ជាតិ
សេដ្ឋកិច្ច
WIPO ជំរុញអ្នកសារព័ត៌មាននៅអាស៊ី-ប៉ាស៊ីហ្វិចឲ្យចាប់អារម្មណ៍លើប្រធានបទ «កម្មសិទ្ធិបញ្ញា»
ក្រុមអ្នកសារព័ត៌មាន និងវាគ្មិន ថតរួមគ្នានៅទីស្នាក់ការ WIPO ប្រចាំសិង្ហបុរី។ រូបថត WIPO
×![]()
ដោយ: ថ្មីៗ
សិង្ហបុរី៖ អ្នកសារព័ត៌មានពីតំបន់អាស៊ី-ប៉ាស៊ីហ្វិច ជាង៣០នាក់ បានចូលរួមក្នុងសិក្ខាសាលាថ្នាក់តំបន់មួយស្តីពីកម្មសិទ្ធិបញ្ញា (Intellectual Property) ដែលរៀបចំដោយអង្គការកម្មសិទ្ធិបញ្ញាពិភពលោក (WIPO) នៅប្រទេសសិង្ហបុរី ពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០១៧ ។
«កម្មសិទ្ធិបញ្ញា ឬ IP ជាប្រធានបទដ៏សំខាន់មួយរបស់អ្នកសារព័ត៌មាននៅលើពិភពលោក ដោយវាមានឥទ្ធិពលយ៉ាងខ្លាំងទៅសេដ្ឋកិច្ច ការអភិវឌ្ឍន៍សង្គម និងវប្បធម៌»។ នេះជាការលើកឡើងរបស់លោក Peter Willimott មន្ត្រីជាន់ខ្ពស់ផ្នែកកម្មវិធីរបស់អង្គការ WIPO ប្រចាំការិយាល័យនៅប្រទេសសិង្ហបុរី។
នៅក្នុងសិក្ខាសាលាពីរថ្ងៃលើប្រធានបទ «Intellectual Property is Big News» អ្នកសារព័ត៌មានជាង៣០នាក់មកពីកម្ពុជា (ក្នុងនោះមានតំណាងសារព័ត៌មានថ្មីៗ) បង់ក្លាដែស ប៊ូតង់ ចិន ឥណ្ឌា ឥណ្ឌូណេស៊ី អ៊ីរ៉ង់ ឡាវ ម៉ាឡេស៊ី ម៉ុងហ្គោលី មីយ៉ាន់ម៉ា ណេប៉ាល់ ប៉ាគីស្ថាន ប៉ាពូញូវហ្គីណេ ហ្វីលីពីន កូរ៉េខាងត្បូង ស្រីលង្កា ថៃ និងវៀតណាម បានស្វែងយល់បន្ថែមលើការងារពង្រឹងកម្មសិទ្ធិបញ្ញារបស់អង្គការ WIPO។
អង្គការកម្មសិទ្ធិបញ្ញាពិភពលោក (WIPO) ជាភ្នាក់ងារជំនាញមួយរបស់អង្គការសហប្រជាជាតិ ដែលបច្ចុប្បន្នរដ្ឋចំនួន១៩១ជាសមាជិក និងមានទីស្នាក់ការកណ្តាលនៅទីក្រុងហ្សឺណែវ ប្រទេសស្វីស។ WIPO មានបេសកកម្មក្នុងការពង្រឹងកម្មសិទ្ធិបញ្ញាអន្តរជាតិ រួមទាំងការដោះស្រាយជម្លោះនានានៅលើផ្នែកនេះ។
តាមរយៈសិក្ខាសាលានេះ វាគ្មិនជំនាញរបស់ WIPO និងអ្នកជំនួញជោគជ័យមួយចំនួននៅសិង្ហបុរី បានអះអាងប្រាប់ក្រុមអ្នកសារព័ត៌មានអាស៊ី-ប៉ាស៊ីហ្វិច ពីសារសំខាន់ផ្លូវច្បាប់សម្រាប់អាជីវកម្ម ការបង្កើតថ្មី និងស្នាដៃផ្សេងៗ ដែលបានស្នើសុំចុះបញ្ជីដ៏ត្រឹមត្រូវ ក្នុងនោះមានការពារពាណិជ្ជសញ្ញា ឬម៉ាក (Trademark) រក្សាសិទ្ធិ (Copyright), ការរចនា (design) និង ប្រកាសនីយបត្រតក្កកម្ម (Patent) ជាដើម។
