ចិនផ្ដល់កម្ចីជិត១ពាន់លានដុល្លារ ដើម្បីសាងសង់ព្រលានយន្តហោះថ្មីនៅភ្នំពេញ

ជាតិ

ចិនផ្ដល់កម្ចីជិត១ពាន់លានដុល្លារ ដើម្បីសាងសង់ព្រលានយន្តហោះថ្មីនៅភ្នំពេញ

12, Jan 2018 , 8:59 am

រូបភាព

ដោយ: ថ្មីៗ

នៅថ្ងៃទី១១ ខែមករា ចិនបង្ហាញផែនការសាងសង់ព្រលានយន្តហោះថ្មីមួយក្នុងរាជធានីភ្នំពេញ ដែលមានតម្លៃជិតមួយពាន់លានដុល្លារ និងគម្រោងកសាងហេដ្ឋារចនាសម្ព័ន្ធធំៗជាច្រើនទៀត ដែលមានគោលដៅជំរុញទំនាក់ទំនងទ្វេភាគីឲ្យកាន់តែប្រសើរថែមទៀត។ ផែនការនេះបង្ហាញក្នុងដំណើរទស្សកិច្ចរបស់នាយករដ្ឋមន្ត្រីចិនលោក លី ខឹឈាំង ក្នុងកម្ពុជា។

ក្នុងដំណើរទស្សនកិច្ចលើកដំបូងនៅកម្ពុជា នាយករដ្ឋមន្ត្រីចិន លី ខឹឈាំង បានជួបពិភាក្សាទ្វេភាគីជាមួយសម្ដេចនាយករដ្ឋមន្ត្រី ហ៊ុន សែន លើការពង្រឹងទំនាក់ទំនងទ្វេភាគី។ ក្រោយជំនួបនេះ មេដឹកនាំទាំងបានធ្វើជាសាក្សីក្នុងពិធីចុះហត្ថលេខាលើឯកសារចំនួន១៩ ដែលក្នុងនោះក៏មានកិច្ចព្រមព្រៀងក្របខណ្ឌស្ដីពីសហប្រតិបត្តិការហិរញ្ញប្បទានសម្រាប់គម្រោងអាកាសយានដ្ឋានភ្នំពេញថ្មី។

គម្រោងព្រលានយន្តហោះថ្មីនេះមិនទាន់មានព័ត៌មានលម្អិតនៅឡើយទេ។ បើតាមសារព័ត៌មានជប៉ុនក្យូដូ គម្រោងសាងសង់អាកាសយានដ្ឋានថ្មីនេះមានទំហំទឹកប្រាក់ជិតមួយពាន់លានដុល្លារ។ នេះជាគម្រោងព្រលានយន្តហោះថ្មីមួយទៀត បន្ថែមពីលើគម្រោងព្រលានយន្តហោះខេត្តសៀមរាប ដែលចិនក៏ធ្លាប់ប្ដេជ្ញាចិត្តវិនិយោគផងដែរ ដើម្បីចំនួនភ្ញៀវទេសចរដែលរំពឹងកើនឡើងខ្លាំង។

ក្រៅពីគម្រោងព្រលានយន្តហោះភ្នំពេញ កម្ពុជា និងចិនក៏បានចុះហត្ថលេខាលើកិច្ចព្រមព្រៀងសម្បទានសម្រាប់គម្រោងអភិវឌ្ឍន៍ហេដ្ឋរចនាសម្ព័ន្ធផ្លូវល្បឿនលឿនភ្នំពេញ-ខេត្តព្រះសីហនុ ដែលគ្រោងចំណាយថវិកា១ពាន់លានដុល្លារអាមេរិក រួមទាំងកិច្ចព្រមព្រៀងជំនួយអភិវឌ្ឍន៍ និងកិច្ចព្រមព្រៀងទិញស្រូវពីកម្ពុជាផងដែរ៕

អត្ថបទទាក់ទង

សម្ដេច ស្នើចិន ពន្លឿនការសង់ផ្លូវល្បឿនលឿនភ្នំពេញ-ព្រះសីហនុ ដែលចំណាយទឹកប្រាក់១ពាន់លានដុល្លារ