ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
លោក ព្រាប សុវត្ថិ, ឱក សុគន្ធកញ្ញា នឹងបង្ហាញខ្លួនក្នុងព្រឹត្តិការណ៍កីឡាជាតិលើកទី២
10, May 2018 ,
8:59 am
រូបភាព
លោក ព្រាប សុវត្ថិ ចូលរួមពិធិបើកព្រឹត្តិការណ៍កីឡាជាតិលើកទី១ កាលពីឆ្នាំ២០១៦
×
ដោយ:
កំពូលតារាចម្រៀងជួរមុខកម្ពុជារួមមានលោក ព្រាប សុវត្ថិ និងកញ្ញា ឱក សុគន្ធកញ្ញា នឹងបង្ហាញខ្លួនអង្រួនឆាកតន្ត្រីក្នុងថ្ងៃបើកនិងបិទព្រឹត្តិការណ៍កីឡាជាតិលើកទី២នៅឆ្នាំនេះ។ នេះមិនមែនជាលើកទី១ឡើយសម្រាប់អ្នកទាំងពីរ ពោលគឺពួកគេធ្លាប់ចូលរួមព្រឹត្តិការណ៍នេះម្តងមកហើយកាលពីឆ្នាំ២០១៦។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានបញ្ជាក់ថា មកទល់ពេលនេះកំពូលតារាចម្រៀងជួរមុខកម្ពុជារួមមានលោក ព្រាប សុវត្ថិ និងកញ្ញា ឱក សុគន្ធកញ្ញា សុទ្ធតែបានស្ម័គ្រខ្លួនចូលរួមតបតាមការអញ្ជើញថ្នាក់ដឹកនាំកីឡាកម្ពុជា ដើម្បីចូលរួមក្នុងពិធីបើកព្រឹត្តិការណ៍កីឡាជាតិលើកទី២នាថ្ងៃទី២៥ ឧសភា នៅពហុកីឡដ្ឋានជាតិ។ នេះជាលើកទីពីរហើយ ដែលកំពូលតារាចម្រៀងទាំងពីរបានបង្ហាញក្នុងព្រឹត្តិការណ៍កីឡាដ៏ធំមួយនេះ ពោលគឺពួកគេធ្លាប់ចូលរួមម្តងរួចមកហើយកាលពីព្រឹត្តិការណ៍កីឡាជាតិលើកទី១ក្នុងឆ្នាំ២០១៦។
កញ្ញា ឱក សុគន្ធកញ្ញា ច្រៀងក្នុងពិធីបើកព្រឹត្តិការណ៍កីឡាជាតិលើកទី១កាលពីឆ្នាំ២០១៦
ក្រៅពីកំពូលតារាទាំងពីរខាងលើ គណៈកម្មាធិការជាតិអូឡាំពិកកម្ពុជា ដែលទទួលបន្ទុកផ្នែករៀបចំពិធិបើកនិងបិទព្រឹត្តិការណ៍កីឡាជាតិ ក៏គ្រោងអញ្ជើញកំពូលតារាចម្រៀង ខេមរៈ សិរីមន្ត, កញ្ញា មាស សុខសោភា និងកញ្ញា សុខ ពិសី ឲ្យចូលរួមក្នុងថ្ងៃនេះផងដែរ។ បើយោងតាមលោក វ៉ាត់ ចំរើន ក្រៅពីតារាចម្រៀងនៅកម្ពុជា តារាចម្រៀងបរទេសអាចនឹងមានវត្តមានដែរ។
ក្រៅពីការប្រគំតន្ត្រី ក៏មានការបាញ់ភ្លើងឡាស៊ែរជារូបភាព និងការដុតកាំជ្រួចជាទម្រង់ជារូបភាព និងអក្សរដ៏អស្ចារ្យក្នុងថ្ងៃបើកព្រឹត្តិការណ៍កីឡាជាតិនេះផងដែរ។ លើសពីនេះ មានការសម្តែងក្បាច់គុនរបស់ក្រុមកីឡាករកីឡាការិនី និងការសម្តែងសិល្បៈពីសំណាក់ក្រុមសិល្បករមកពីសាលាសិល្បៈ និងក្រសួងវិចិត្រសិល្បៈទៀតផង។
ពិធីបើកនិងបិទព្រឹត្តិការណ៍កីឡាជាតិលើកទី២ឆ្នាំនេះ ត្រូវបានរៀបចំឡើងក្រោមវត្តមានរបស់សម្តេចនាយករដ្ឋមន្ត្រី ហ៊ុន សែន និងសម្តេច ប៊ុរ៉ានី ហ៊ុនសែន។ គណៈកម្មាធិការជាតិអូឡាំពិកកម្ពុជាគ្រោងចំណាយថវិកាពី៥០ទៅ៦០ម៉ឺនដុល្លារ ដើម្បីរៀបចំពិធីបើកនិងបិទកីឡាជាតិនៅឆ្នាំនេះ។ ការប្រកួតកីឡាជាតិឆ្នាំនេះ នឹងប្រព្រឹត្តទៅចាប់ថ្ងៃទី២៥ ឧសភា ដល់ថ្ងៃទី៦ មិថុនា ឆ្នាំ២០១៨៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កីឡាជាតិលើកទី២
ព្រាប សុវត្ថិ
ឱក សុគន្ធកញ្ញា
វ៉ាត់ ចំរើន
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
6 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
7 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
24 ម៉ោង
តើពាក្យងារជា «សម្តេច» មានន័យដូចម្តេច?
3 ថ្ងៃ
ផាសុក មានន័យថា សេចក្តីសុខ រីឯ អផាសុក មានន័យថា សេចក្តីព្រួយចិត្ត
5 ថ្ងៃ
អត្ថបទពេញនិយមបន្ថែម