កីឡាជាតិ
ជាតិ
រ៉ូហ្ស៊ីប, Julius, Gbenga ដែលអវត្តមានក្នុងជំនួបដំបូងនឹងជួយបឹងកេតនៅល្ងាចនេះ
×![]()
ក្រុមបឹងកេតត្រូវទទួលស្វាគមន៍ក្រុមភ្ញៀវ Shan United របស់មីយ៉ាន់ម៉ា សម្រាប់ជំនួបលើកទី២ក្នុងពូល F នៃពានរង្វាន់ AFC Cup 2018 នាវេលាម៉ោង៦ល្ងាចថ្ងៃទី២៧ កុម្ភៈ នៅពហុកីឡដ្ឋានជាតិ។ កីឡាករសំខាន់៣រូប ដែលអវត្តមានក្នុងជំនួបបើកឆាក នឹងចូលរួមជួយក្រុមជើងឯកក្របខណ្ឌលីគកំពូលកម្ពុជានៅល្ងាចនេះ។
ខ្សែការពារ សេត រ៉ូហ្ស៊ីប រួមនឹងខ្សែប្រយុទ្ធនីហ្សេរីយ៉ា Gbenga Samuel Ajayi និង Juluis Oiboh នឹងចូលរួមជួយក្រុមបឹងកេត តទល់ជាមួយក្រុម Shan United របស់មីយ៉ាន់ម៉ានៅពហុកីឡដ្ឋានជាតិ បន្ទាប់ពីពួកគេអវត្តមានក្នុងជំនួបដំបូងជាមួយក្រុមម្ចាស់ផ្ទះ Ceres Negros។ ក្នុងនោះ សេត រ៉ូហ្ស៊ីប អវត្តមានដោយសារបញ្ហារបួស ខណៈខ្សែប្រយុទ្ធនីហ្សេរីយ៉ាទាំងពីរមានបញ្ហាលិខិតឆ្លងដែន។
បឹងកេតត្រូវប្រជែងជាមួយក្រុមភ្ញៀវ Shan United សម្រាប់ជំនួបលើកទី២ក្នុងពូល F នៃពានរង្វាន់ AFC Cup នាវេលាម៉ោង៦ល្ងាចថ្ងៃទី២៧ កុម្ភៈ នៅពហុកីឡដ្ឋានជាតិ។ ក្រុមទាំងពីរសុទ្ធតែរងការបរាជ័យរៀងៗខ្លួនក្នុងជំនួបបើកឆាកកាលពីថ្ងៃទី១៣ កុម្ភៈ កន្លងទៅ។ ក្នុងនោះក្រុម Shan United បានចាញ់ Home United របស់សិង្ហបុរី ១-០ នៅទឹកដីខ្លួនឯង ខណៈបឹងកេតរងបរាជ័យយ៉ាងចាស់ដៃ ៩-០ ក្រោមថ្វីជើងម្ចាស់ផ្ទះហ្វីលីពីន Ceres Negros នៅក្រុង Bacolod។
ការបរាជ័យក្នុងជំនួបបើកឆាករៀងៗខ្លួននេះ បានធ្វើឲ្យលោក កែវ កុសល គ្រូបង្វឹកបឹងកេត និងលោក Soe Myat Min គ្រូបង្វឹក Shan United ជឿជាក់ថា ការប៉ះគ្នារវាងក្រុមទាំងពីរនៅល្ងាចនេះ នឹងក្លាយជាជំនួបដ៏ស្វិតស្វាញ និងជក់ចិត្តបំផុត ព្រោះក្រុមទាំងពីរសុទ្ធតែត្រូវការឈ្នះដូចគ្នា ដើម្បីមុខមាត់ប្រទេសជាតិ ក៏ដូចបង្កើនឱកាសសម្រាប់វគ្គបន្ត។
