កីឡាជាតិ
ជាតិ
ប៉ារ៉ាឡាំពិកកម្ពុជាគ្រោងបំបែករូបមន្ត Athlete Partway ដើម្បីអនុវត្តនៅកម្ពុជា
លោក យី វាសនា ចូលរួមវគ្គបណ្តុះបណ្តាល Athlete Partway នៅប្រទេសជប៉ុនកាលពីពេលកន្លងទៅ
×![]()
គណៈកម្មាធិការជាតិប៉ារ៉ាឡាំពិកកម្ពុជា(NPCC) គ្រោងបំបែករូបមន្តដែលទទួលបានពីការបណ្តុះបណ្តាលនៅប្រទេសជប៉ុនស្តីពី«Athlete Partway» ដើម្បីអនុវត្តនៅកម្ពុជា។ ការច្បិចយករូបមន្តខ្លះៗដោយមិនយកទាំងស្រុងមកអនុវត្តនេះ ដោយសារមានចំណុចខ្លះកម្ពុជាគ្មានលទ្ធភាព និងមិនអាចទទួលយកបាន។ តាមរយៈការបំបែកនេះកម្ពុជារំពឹងថា នឹងជួយជំរុញវិស័យកីឡាជនពិការនៅកម្ពុជាឲ្យកាន់តែមានភាពប្រសើរឡើង។
«Athlete Partway»ជាប្រព័ន្ធបណ្តុះបណ្តាលជំនាញកីឡាពីកម្រិតថ្នាក់មូលដ្ឋានឲ្យឈានទៅរកកម្រិតខ្ពស់។ ប្រព័ន្ធនេះចែកចេញជា៣កម្រិត ក្នុងនោះកម្រិតដំបូង(Early-Entry)បណ្តុះបណ្តាលពីអាយុ៦-៩ឆ្នាំ និងពី៩-១២ឆ្នាំ រីឯកម្រិតមធ្យម(Mid-Entry)ពីអាយុ៩-១២ឆ្នាំ និងពី១២-១៥ឆ្នាំ និងកម្រិតខ្ពស់(Late-Entry)ពីអាយុ១២-១៥ឆ្នាំ និងពី១៥-១៨ឆ្នាំ។
គណៈកម្មាធិការជាតិប៉ារ៉ាឡាំពិកកម្ពុជា ដែលបានចូលរួមសិក្សាវគ្គបណ្តុះស្តីពី«Athlete Partway»នៅប្រទេសជប៉ុន គ្រោងប្រើប្រាស់ប្រព័ន្ធបណ្តុះបណ្តាលនេះ ដើម្បីអនុវត្តនៅកម្ពុជា។ តែស្ថាប័នដែលផ្តោតលើកីឡាករពិការភាពមួយនេះអះអាងថា មិនមែនយកទាំងស្រុងនោះឡើយ ដោយសារមានចំណុចមួយចំនួនមិនអាចធ្វើបាន។
លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជាដែលដឹកនាំប្រតិភូកម្ពុជាទៅចូលរួមវគ្គបណ្តុះបណ្តាលនៅប្រទេសជប៉ុនបាននិយាយថា តាមរយៈវគ្គសិក្សាកម្ពុជាទទួលបានចំណេះដឹងថ្មីៗជាច្រើន ទាំងបច្ចេកទេស និងតិចនិកក្នុងការជ្រើសរើសកីឡាករ និងហ្វឹកហាត់ជាដើម។
«ប៉ារ៉ាឡាំពិកកម្ពុជានឹងបំបែកនូវរូបមន្តនេះ ដោយយើងមិនអាចយកទាំងស្រុងមកអនុវត្តនៅកម្ពុជាបាននោះទេ គឺយើងត្រូវមើលតាមលក្ខខណ្ឌ និងស្ថានភាពជាក់ស្តែងរបស់យើ»។ នេះជាការលើកឡើងរបស់លោក យី វាសនា ហើយលោកបានបន្ថែមថា តាមរយៈប្រព័ន្ធនេះលោករំពឹងថា វិស័យកីឡាជនពិការនៅកម្ពុជានឹងមានការរីកចម្រើនកាន់តែខ្លាំងថែមទៀត។
ប្រព័ន្ធបណ្តុះបណ្តាល Athlete Partway ភាគច្រើនគេយកទៅអនុវត្តនៅតាមសាលា និងផ្តោតសំខាន់លើកីឡាអូឡាំពិកចំនួន១៧ប្រភេទកីឡារួមមានបាល់បោះ, បាល់ទាត់, បាល់ទាត់បែបអាមេរិក, ហែលទឹក, បាល់ទះ, ចំបាប់, ទ្រីយ៉ាត្លុង, បាល់ឱប, ឡើងភ្នំ, Curling, Hockey , អត្តពលកម្ម, កីឡាចោលថាស, កីឡាលើកទម្ងន់, វាយកូនគោល, ប្រណាំងទូក និងវាយកូនបាល់។
