធិរបស់អាស៊ាន ។ លោកនាយករដ្ឋមន្ត្រីទីម័រខាងកើត Mari Alkatiri នៅថ្ងៃ២៦ តុលា បានអះអាងយ៉ាងដូច្នេះថា៖«ទីម័រខាងកើត ទទួលបានការគាំទ្រយ៉ាងពេញទំហឹងពីឥណ្ឌូណេស៊ី ម៉ាឡេស៊ី និងបណ្តាសមាជិកអាស៊ានផ្សេងទៀតក្នុងការក្លាយជាសមាជិកអាស៊ាន លើកលែងតែសិង្ហបុរី និងមីយ៉ាន់ម៉ា»។
នាពេលនោះដែរ លោកនាយករដ្ឋមន្ត្រី ក៏បានបន្ថែមទៀតយ៉ាងដូច្នេះថា៖« ទីម័រខាងកើត នឹងព្យាយាមឲ្យអស់ពីសមត្ថភាពដើម្បីបានចូលរួមជាមួយនឹងអាស៊ាន ហើយខ្ញុំ ជឿជាក់ថា ឆាប់ៗនេះ ទីម័រខាងកើត នឹងក្លាយជាសមាជិកពេញលេញរបស់អាស៊ានហើយ»។ ការលើកឡើងរបស់លោកបែបនេះ ស្របជាមួយនឹងការសន្យារបស់មន្ត្រីការទូតឥណ្ឌូណេស៊ី ដែលបានសន្យាជួយជ្រោមជ្រែងទីម័រខាងកើតឲ្យក្លាយជាសមាជិកអាស៊ាននៅត្រឹមឆ្នាំ២០១៧នេះ ។
ឆ្នាំ២០១៧ កន្លងផុត ដោយគ្មានតម្រុយវិជ្ជមានអ្វីសោះសម្រាប់ទីម័រខាងកើត ។ ជាក់ស្តែងនោះ សូម្បីតែក្រោយបញ្ចប់កិច្ចប្រជុំកំពូលអាស៊ាន ដែលមានហ្វីលីពីនជាប្រធាន អាស៊ាន នៅតែបញ្ជាក់ក្នុងសេចក្តីថ្លែងការណ៍រួមរបស់ខ្លួនថា អាស៊ានបានកត់សម្គាល់ថា ការសិក្សាលើសំណើជាសមាជិកអាស៊ានរបស់ទីម័រខាងកើត កំពុងតែស្ថិតក្នុងនីតិវិធី និងទាមទារឲ្យមានការស្រាវជ្រាវបន្តទៀត ។
អ្វីដែលកាន់តែព្រួយបារម្ភនោះ លទ្ធភាពនៃការក្លាយជាសមាជិកអាស៊ានទី១១របស់ទីម័រខាងកើត នឹងកាន់តែនៅឆ្ងាយនៅពេលដែលសិង្ហបុរី ធ្វើជាប្រធានអាស៊ាន នៅឆ្នាំ២០១៨ ដ្បិត សិង្ហបុរី មិនដែលបង្ហាញក្តីសង្ឃឹមសម្រាប់ទីម័រខាងកើតម្តងណាឡើយ ។ កន្លងមក រដ្ឋអ្នកមានជាងគេរបស់អាស៊ានសិង្ហបុរី បានលើកហេតុផលក្នុងន័យបដិសេធផ្តល់ការគាំទ្រសមាជិកភាពអាស៊ានដល់ទីម័រខាងកើត ដោយសារទីម័រខាងកើត នៅមានភាពទន់ខ្សោយច្រើន ទាំងសន្តិសុខ សេដ្ឋកិច្ច និងធនធានមនុស្សជាដើម ៕
រយៈពេល១៥ឆ្នាំហើយ ដែល ទីម័រខាងកើត បានទទួលឯករាជ្យ និងក្លាយជាសមាជិកអង្គការសហប្រជាជាតិ ។ រដ្ឋក្មេងខ្ចីជាងគេប្រចាំតំបន់អាស៊ីអាគ្នេយ៍មួយនេះ បានដាក់សំណើដើម្បីទទួលបានសមាជិកភាពក្នុងអាស៊ាននៅឆ្នាំ២០១១ ។ ក៏ប៉ុន្តែប្រាំមួយឆ្នាំមកនេះ ទីម័រខាងកើត មានឈ្មោះត្រឹមតែជារដ្ឋសង្កេតការណ៍ និង កំពុងស្ថិតក្រោមការវាយតម្លៃ របស់គណៈកម្មាធិការអាស៊ាន ដោយអាស៊ាន មិនទាន់ទទួលទីម័រខាងកើតជាសមាជិកទី១១ឡើយ ។
