យោងតាមកិច្ចសម្ភាសន៍របស់ម្ចាស់ភោជនីយដ្ឋាន Bún chả Hương Liên ជាមួយនឹងសារព័ត៌មាន BBC ការរក្សា និងអភិរក្ស តុអាហារពេលល្ងាច ដែលអតីតប្រធានាធិបតី អូបាម៉ា ធ្លាប់អង្គុយទទួលទានអាហារនោះ គឺ រួមមានទាំងរក្សាទុកចាន កែវ និងដបស្រា ផងដែរ។ គំនិតអភិរក្សនេះ ផ្តើមចេញពីអតិថិជន ដែលចូលទៅទីនោះ ។ 
 

ម្ចាស់ហាងដដែលនោះ ក៏បានអះអាងទៀតថា មានអតិថិជនជាច្រើនចាប់អារម្មណ៍ និងថែមទាំងផ្តិតយករូបភាពតុនោះ ដោយរួមទាំងការធ្វើត្រាប់តាមសកម្មភាព លោក អូបាម៉ា ទទួលអាហារនៅទីនោះផង ។ សម្រាប់ម្ចាស់ហាងនេះ វាអាចជាលើកដំបូងដែលពលរដ្ឋវៀតណាមផ្តល់តម្លៃខ្ពស់ចំពោះជនបរទេសជាពិសេសលោក អូបាម៉ា តែម្តង ។ 

អ្វីដែលគួរឲ្យកត់សម្គាល់នោះ ភោជនីយដ្ឋាននោះ ថែមទាំងដាក់បញ្ជីមុខម្ហូបថា « បរិភោគដូចលោក អូបាម៉ា (Eat Like Obama) » ទៀតផង ។ 
 

សូមរម្លឹកផងដែរថា នៅឆ្នាំ២០១៦កន្លងទៅ លោក បារ៉ាក់ អូបាម៉ា បានបំពេញទស្សនកិច្ចទៅកាន់វៀតណាមជាលើកដំបូង ។ នាពេលនោះ ក៏បានឆ្លៀតចូលភោជនីយដ្ឋាន សម្រាប់អាហារពេលល្ងាច ដែលមានតម្លៃប្រមាណ ៦ ឬ ៧ ដុល្លារប៉ុណ្ណោះ ជាមួយចុងភៅនិងជាអ្នកនិពន្ធជនជាតិអាមេរិកលោក Anthony Bourdain ៕