ជាតិ
នយោបាយជាតិ
×![]()
ដោយ: សារព័ត៌មានថ្មីៗ
ថ្នាក់ដឹកនាំនៃស្ថាប័នកំពូលៗ ដូចជាសម្តេច ហ៊ុន សែន នាយករដ្ឋមន្ត្រី និងសម្តេច ហេង សំរិន ប្រធានរដ្ឋសភា ជាដើម បានទៅបោះឆ្នោតជ្រើសតាំងសមាជិកព្រឹទ្ធសភា នៅព្រឹកថ្ងៃទី២៥ ខែកុម្ភៈ ឆ្នាំ២0១៨នេះ។ មេដឹកនាំទាំងនោះ ទៅបោះឆ្នោតជ្រើសតាំងសមាជិកព្រឹទ្ធសភា ក្នុងនាមជាតំណាងរាស្ត្រ។
អ្នកដែលមានសិទ្ធិបោះឆ្នោតជ្រើសតាំងសមាជិកព្រឹទ្ធសភា គឺជាតំណាងរាស្ត្រ និងសមាជិកក្រុមប្រឹក្សាឃុំ សង្កាត់។ ចាប់ពីម៉ោង៣រសៀលទៅ គណៈកម្មាធិការជាតិរៀបចំការបោះឆ្នោត នឹងប្រកាសលទ្ធផលបឋមនៃការបោះឆ្នោតជ្រើសតាំងសមាជិកព្រឹទ្ធសភា។
សមាជិកព្រឹទ្ធសភាពីមុន មាន៦១នាក់។ ប៉ុន្តែនៅនីតិកាលទី៤នេះ សមាជិកព្រឹទ្ធសភា ត្រូវបានបង្កើនដល់៦២នាក់ ដោយក្នុងនោះ ២រូបត្រូវបានតែងតាំងដោយព្រះមហាក្សត្រ និង២រូប ត្រូវបានជ្រើសតាំងដោយរដ្ឋសភា ហើយ៥៨រូបទៀត កើតចេញពីការបោះឆ្នោត។
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤នេះ មានគណបក្ស៤ ចូលរួម គឺគណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សខ្មែររួបរួមជាតិ និងគណបក្សយុវជនកម្ពុជា។ ចំណែក គណបក្សភ្លើងទៀន ដែលពីមុនមានឈ្មោះថា គណបក្ស សម រង្ស៊ី និងចាត់ទុកជាគណបក្សប្រឆាំងក្នុងស្ថាប័នព្រឹទ្ធសភា មិនបានចូលរួមនោះទេ៕
Tag:
បោះឆ្នោតព្រឹទ្ធសភា
© រក្សាសិទ្ធិដោយ thmeythmey.com