អ្វីគួរកត់សម្គាល់នោះ នៅមុនពេលនៃកិច្ចប្រជុំអាស៊ាននៅហ្វីលីពីន ដែលទើបតែបញ្ចប់ថ្មីៗនេះ រដ្ឋាភិបាលក្រុងឌីលី បានរំពឹងខ្ពស់ថា ខ្លួននឹងអាចទទួលបានសមាជិកពេញសិទ្ធិរបស់អាស៊ាន ។ លោកនាយករដ្ឋមន្ត្រីទីម័រខាងកើត Mari Alkatiri នៅថ្ងៃ២៦ តុលា បានអះអាងយ៉ាងដូច្នេះថា៖«ទីម័រខាងកើត ទទួលបានការគាំទ្រយ៉ាងពេញទំហឹងពីឥណ្ឌូណេស៊ី ម៉ាឡេស៊ី និងបណ្តាសមាជិកអាស៊ានផ្សេងទៀតក្នុងការក្លាយជាសមាជិកអាស៊ាន លើកលែងតែសិង្ហបុរី និងមីយ៉ាន់ម៉ា»។
នាពេលនោះដែរ លោកនាយករដ្ឋមន្ត្រី ក៏បានបន្ថែមទៀតយ៉ាងដូច្នេះថា៖« ទីម័រខាងកើត នឹងព្យាយាមឲ្យអស់ពីសមត្ថភាពដើម្បីបានចូលរួមជាមួយនឹងអាស៊ាន ហើយខ្ញុំ ជឿជាក់ថា ឆាប់ៗនេះ ទីម័រខាងកើត នឹងក្លាយជាសមាជិកពេញលេញរបស់អាស៊ានហើយ»។ ការលើកឡើងរបស់លោកបែបនេះ ស្របជាមួយនឹងការសន្យារបស់មន្ត្រីការទូតឥណ្ឌូណេស៊ី ដែលបានសន្យាជួយជ្រោមជ្រែងទីម័រខាងកើតឲ្យក្លាយជាសមាជិកអាស៊ាននៅត្រឹមឆ្នាំ២០១៧នេះ ។
ឆ្នាំ២០១៧ កន្លងផុត ដោយគ្មានតម្រុយវិជ្ជមានអ្វីសោះសម្រាប់ទីម័រខាងកើត ។ ជាក់ស្តែងនោះ សូម្បីតែក្រោយបញ្ចប់កិច្ចប្រជុំកំពូលអាស៊ាន ដែលមានហ្វីលីពីនជាប្រធាន អាស៊ាន នៅតែបញ្ជាក់ក្នុងសេចក្តីថ្លែងការណ៍រួមរបស់ខ្លួនថា អាស៊ានបានកត់សម្គាល់ថា ការសិក្សាលើសំណើជាសមាជិកអាស៊ានរបស់ទីម័រខាងកើត កំពុងតែស្ថិតក្នុងនីតិវិធី និងទាមទារឲ្យមានការស្រាវជ្រាវបន្តទៀត ។
អ្វីដែលកាន់តែព្រួយបារម្ភនោះ លទ្ធភាពនៃការក្លាយជាសមាជិកអាស៊ានទី១១របស់ទីម័រខាងកើត នឹងកាន់តែនៅឆ្ងាយនៅពេលដែលសិង្ហបុរី ធ្វើជាប្រធានអាស៊ាន នៅឆ្នាំ២០១៨ ដ្បិត សិង្ហបុរី មិនដែលបង្ហាញក្តីសង្ឃឹមសម្រាប់ទីម័រខាងកើតម្តងណាឡើយ ។ កន្លងមក រដ្ឋអ្នកមានជាងគេរបស់អាស៊ានសិង្ហបុរី បានលើកហេតុផលក្នុងន័យបដិសេធផ្តល់ការគាំទ្រសមាជិកភាពអាស៊ានដល់ទីម័រខាងកើត ដោយសារទីម័រខាងកើត នៅមានភាពទន់ខ្សោយច្រើន ទាំងសន្តិសុខ សេដ្ឋកិច្ច និងធនធានមនុស្សជាដើម ៕
Tag:
ទីម័រខាងកើត
អាស៊ាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
