ជាតិ
ក្រសួងព័ត៌មាន ច្រានចោលរបាយការណ៍CCIM ដែលថា រដ្ឋាភិបាលប្រើឥទ្ធិពលគំរាមកំហែងអ្នកកាសែត
×![]()
ភ្នំពេញ៖ ក្រសួងព័ត៌មាន ច្រានចោលរបាយការណ៍មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ដែលថា រដ្ឋាភិបាលប្រើឥទ្ធិពលច្បាប់ គំរាមកំហែងដល់សេរីភាពអ្នកសារព័ត៌មានក្នុងប្រទេសកម្ពុជា។ ក្រសួងព័ត៌មាន ចាត់ទុករបាយការណ៍CCIMថា ជាការស្រាវជ្រាវគ្មានមូលដ្ឋានគ្រឹះច្បាស់លាស់។
អ្នកនាំពាក្យក្រសួងព័ត៌មានលោក អ៊ុក គឹមសេង បាននិយាយថា កម្ពុជាគ្មានការរឹតត្បិតសេរីភាពអ្នកសារព័ត៌មាននោះទេ លើកលែងតែអ្នកសារព័ត៌មានអនុវត្តខុសច្បាប់ ។ លោក អ៊ុក គឹមសេង បន្ថែមថា អ្នកសារព័ត៌មាននៅកម្ពុជា ត្រូវបានធានាដោយច្បាប់សារព័ត៌មាន ដោយមិនស្ថិតក្រោមការគំរាមកំហែងពីឥទ្ធិពលរដ្ឋាភិបាលឡើយ។
ថ្លែងប្រាប់សារព័ត៌មានថ្មីៗ អ្នកនាំពាក្យក្រសួងព័ត៌មានរូបនេះ បានបញ្ជាក់ដូច្នេះថា៖«គេថាអ្នកសារព័ត៌មានរងការគំរាមកំហែង ប៉ុន្តែរាល់អត្ថបទព័ត៌មាន ទាំងកាសែតបោះពុម្ភ ទាំងការអនឡាយ ឬវិទ្យុ ទូរទស្សន៍នានា រាល់ពេលចេញផ្សាយគ្មានការត្រួតពិនិត្យជាមុនពីរដ្ឋាភិបាលទេដូច្នេះបានន័យថា សេរីភាពសារព័ត៌មានគ្មានរឹតត្បិតឡើយ ហើយវាបញ្ជាក់ថា សារព័ត៌មាននៅកម្ពុជាទាំងជាតិ និងអន្តរជាតិ ត្រូវបានធានាដោយច្បាប់ស្តីពីសារព័ត៌មាន ដោយគ្មានការរារាំង និងហាមឃាត់អ្នកសារព័ត៌មានទេ…។ ហើយបើកន្លែងណាដែលអ្នកសារព័ត៌មានចង់យកព័ត៌មានគឺគ្មានការហាមឃាត់ទេ លើកលែងតែកន្លែងមួយចំនួន ដែលគេហាមនោះ ទើបអ្នកព័ត៌មានត្រូវសុំការអនុញ្ញាតសិន ដូច្នេះវាគ្មានអ្វីដែលគំរាមកំហែងដល់អ្នកព័ត៌មានទេ»។
របាយការណ៍មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ដែលមានចំណងជើងថា «ការប្រឈមរបស់ប្រព័ន្ធផ្សព្វផ្សាយឯករាជ្យឆ្នាំ២០១៧» បានលើកឡើងពីបញ្ហាបញ្ចេញមតិនៅតាមប្រព័ន្ធផ្សព្វផ្សាយ ដែលរងការគំរាមកំហែង និងការចាប់ខ្លួនអ្នកបញ្ចេញមតិ រួមទាំងអ្នកកាសែត ដែលរដ្ឋាភិបាល ចាត់ទុកជាអ្នកប្រឆាំងខ្លួន ក្រោមហេតុផលផ្លូវច្បាប់ជាដើម។
របាយការណ៍ CCIM ដែលមាន៤០ទំព័រ បានសរសេរពីបញ្ហាប្រឈមធំបំផុតនៃសេរីភាពអ្នកសារព័ត៌មាននៅកម្ពុជាដូច្នេះថា៖«សរុបមក បន្ទាប់ពីឆ្នាំដ៏ច្របូកច្របល់សម្រាប់ប្រព័ន្ធផ្សព្វផ្សាយ អ្នកដែលបានផ្ដល់បទសម្ភាសន៍បាននិយាយថា ឥទ្ធិពលរបស់រដ្ឋាភិបាល គឺជាបញ្ហាដ៏ធំបំផុតដែលអ្នកសារព័ត៌មានប្រឈមមុខសព្វថ្ងៃ។ ៤៩ភាគរយ បាននិយាយថា ការគ្រប់គ្រងនិងឥទ្ធិពលរបស់រដ្ឋាភិបាល គឺជាបញ្ហាដ៏ធំបំផុត ហើយ ១៨ភាគរយ និយាយថា វាជាការធ្វើទុក្ខបុកម្នេញ និងការគំរាមកំហែងផ្លូវច្បាប់ទៅលើអ្នកសារព័ត៌មាន»។
