ជាតិ
×![]()
ភ្នំពេញ៖ ក្រុមឃ្លាំមើលសិទ្ធិមនុស្សប្រចាំតំបន់អាស៊ី- ប៉ាស៊ីហ្វិក Human Right watch រិះគន់ការធ្វើវិសោធនកម្មរដ្ឋធម្មនុញថា ជាការកែទម្រង់ច្បាប់ ដើម្បីពង្រឹងអំណាចសម្ដេច ហ៊ុន សែន ប្រធានគណបក្សប្រជាជនកម្ពុជា។ អ្នកនាំពាក្យគណបក្សប្រជាជន ថា ការធ្វើវិសោធនកម្មនេះ ស្របតាមឆន្ទៈប្រជាពលរដ្ឋ ដែលមិនដូចជាការរិះគន់ ដោយគ្មានមូលដ្ឋានច្បាស់លាស់របស់ Human Right watch ឡើយ។
ក្រោយពីរដ្ឋសភាអនុម័តលើខ្លឹមសារមាត្រាមួយចំនួន ក្នុងរដ្ឋធម្មនុញ្ញ និងមាត្រាថ្មីក្នុងក្រមព្រហ្មទណ្ឌ ដែលចែងអំពីការដាក់ទោសអ្នកប្រមាថព្រះមហាក្សត្រនោះ ក្រុមឃ្លាំមើលសិទ្ធិមនុស្សប្រចាំតំបន់អាស៊ី- ប៉ាស៊ីហ្វិក ចេញមុខរិះគន់លើការធ្វើវិសោធនកម្មនេះមុនគេ។ នាយកប្រតិបត្តិ Human Right Watch លោក Brad Adam បានលើកឡើងថា ក្រុមតំណាងរាស្ត្ររដ្ឋសភា ដែលលើកដៃអនុម័តលើខ្លឹមសារទាំងនេះ កំពុងបង្ហាញពីការរួបរួមជាមួយគណបក្សកាន់អំណាច ក្នុងគោលដៅបំបិទសិទ្ធិបញ្ចេញមតិ។ លោក Brad Adam រិះគន់ថា កម្ពុជាកំពុងបន្តដំណើរឆ្ពោះទៅកាន់ប្រទេស មានរដ្ឋឯកបក្ស ដែលនឹងកើតមានបញ្ហាការទូត សេដ្ឋកិច្ច និងនយោបាយធ្ងន់ធ្ងរ។
លោក Brad Adam ដែលតែងតែចេញមុខរិះគន់លើបញ្ហានយោបាយនៅកម្ពុជានោះ បាននិយាយក្នុងសេចក្តីថ្លែងការណ៍មួយ កាលពីថ្ងៃទី១៤ កុម្ភៈ ដូច្នេះថា៖«ជាជំហានបន្តិចម្ដងៗ នាយករដ្ឋមន្ត្រី ហ៊ុន សែន បានបង្កើតប្រព័ន្ធនយោបាយស្របច្បាប់ ដើម្បីពង្រឹងអំណាចរបស់គាត់ ដូចជាអាជ្ញាធរផ្ដាច់មុខក្នុងប្រទេស ដោយគ្មានការគំរាមកំហែងពីក្រុមបក្សប្រឆាំង ឬក្រុមជំទាស់គំនិតខ្លួន។ ការធ្វើវិសោធនកម្មទាំងនេះ គឺជាសញ្ញាចុងក្រោយ ដែលបង្ហាញពីដំណើរឆ្ពោះកាន់អំណាចដោយឥតអៀនខ្មាស។ ហើយលទ្ធិប្រជាធិបតេយ្យបាត់បង់ផងដែរ»។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ចាត់ទុកការលើកឡើងរបស់លោក Brad Adam នេះ គ្រាន់តែជាការរិះគន់ដោយគ្មានមូលដ្ឋានច្បាស់លាស់ និងខ្វះការស្រាវជ្រាវ។ លោក សុខ ឥសាន ឆ្លើយតបថា រដ្ឋសភាអនុម័តខ្លឹមសាររដ្ឋធម្មនុញ្ញទាំងនេះ ដើម្បីសម្រួលក្បាលម៉ាស៊ីនរដ្ឋាភិបាល ក្នុងការពង្រឹងប្រសិទ្ធិភាពការងារប៉ុណ្ណោះ។