«ខ្ញុំគិតថាការប្រកួតថ្ងៃនេះ ជាការប្រកួតមួយដ៏លំបាក ព្រោះយើងសុទ្ធតែត្រូវការឈ្នះដូចគ្នា។ យើងដឹងហើយថាក្រុមនីមួយៗនៅក្នុងពូលសុទ្ធតែតំណាងជើងឯកឲ្យប្រទេសរៀងៗខ្លួន ប៉ុន្តែយើងនឹងប្រឹងប្រែងឲ្យអស់ពីសមត្ថភាព ដើម្បីទទួលបានលទ្ធផលល្អ។ មិនមែនតែខ្ញុំនោះទេ ក្រុមទាំងមូលសុទ្ធតែមានការប្តេជ្ញាខ្ពស់ក្នុងការស្វែងរកជ័យជម្នះនៅល្ងាចនេះ»។ នេះជាការលើកឡើងរបស់លោក កែវ កុសល នាសន្និសីទសារព័ត៌មានកាលពីថ្ងៃទី២៦ កុម្ភៈ ឆ្នាំ២០១៨។
ជាមួយគ្នាគ្រូបង្វឹកក្រុមមីយ៉ាន់ម៉ា លោក Soe Myat Min យល់ឃើញមិនខុសពីគ្រូបង្វឹកក្រុមកម្ពុជាប៉ុន្មានឡើយ ដោយលោកបាននិយាយថា៖«ក្រុមទាំង២សុទ្ធតែបរាជ័យលើកទី១ដូចគ្នា..។ ដូច្នេះខ្ញុំគិតថា ការប្រកួតនៅថ្ងៃនេះ នឹងក្លាយជាការប្រកួតមួយដ៏ល្អ និងមានការទាក់ទាញខ្លាំង។ ប៉ុន្តែការប្រកួតនៅក្រៅទឹកដី វាអាចមានការលំបាកសម្រាប់ពួកយើង។ ទោះបីយ៉ាងនេះក្តី ពួកយើងនឹងខំប្រឹងឲ្យអស់ពីសមត្ថភាពដើម្បីទទួលបាន៣ពិន្ទុនៅលើកនេះ»។
ក្នុងពូល F នេះដែរ ក៏មានកការប្រកួត១គូទៀតផងដែរ ដោយក្រុមម្ចាស់ផ្ទះសិង្ហបុរី Home United ត្រូវបើកកីឡដ្ឋាន Jalan Besar ទទួលស្វាគមន៍ក្រុមភ្ញៀវ Ceres Negros នាវេលាម៉ោង៦:៣០នាទីល្ងាច(ម៉ោងនៅកម្ពុជា)៕
ខ្សែការពារ សេត រ៉ូហ្ស៊ីប រួមនឹងខ្សែប្រយុទ្ធនីហ្សេរីយ៉ា Gbenga Samuel Ajayi និង Juluis Oiboh នឹងចូលរួមជួយក្រុមបឹងកេត តទល់ជាមួយក្រុម Shan United របស់មីយ៉ាន់ម៉ានៅពហុកីឡដ្ឋានជាតិ បន្ទាប់ពីពួកគេអវត្តមានក្នុងជំនួបដំបូងជាមួយក្រុមម្ចាស់ផ្ទះ Ceres Negros។ ក្នុងនោះ សេត រ៉ូហ្ស៊ីប អវត្តមានដោយសារបញ្ហារបួស ខណៈខ្សែប្រយុទ្ធនីហ្សេរីយ៉ាទាំងពីរមានបញ្ហាលិខិតឆ្លងដែន។
បឹងកេតត្រូវប្រជែងជាមួយក្រុមភ្ញៀវ Shan United សម្រាប់ជំនួបលើកទី២ក្នុងពូល F នៃពានរង្វាន់ AFC Cup នាវេលាម៉ោង៦ល្ងាចថ្ងៃទី២៧ កុម្ភៈ នៅពហុកីឡដ្ឋានជាតិ។ ក្រុមទាំងពីរសុទ្ធតែរងការបរាជ័យរៀងៗខ្លួនក្នុងជំនួបបើកឆាកកាលពីថ្ងៃទី១៣ កុម្ភៈ កន្លងទៅ។ ក្នុងនោះក្រុម Shan United បានចាញ់ Home United របស់សិង្ហបុរី ១-០ នៅទឹកដីខ្លួនឯង ខណៈបឹងកេតរងបរាជ័យយ៉ាងចាស់ដៃ ៩-០ ក្រោមថ្វីជើងម្ចាស់ផ្ទះហ្វីលីពីន Ceres Negros នៅក្រុង Bacolod។