របាយការណ៍ CCIM ដដែល បានបន្ថែមថា ការបង្ក្រាបរបស់រដ្ឋាភិបាលទៅលើប្រព័ន្ធផ្សព្វផ្សាយឯករាជ្យ នៅឆមាសទី២ក្នុងឆ្នាំ២០១៧កន្លងមក បានបង្ហាញពីភាពងាយរងគ្រោះរបស់ស្ថាប័នឯករាជ្យ។ «មានប្រព័ន្ធផ្សព្វផ្សាយឯករាជ្យកាន់តែតិច អ្នកមានអំណាចកាន់តែមានសេរីភាព ដែលធ្វើសកម្មភាពដោយគ្មាននិទណ្ឌភាព ។ វាជាស្ថានភាពអាក្រក់សម្រាប់មនុស្សគ្រប់គ្នានៅក្នុងប្រទេស ដែលកាន់តែធ្លាក់ចុះដុនដាប ក៏ប៉ុន្តែមិនមែនគ្រប់គ្នាសុទ្ធតែដឹងនោះទេ។ សេរីភាពពិតនៃប្រព័ន្ធផ្សព្វផ្សាយមានន័យថា មានទាំងអ្នកសរសើរ និងអ្នករិះគន់»។ នេះបើតាមរបាយការណ៍CCIM។
តែយ៉ាងណាអ្នកនាំពាក្យក្រសួងព័ត៌មាន ចាត់ទុករបាយការណ៍CCIMថា ជាការស្រាវជ្រាវគ្មានមូលដ្ឋានគ្រឹះច្បាស់លាស់ ដោយគ្រាន់តែមានគោលបំណងចង់វាយប្រហាររដ្ឋាភិបាលប៉ុណ្ណោះ។«អ្វីដែលCCIMនិយាយនេះ មិនមានមូលដ្ឋានអ្វីមួយមកចោទប្រកាន់ ឬមកវាយតម្លៃលើរដ្ឋាភិបាលឡើយ។ ហើយខ្ញុំមិនយល់ពីគោលបំណងរបស់ពួកគេដែរ ឬមួយពួកគេមានគោលបំណងអាក្រក់ ឬចង់យកបញ្ហាទាំងនោះមកវាយប្រហាររដ្ឋាភិបាល»។ នេះជាឆ្លើយតបរបស់លោក អ៊ុក គឹមសេង ដែលបានបន្ថែមថា អ្នកសារព័ត៌មានជាតិ និងអន្តរជាតិ នៅកម្ពុជា ប្រមាណ៥០០០នាក់ ត្រូវធានាដោយច្បាប់សារព័ត៌មាន ប៉ុន្តែពួកគេក៏ត្រូវអនុវត្តតួនាទី ឲ្យស្របច្បាប់ផងដែរ៕
អ្នកនាំពាក្យក្រសួងព័ត៌មានលោក អ៊ុក គឹមសេង បាននិយាយថា កម្ពុជាគ្មានការរឹតត្បិតសេរីភាពអ្នកសារព័ត៌មាននោះទេ លើកលែងតែអ្នកសារព័ត៌មានអនុវត្តខុសច្បាប់ ។ លោក អ៊ុក គឹមសេង បន្ថែមថា អ្នកសារព័ត៌មាននៅកម្ពុជា ត្រូវបានធានាដោយច្បាប់សារព័ត៌មាន ដោយមិនស្ថិតក្រោមការគំរាមកំហែងពីឥទ្ធិពលរដ្ឋាភិបាលឡើយ។
ថ្លែងប្រាប់សារព័ត៌មានថ្មីៗ អ្នកនាំពាក្យក្រសួងព័ត៌មានរូបនេះ បានបញ្ជាក់ដូច្នេះថា៖«គេថាអ្នកសារព័ត៌មានរងការគំរាមកំហែង ប៉ុន្តែរាល់អត្ថបទព័ត៌មាន ទាំងកាសែតបោះពុម្ភ ទាំងការអនឡាយ ឬវិទ្យុ ទូរទស្សន៍នានា រាល់ពេលចេញផ្សាយគ្មានការត្រួតពិនិត្យជាមុនពីរដ្ឋាភិបាលទេដូច្នេះបានន័យថា សេរីភាពសារព័ត៌មានគ្មានរឹតត្បិតឡើយ ហើយវាបញ្ជាក់ថា សារព័ត៌មាននៅកម្ពុជាទាំងជាតិ និងអន្តរជាតិ ត្រូវបានធានាដោយច្បាប់ស្តីពីសារព័ត៌មាន ដោយគ្មានការរារាំង និងហាមឃាត់អ្នកសារព័ត៌មានទេ…។ ហើយបើកន្លែងណាដែលអ្នកសារព័ត៌មានចង់យកព័ត៌មានគឺគ្មានការហាមឃាត់ទេ លើកលែងតែកន្លែងមួយចំនួន ដែលគេហាមនោះ ទើបអ្នកព័ត៌មានត្រូវសុំការអនុញ្ញាតសិន ដូច្នេះវាគ្មានអ្វីដែលគំរាមកំហែងដល់អ្នកព័ត៌មានទេ»។