ថ្លែងប្រាប់សារព័ត៌មានថ្មីៗ អ្នកនាំពាក្យគណបក្សប្រជាជនរូបនេះ បាននិយាយដូច្នេះថា៖«រដ្ឋសភាអនុម័តច្បាប់នេះ ដើម្បីសម្រួលតំណែងរដ្ឋលេខាធិការចេញពីរដ្ឋាភិបាល កុំឲ្យគេថាក្បាល់ធំជាងខ្លួន ដូច្នេះកាត់បន្ថយចំនួនមនុស្សនេះ ដើម្បីឲ្យពួកគេធ្វើការឲ្យបានល្អ និងពង្រឹងប្រសិទ្ធិភាពក្នុងការដឹកនាំ។ ចំណែកខ្លឹមសារមួយទៀត ដែលបញ្ជូលក្នុងក្រមព្រហ្មទណ្ឌ ដើម្បីដាក់ទោសអ្នកប្រមាថព្រះមហាក្សត្រ ពង្រឹងច្បាប់ឡើងវិញ…។ ដូច្នេះការលើកឡើងរបស់លោក Brad Adam និយាយមិនចំគោលបំណងពិតអ្នកអនុម័តច្បាប់ឡើយ ។ ហើយបើគាត់និយាយបែបនេះ បានន័យថា គាត់ហាមកម្ពុជាបង្កើតច្បាប់ការពារព្រះមហាក្សត្រ ដូច្នេះបានន័យថា លោក Brad Adam កំពុងប្រមាថព្រះមហាក្សត្រហើយ»។
កាលពីថ្ងៃទី១៤ កុម្ភៈ រដ្ឋសភា បានអនុម័តលើមាត្រាមួយចំនួន ក្នុងរដ្ឋធម្មនុញ្ញ រួមមាន មាត្រា៣៤ មាត្រា៤២ មាត្រា៤៩ មាត្រា៥៣ និងមាត្រា១១៨។ អនុម័តលើច្បាប់ស្តីពីការរៀបចំនិងការប្រព្រឹត្តទៅនៃក្រុមប្រឹក្សាធម្មនុញ្ញ ។ ការអនុម័តយល់ព្រមលើកិច្ចព្រមព្រៀងស្តីពីការជំរុញនិងសម្រួលពាណិជ្ជកម្ម តំបន់ត្រីកោណអភិវឌ្ឈន៏កម្ពុជា- វៀតណាម- ឡាវ និងការអនុម័តមាត្រាថ្មី នៃក្រមព្រហ្មទណ្ឌ ដើម្បីដាក់ទោសរូបវន្តបុគ្គល និងនីតិបុគ្គល ដែលប្រមាថព្រះមហាក្សត្រ។ មាត្រាថ្មីនេះ ដែលទើបនឹងតាក់តែង ដើម្បីបញ្ចូលទៅក្នុងក្រមព្រហ្មទណ្ឌ បានចែងថា បុគ្គលណា (រូបវន្តបុគ្គល) ប្រមាថព្រះមហាក្សត្រ នឹងត្រូវផ្តន្ទាទោសឲ្យជាប់ពន្ធនាគារពី ១ ទៅ ៥ឆ្នាំ និងពិន័យជាប្រាក់ពី ២លានរៀល ទៅ១0លានរៀល៕
ក្រោយពីរដ្ឋសភាអនុម័តលើខ្លឹមសារមាត្រាមួយចំនួន ក្នុងរដ្ឋធម្មនុញ្ញ និងមាត្រាថ្មីក្នុងក្រមព្រហ្មទណ្ឌ ដែលចែងអំពីការដាក់ទោសអ្នកប្រមាថព្រះមហាក្សត្រនោះ ក្រុមឃ្លាំមើលសិទ្ធិមនុស្សប្រចាំតំបន់អាស៊ី- ប៉ាស៊ីហ្វិក ចេញមុខរិះគន់លើការធ្វើវិសោធនកម្មនេះមុនគេ។ នាយកប្រតិបត្តិ Human Right Watch លោក Brad Adam បានលើកឡើងថា ក្រុមតំណាងរាស្ត្ររដ្ឋសភា ដែលលើកដៃអនុម័តលើខ្លឹមសារទាំងនេះ កំពុងបង្ហាញពីការរួបរួមជាមួយគណបក្សកាន់អំណាច ក្នុងគោលដៅបំបិទសិទ្ធិបញ្ចេញមតិ។ លោក Brad Adam រិះគន់ថា កម្ពុជាកំពុងបន្តដំណើរឆ្ពោះទៅកាន់ប្រទេស មានរដ្ឋឯកបក្ស ដែលនឹងកើតមានបញ្ហាការទូត សេដ្ឋកិច្ច និងនយោបាយធ្ងន់ធ្ងរ។