នៅមុនបិទបញ្ចប់សិក្ខាសាលា អ្នកសារព័ត៌មានក៏បានឱកាសចោទជាសំណួរទៅកាន់លោក Francis Gurry អគ្គនាយកអង្គការ WIPO តាមរយៈវីដេអូខន់ហ្វើរិនផងដែរ៕
«កម្មសិទ្ធិបញ្ញា ឬ IP ជាប្រធានបទដ៏សំខាន់មួយរបស់អ្នកសារព័ត៌មាននៅលើពិភពលោក ដោយវាមានឥទ្ធិពលយ៉ាងខ្លាំងទៅសេដ្ឋកិច្ច ការអភិវឌ្ឍន៍សង្គម និងវប្បធម៌»។ នេះជាការលើកឡើងរបស់លោក Peter Willimott មន្ត្រីជាន់ខ្ពស់ផ្នែកកម្មវិធីរបស់អង្គការ WIPO ប្រចាំការិយាល័យនៅប្រទេសសិង្ហបុរី។
នៅក្នុងសិក្ខាសាលាពីរថ្ងៃលើប្រធានបទ «Intellectual Property is Big News» អ្នកសារព័ត៌មានជាង៣០នាក់មកពីកម្ពុជា (ក្នុងនោះមានតំណាងសារព័ត៌មានថ្មីៗ) បង់ក្លាដែស ប៊ូតង់ ចិន ឥណ្ឌា ឥណ្ឌូណេស៊ី អ៊ីរ៉ង់ ឡាវ ម៉ាឡេស៊ី ម៉ុងហ្គោលី មីយ៉ាន់ម៉ា ណេប៉ាល់ ប៉ាគីស្ថាន ប៉ាពូញូវហ្គីណេ ហ្វីលីពីន កូរ៉េខាងត្បូង ស្រីលង្កា ថៃ និងវៀតណាម បានស្វែងយល់បន្ថែមលើការងារពង្រឹងកម្មសិទ្ធិបញ្ញារបស់អង្គការ WIPO។
អង្គការកម្មសិទ្ធិបញ្ញាពិភពលោក (WIPO) ជាភ្នាក់ងារជំនាញមួយរបស់អង្គការសហប្រជាជាតិ ដែលបច្ចុប្បន្នរដ្ឋចំនួន១៩១ជាសមាជិក និងមានទីស្នាក់ការកណ្តាលនៅទីក្រុងហ្សឺណែវ ប្រទេសស្វីស។ WIPO មានបេសកកម្មក្នុងការពង្រឹងកម្មសិទ្ធិបញ្ញាអន្តរជាតិ រួមទាំងការដោះស្រាយជម្លោះនានានៅលើផ្នែកនេះ។
តាមរយៈសិក្ខាសាលានេះ វាគ្មិនជំនាញរបស់ WIPO និងអ្នកជំនួញជោគជ័យមួយចំនួននៅសិង្ហបុរី បានអះអាងប្រាប់ក្រុមអ្នកសារព័ត៌មានអាស៊ី-ប៉ាស៊ីហ្វិច ពីសារសំខាន់ផ្លូវច្បាប់សម្រាប់អាជីវកម្ម ការបង្កើតថ្មី និងស្នាដៃផ្សេងៗ ដែលបានស្នើសុំចុះបញ្ជីដ៏ត្រឹមត្រូវ ក្នុងនោះមានការពារពាណិជ្ជសញ្ញា ឬម៉ាក (Trademark) រក្សាសិទ្ធិ (Copyright), ការរចនា (design) និង ប្រកាសនីយបត្រតក្កកម្ម (Patent) ជាដើម។
នៅមុនបិទបញ្ចប់សិក្ខាសាលា អ្នកសារព័ត៌មានក៏បានឱកាសចោទជាសំណួរទៅកាន់លោក Francis Gurry អគ្គនាយកអង្គការ WIPO តាមរយៈវីដេអូខន់ហ្វើរិនផងដែរ៕
Tag:
WIPO
IP
កម្មសិទ្ធិបញ្ញា
© រក្សាសិទ្ធិដោយ thmeythmey.com