ការបរាជ័យក្នុងជំនួបបើកឆាករៀងៗខ្លួននេះ បានធ្វើឲ្យលោក កែវ កុសល គ្រូបង្វឹកបឹងកេត និងលោក Soe Myat Min គ្រូបង្វឹក Shan United ជឿជាក់ថា ការប៉ះគ្នារវាងក្រុមទាំងពីរនៅល្ងាចនេះ នឹងក្លាយជាជំនួបដ៏ស្វិតស្វាញ និងជក់ចិត្តបំផុត ព្រោះក្រុមទាំងពីរសុទ្ធតែត្រូវការឈ្នះដូចគ្នា ដើម្បីមុខមាត់ប្រទេសជាតិ ក៏ដូចបង្កើនឱកាសសម្រាប់វគ្គបន្ត។
«ខ្ញុំគិតថាការប្រកួតថ្ងៃនេះ ជាការប្រកួតមួយដ៏លំបាក ព្រោះយើងសុទ្ធតែត្រូវការឈ្នះដូចគ្នា។ យើងដឹងហើយថាក្រុមនីមួយៗនៅក្នុងពូលសុទ្ធតែតំណាងជើងឯកឲ្យប្រទេសរៀងៗខ្លួន ប៉ុន្តែយើងនឹងប្រឹងប្រែងឲ្យអស់ពីសមត្ថភាព ដើម្បីទទួលបានលទ្ធផលល្អ។ មិនមែនតែខ្ញុំនោះទេ ក្រុមទាំងមូលសុទ្ធតែមានការប្តេជ្ញាខ្ពស់ក្នុងការស្វែងរកជ័យជម្នះនៅល្ងាចនេះ»។ នេះជាការលើកឡើងរបស់លោក កែវ កុសល នាសន្និសីទសារព័ត៌មានកាលពីថ្ងៃទី២៦ កុម្ភៈ ឆ្នាំ២០១៨។
ជាមួយគ្នាគ្រូបង្វឹកក្រុមមីយ៉ាន់ម៉ា លោក Soe Myat Min យល់ឃើញមិនខុសពីគ្រូបង្វឹកក្រុមកម្ពុជាប៉ុន្មានឡើយ ដោយលោកបាននិយាយថា៖«ក្រុមទាំង២សុទ្ធតែបរាជ័យលើកទី១ដូចគ្នា..។ ដូច្នេះខ្ញុំគិតថា ការប្រកួតនៅថ្ងៃនេះ នឹងក្លាយជាការប្រកួតមួយដ៏ល្អ និងមានការទាក់ទាញខ្លាំង។ ប៉ុន្តែការប្រកួតនៅក្រៅទឹកដី វាអាចមានការលំបាកសម្រាប់ពួកយើង។ ទោះបីយ៉ាងនេះក្តី ពួកយើងនឹងខំប្រឹងឲ្យអស់ពីសមត្ថភាពដើម្បីទទួលបាន៣ពិន្ទុនៅលើកនេះ»។
ក្នុងពូល F នេះដែរ ក៏មានកការប្រកួត១គូទៀតផងដែរ ដោយក្រុមម្ចាស់ផ្ទះសិង្ហបុរី Home United ត្រូវបើកកីឡដ្ឋាន Jalan Besar ទទួលស្វាគមន៍ក្រុមភ្ញៀវ Ceres Negros នាវេលាម៉ោង៦:៣០នាទីល្ងាច(ម៉ោងនៅកម្ពុជា)៕
Tag:
បាល់ទាត់
កែវ កុសល
AFC Cup 2018
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 14 ម៉ោង