លោក Brad Adam ដែលតែងតែចេញមុខរិះគន់លើបញ្ហានយោបាយនៅកម្ពុជានោះ បាននិយាយក្នុងសេចក្តីថ្លែងការណ៍មួយ កាលពីថ្ងៃទី១៤ កុម្ភៈ ដូច្នេះថា៖«ជាជំហានបន្តិចម្ដងៗ នាយករដ្ឋមន្ត្រី ហ៊ុន សែន បានបង្កើតប្រព័ន្ធនយោបាយស្របច្បាប់ ដើម្បីពង្រឹងអំណាចរបស់គាត់ ដូចជាអាជ្ញាធរផ្ដាច់មុខក្នុងប្រទេស ដោយគ្មានការគំរាមកំហែងពីក្រុមបក្សប្រឆាំង ឬក្រុមជំទាស់គំនិតខ្លួន។ ការធ្វើវិសោធនកម្មទាំងនេះ គឺជាសញ្ញាចុងក្រោយ ដែលបង្ហាញពីដំណើរឆ្ពោះកាន់អំណាចដោយឥតអៀនខ្មាស។ ហើយលទ្ធិប្រជាធិបតេយ្យបាត់បង់ផងដែរ»។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ចាត់ទុកការលើកឡើងរបស់លោក Brad Adam នេះ គ្រាន់តែជាការរិះគន់ដោយគ្មានមូលដ្ឋានច្បាស់លាស់ និងខ្វះការស្រាវជ្រាវ។ លោក សុខ ឥសាន ឆ្លើយតបថា រដ្ឋសភាអនុម័តខ្លឹមសាររដ្ឋធម្មនុញ្ញទាំងនេះ ដើម្បីសម្រួលក្បាលម៉ាស៊ីនរដ្ឋាភិបាល ក្នុងការពង្រឹងប្រសិទ្ធិភាពការងារប៉ុណ្ណោះ។
ថ្លែងប្រាប់សារព័ត៌មានថ្មីៗ អ្នកនាំពាក្យគណបក្សប្រជាជនរូបនេះ បាននិយាយដូច្នេះថា៖«រដ្ឋសភាអនុម័តច្បាប់នេះ ដើម្បីសម្រួលតំណែងរដ្ឋលេខាធិការចេញពីរដ្ឋាភិបាល កុំឲ្យគេថាក្បាល់ធំជាងខ្លួន ដូច្នេះកាត់បន្ថយចំនួនមនុស្សនេះ ដើម្បីឲ្យពួកគេធ្វើការឲ្យបានល្អ និងពង្រឹងប្រសិទ្ធិភាពក្នុងការដឹកនាំ។ ចំណែកខ្លឹមសារមួយទៀត ដែលបញ្ជូលក្នុងក្រមព្រហ្មទណ្ឌ ដើម្បីដាក់ទោសអ្នកប្រមាថព្រះមហាក្សត្រ ពង្រឹងច្បាប់ឡើងវិញ…។ ដូច្នេះការលើកឡើងរបស់លោក Brad Adam និយាយមិនចំគោលបំណងពិតអ្នកអនុម័តច្បាប់ឡើយ ។ ហើយបើគាត់និយាយបែបនេះ បានន័យថា គាត់ហាមកម្ពុជាបង្កើតច្បាប់ការពារព្រះមហាក្សត្រ ដូច្នេះបានន័យថា លោក Brad Adam កំពុងប្រមាថព្រះមហាក្សត្រហើយ»។
អត្ថបទទាក់ទង
កាលពីថ្ងៃទី១៤ កុម្ភៈ រដ្ឋសភា បានអនុម័តលើមាត្រាមួយចំនួន ក្នុងរដ្ឋធម្មនុញ្ញ រួមមាន មាត្រា៣៤ មាត្រា៤២ មាត្រា៤៩ មាត្រា៥៣ និងមាត្រា១១៨។ អនុម័តលើច្បាប់ស្តីពីការរៀបចំនិងការប្រព្រឹត្តទៅនៃក្រុមប្រឹក្សាធម្មនុញ្ញ ។ ការអនុម័តយល់ព្រមលើកិច្ចព្រមព្រៀងស្តីពីការជំរុញនិងសម្រួលពាណិជ្ជកម្ម តំបន់ត្រីកោណអភិវឌ្ឈន៏កម្ពុជា- វៀតណាម- ឡាវ និងការអនុម័តមាត្រាថ្មី នៃក្រមព្រហ្មទណ្ឌ ដើម្បីដាក់ទោសរូបវន្តបុគ្គល និងនីតិបុគ្គល ដែលប្រមាថព្រះមហាក្សត្រ។ មាត្រាថ្មីនេះ ដែលទើបនឹងតាក់តែង ដើម្បីបញ្ចូលទៅក្នុងក្រមព្រហ្មទណ្ឌ បានចែងថា បុគ្គលណា (រូបវន្តបុគ្គល) ប្រមាថព្រះមហាក្សត្រ នឹងត្រូវផ្តន្ទាទោសឲ្យជាប់ពន្ធនាគារពី ១ ទៅ ៥ឆ្នាំ និងពិន័យជាប្រាក់ពី ២លានរៀល ទៅ១0លានរៀល៕
Tag:
Human Right watch
រដ្ឋធម្មនុញ្ញ
© រក្សាសិទ្ធិដោយ thmeythmey.com
