កីឡាជាតិ
ជាតិ
ប្រាក់ខែគ្រូបង្វឹក និងបុគ្គលិក FFC ត្រូវចំណាយជាង៥៩ម៉ឺនដុល្លារក្នុង១ឆ្នាំ លោក សៅ សុខា ថ្លែងក្នុងមហាសន្និបាតបូកសរុបការងារប្រចាំឆ្នាំនៅសណ្ឋាគាភ្នំពេញ
× បើយោងតាមរបាយការណ៍ផែនការសកម្មភាពការងារ និងថវិកា ដែលរៀបរៀងដោយសហព័ន្ធកីឡាបាល់ទាត់កម្ពុជា (FFC) សហព័ន្ធ ត្រូវចំណាយថវិកាប្រមាណ៥៩៧,៨០០ដុល្លារអាមេរិក លើថ្លៃប្រាក់ខែគ្រូបង្វឹក និងបុគ្គលិកសម្រាប់ឆ្នាំ២០១៨។
យ៉ាងហោចណាស់ សហព័ន្ធកីឡាបាល់ទាត់កម្ពុជា ត្រូវចំណាយថវិកាប្រមាណជា ៥៩៧,៨០០ដុល្លារ លើថ្លៃប្រាក់ខែគ្រូបង្វឹក និងបុគ្គលិកក្នុងឆ្នាំ២០១៨។ ថវិកាទាំងនេះ FFC ត្រូវចំណាយលើប្រាក់ខែលោកគ្រូ Lee Taehoon ៧២,០០០ដុល្លារ, ប្រាក់ខែគ្រូអាយុក្រោម១៧ឆ្នាំ ចំនួន២២,២០០ដុល្លារ និងប្រាក់ខែគ្រូអាយុក្រោម១៩ឆ្នាំ និងបុគ្គលិកចំនួន៨១,០០០ដុល្លារ។
បន្ថែមលើនេះ ប្រាក់ឧបត្ថម្ភប្រធានសហព័ន្ធ លោក សៅ សុខា និងអនុប្រធានលោក ខៀវ សាម៉េត ចំនួន ៣ម៉ឺនដុល្លារ, ប្រាក់ខែបុគ្គលិករដ្ឋបាលចំនួន ១៩៩,៨០០ដុល្លារ, ប្រាក់ខែអ្នកថែទាំនៅបាទីចំនួន ៣៦,០០០ដុល្លារ, ប្រាក់ខែទី១៣ចំនួន ២៩,៤០០ដុល្លារ និងប្រាក់ឧបត្ថម្ភកម្លាំងសន្តិសុខនៅបាទីចំនួន ១៨,០០០ដុល្លារ។
ចំណាយលើការស្នាក់នៅ និងមធ្យោបាយធ្វើដំណើរ របស់ Kazunori Ohara ចំនួន ១៥,០០០ដុល្លារ, មធ្យោបាយធ្វើដំណើរ និងការចំណាយផ្សេងៗរបស់ លោក Karakida ចំនួន ១១,៤០០ដុល្លារ, ការ ស្នាក់នៅ និងមធ្យោបាយធ្វើដំណើររបស់គ្រូចំនួន ១៧,០០០ដុល្លារ និងប្រាក់ឧបត្ថម្ភគណៈកម្មការប្រតិបត្តិចំនួន៦៦,០០០ដុល្លារ៕
Tag:
បាល់ទាត់
FFC
ប្រាក់ខែគ្រូ និងបុគ្គលិក
© រក្សាសិទ្ធិដោយ thmeythmey.com