សម្រាប់វគ្គបណ្តុះបណ្តាលក្រោមគម្រោង«Sport for Tomorrow» ដែលរៀបចំពីថ្ងៃទី៥-៩ កុម្ភៈ នៅមជ្ឈមណ្ឌល High Performance Sport Center នៅប្រទេសជប៉ុនមាន១២ប្រទេសចូលរួម ក្នុងនោះមកពីអាស៊ាន១១ប្រទេសនិងម្ចាស់ផ្ទះជប៉ុន។ រីឯកម្ពុជាបានបញ្ជូនអ្នកជំនាញ៥រូបឲ្យចូលរួម ដែលដឹកនាំដោយលោក យី វាសនា អគ្គលេខាធិការ NPCC៕
«Athlete Partway»ជាប្រព័ន្ធបណ្តុះបណ្តាលជំនាញកីឡាពីកម្រិតថ្នាក់មូលដ្ឋានឲ្យឈានទៅរកកម្រិតខ្ពស់។ ប្រព័ន្ធនេះចែកចេញជា៣កម្រិត ក្នុងនោះកម្រិតដំបូង(Early-Entry)បណ្តុះបណ្តាលពីអាយុ៦-៩ឆ្នាំ និងពី៩-១២ឆ្នាំ រីឯកម្រិតមធ្យម(Mid-Entry)ពីអាយុ៩-១២ឆ្នាំ និងពី១២-១៥ឆ្នាំ និងកម្រិតខ្ពស់(Late-Entry)ពីអាយុ១២-១៥ឆ្នាំ និងពី១៥-១៨ឆ្នាំ។
គណៈកម្មាធិការជាតិប៉ារ៉ាឡាំពិកកម្ពុជា ដែលបានចូលរួមសិក្សាវគ្គបណ្តុះស្តីពី«Athlete Partway»នៅប្រទេសជប៉ុន គ្រោងប្រើប្រាស់ប្រព័ន្ធបណ្តុះបណ្តាលនេះ ដើម្បីអនុវត្តនៅកម្ពុជា។ តែស្ថាប័នដែលផ្តោតលើកីឡាករពិការភាពមួយនេះអះអាងថា មិនមែនយកទាំងស្រុងនោះឡើយ ដោយសារមានចំណុចមួយចំនួនមិនអាចធ្វើបាន។
លោក យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជាដែលដឹកនាំប្រតិភូកម្ពុជាទៅចូលរួមវគ្គបណ្តុះបណ្តាលនៅប្រទេសជប៉ុនបាននិយាយថា តាមរយៈវគ្គសិក្សាកម្ពុជាទទួលបានចំណេះដឹងថ្មីៗជាច្រើន ទាំងបច្ចេកទេស និងតិចនិកក្នុងការជ្រើសរើសកីឡាករ និងហ្វឹកហាត់ជាដើម។
«ប៉ារ៉ាឡាំពិកកម្ពុជានឹងបំបែកនូវរូបមន្តនេះ ដោយយើងមិនអាចយកទាំងស្រុងមកអនុវត្តនៅកម្ពុជាបាននោះទេ គឺយើងត្រូវមើលតាមលក្ខខណ្ឌ និងស្ថានភាពជាក់ស្តែងរបស់យើ»។ នេះជាការលើកឡើងរបស់លោក យី វាសនា ហើយលោកបានបន្ថែមថា តាមរយៈប្រព័ន្ធនេះលោករំពឹងថា វិស័យកីឡាជនពិការនៅកម្ពុជានឹងមានការរីកចម្រើនកាន់តែខ្លាំងថែមទៀត។
ប្រព័ន្ធបណ្តុះបណ្តាល Athlete Partway ភាគច្រើនគេយកទៅអនុវត្តនៅតាមសាលា និងផ្តោតសំខាន់លើកីឡាអូឡាំពិកចំនួន១៧ប្រភេទកីឡារួមមានបាល់បោះ, បាល់ទាត់, បាល់ទាត់បែបអាមេរិក, ហែលទឹក, បាល់ទះ, ចំបាប់, ទ្រីយ៉ាត្លុង, បាល់ឱប, ឡើងភ្នំ, Curling, Hockey , អត្តពលកម្ម, កីឡាចោលថាស, កីឡាលើកទម្ងន់, វាយកូនគោល, ប្រណាំងទូក និងវាយកូនបាល់។
សម្រាប់វគ្គបណ្តុះបណ្តាលក្រោមគម្រោង«Sport for Tomorrow» ដែលរៀបចំពីថ្ងៃទី៥-៩ កុម្ភៈ នៅមជ្ឈមណ្ឌល High Performance Sport Center នៅប្រទេសជប៉ុនមាន១២ប្រទេសចូលរួម ក្នុងនោះមកពីអាស៊ាន១១ប្រទេសនិងម្ចាស់ផ្ទះជប៉ុន។ រីឯកម្ពុជាបានបញ្ជូនអ្នកជំនាញ៥រូបឲ្យចូលរួម ដែលដឹកនាំដោយលោក យី វាសនា អគ្គលេខាធិការ NPCC៕
Tag:
ប៉ារ៉ាឡាំពិក
យី វាសនា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ម៉ោង