របាយការណ៍មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) ដែលមានចំណងជើងថា «ការប្រឈមរបស់ប្រព័ន្ធផ្សព្វផ្សាយឯករាជ្យឆ្នាំ២០១៧» បានលើកឡើងពីបញ្ហាបញ្ចេញមតិនៅតាមប្រព័ន្ធផ្សព្វផ្សាយ ដែលរងការគំរាមកំហែង និងការចាប់ខ្លួនអ្នកបញ្ចេញមតិ រួមទាំងអ្នកកាសែត ដែលរដ្ឋាភិបាល ចាត់ទុកជាអ្នកប្រឆាំងខ្លួន ក្រោមហេតុផលផ្លូវច្បាប់ជាដើម។
របាយការណ៍ CCIM ដែលមាន៤០ទំព័រ បានសរសេរពីបញ្ហាប្រឈមធំបំផុតនៃសេរីភាពអ្នកសារព័ត៌មាននៅកម្ពុជាដូច្នេះថា៖«សរុបមក បន្ទាប់ពីឆ្នាំដ៏ច្របូកច្របល់សម្រាប់ប្រព័ន្ធផ្សព្វផ្សាយ អ្នកដែលបានផ្ដល់បទសម្ភាសន៍បាននិយាយថា ឥទ្ធិពលរបស់រដ្ឋាភិបាល គឺជាបញ្ហាដ៏ធំបំផុតដែលអ្នកសារព័ត៌មានប្រឈមមុខសព្វថ្ងៃ។ ៤៩ភាគរយ បាននិយាយថា ការគ្រប់គ្រងនិងឥទ្ធិពលរបស់រដ្ឋាភិបាល គឺជាបញ្ហាដ៏ធំបំផុត ហើយ ១៨ភាគរយ និយាយថា វាជាការធ្វើទុក្ខបុកម្នេញ និងការគំរាមកំហែងផ្លូវច្បាប់ទៅលើអ្នកសារព័ត៌មាន»។
របាយការណ៍ CCIM ដដែល បានបន្ថែមថា ការបង្ក្រាបរបស់រដ្ឋាភិបាលទៅលើប្រព័ន្ធផ្សព្វផ្សាយឯករាជ្យ នៅឆមាសទី២ក្នុងឆ្នាំ២០១៧កន្លងមក បានបង្ហាញពីភាពងាយរងគ្រោះរបស់ស្ថាប័នឯករាជ្យ។ «មានប្រព័ន្ធផ្សព្វផ្សាយឯករាជ្យកាន់តែតិច អ្នកមានអំណាចកាន់តែមានសេរីភាព ដែលធ្វើសកម្មភាពដោយគ្មាននិទណ្ឌភាព ។ វាជាស្ថានភាពអាក្រក់សម្រាប់មនុស្សគ្រប់គ្នានៅក្នុងប្រទេស ដែលកាន់តែធ្លាក់ចុះដុនដាប ក៏ប៉ុន្តែមិនមែនគ្រប់គ្នាសុទ្ធតែដឹងនោះទេ។ សេរីភាពពិតនៃប្រព័ន្ធផ្សព្វផ្សាយមានន័យថា មានទាំងអ្នកសរសើរ និងអ្នករិះគន់»។ នេះបើតាមរបាយការណ៍CCIM។
តែយ៉ាងណាអ្នកនាំពាក្យក្រសួងព័ត៌មាន ចាត់ទុករបាយការណ៍CCIMថា ជាការស្រាវជ្រាវគ្មានមូលដ្ឋានគ្រឹះច្បាស់លាស់ ដោយគ្រាន់តែមានគោលបំណងចង់វាយប្រហាររដ្ឋាភិបាលប៉ុណ្ណោះ។«អ្វីដែលCCIMនិយាយនេះ មិនមានមូលដ្ឋានអ្វីមួយមកចោទប្រកាន់ ឬមកវាយតម្លៃលើរដ្ឋាភិបាលឡើយ។ ហើយខ្ញុំមិនយល់ពីគោលបំណងរបស់ពួកគេដែរ ឬមួយពួកគេមានគោលបំណងអាក្រក់ ឬចង់យកបញ្ហាទាំងនោះមកវាយប្រហាររដ្ឋាភិបាល»។ នេះជាឆ្លើយតបរបស់លោក អ៊ុក គឹមសេង ដែលបានបន្ថែមថា អ្នកសារព័ត៌មានជាតិ និងអន្តរជាតិ នៅកម្ពុជា ប្រមាណ៥០០០នាក់ ត្រូវធានាដោយច្បាប់សារព័ត៌មាន ប៉ុន្តែពួកគេក៏ត្រូវអនុវត្តតួនាទី ឲ្យស្របច្បាប់ផងដែរ៕
Tag:
អ៊ុក គឹមសេង
សារព័ត៌មាន
© រក្សាសិទ្ធិដោយ thmeythmey.com
