អន្តរជាតិ
នាយករដ្ឋមន្ត្រីចិន ៖ ទំនាក់ទំនងល្អរវាងចិន និងឥណ្ឌូណេស៊ី មានផលវិជ្ជមានច្រើនសម្រាប់ប្រទេសក្នុងតំបន់
×![]()
នាយករដ្ឋមន្ត្រីចិន លោក លី ខឺឈាំង (Li Keqiang) បានបំពេញទស្សនកិច្ចផ្លូវការទៅកាន់ឥណ្ឌូណេស៊ី និងថែមទាំងបានជួបពិភាក្សាជាមួយនឹងប្រធានាធិបតីឥណ្ឌូណេស៊ី លោក ចូកូ វីដូដូ (Joki Widodo) ផងដែរ។ តាមរយៈជំនួបនេះ ភាគីទាំងពីរ បានប្តេជ្ញាក្នុងការពង្រឹងកិច្ចសហប្រតិបត្តិការស៊ីជម្រៅជាមួយនឹងគ្នា ក៏ដូចជាសាទរពីសមិទ្ធផលកន្លងមក ។
នាជំនួបផ្លូវការនៅក្រុងបូហ្គូរ នៃប្រទេសឥណ្ឌូណេស៊ី លោកនាយករដ្ឋមន្ត្រី លី នៅថ្ងៃ៧ ឧសភា បានថ្លែងពីការប្តេជ្ញាចិត្តរបស់ចិននៅចំពោះមុខលោកប្រធានាធិបតី ចូកូវី ក្នុងការរក្សាទំនាក់ទំនងក្នុងសហប្រតិបត្តិការភាពដៃគូយុទ្ធសាស្ត្រគ្រប់ជ្រុងជ្រោយ និងសន្យាបង្កើតការអភិវឌ្ឍរួមគ្នាឲ្យកាន់តែល្អប្រសើរទៅមុខបន្ថែមទៀត ។
តាមការចុះផ្សាយរបស់ភ្នាក់ងារព័ត៌មានចិន Xinhua លោកនាយករដ្ឋមន្ត្រីចិនរូបនេះ បានហៅឥណ្ឌូណេស៊ី ថាជាប្រទេសជិតខាងដ៏សំខាន់ និងក៏ដូចជាគូដៃសហប្រតិបត្តិការដ៏ល្អរបស់ចិន ដែលមានផលប្រយោជន៍រួមគ្នាជាច្រើន ។ តាមការបញ្ជាក់របស់លោក លី តាមរយៈជំនួបនេះ មេដឹកនាំទាំងពីរ បានផ្តោតសំខាន់ពីការទុកចិត្តផ្នែកនយោបាយ និងសម្រេចបានកិច្ចសហប្រតិបត្តិមួយកម្រិតទៀត ។
«ចិន និងឥណ្ឌូណេស៊ី គឺជាប្រទេសកំពុងអភិវឌ្ឍចម្បង និងក៏ជាប្រទេស ដែលសំខាន់នៅក្នុងតំបន់ ហើយការចូលរួមដៃគ្នាក្នុងការស្វែងរកការអភិវឌ្ឍរួមរបស់ប្រទេសទាំងពីរ ពិតជាផ្តល់ផលប្រយោជន៍យ៉ាងសំខាន់មិនត្រឹមតែសម្រាប់ប្រទេសទាំងពីរ និងប្រជាជនទាំងពីរនោះទេ ក៏ប៉ុន្តែក៏សម្រាប់តំបន់ និងពិភពលោកផងដែរ » ។ លោកនាយករដ្ឋមន្ត្រី បានបន្ថែមយ៉ាងដូច្នេះ ។
លោកប្រធានាធិបតី ចូកូវី បានមើលឃើញ ការណ៍ ដែលជ្រើសរើសឥណ្ឌូណេស៊ី ជាប្រទេសទីមួយ នៃដំណើរទស្សនកិច្ចក្រៅប្រទេសប្រចាំតំបន់ នៃគណៈរដ្ឋមន្ត្រីថ្មីរបស់លោក លី គឺជារឿងលើកមុខមាត់មួយរបស់ឥណ្ឌូណេស៊ី ក្នុងទំនាក់ទំនងការបរទេសជាមួយនឹងចិន ។ លោកប្រធានាធិបតី ក៏បានលើកឡើងស្រដៀងគ្នាពាក់ព័ន្ធការចូលរួមចំណែកដ៏ធំរបស់តាមរយៈកិច្ចសហប្រតិបត្តិការទ្វេភាគីនៃប្រទេសទាំងពីរទៅកាន់ពិភពលោកផងដែរ ។
គួរជម្រាបផងដែរថា ចិន និង ឥណ្ឌូណេស៊ី បានក្លាយជាដៃគូយុទ្ធសាស្ត្រគ្រប់ជ្រុងជ្រោយជាមួយនឹងគ្នាអស់រយៈពេល ៥ ឆ្នាំមកហើយ ។ ឥណ្ឌូណេស៊ី មិនសូវជាមានរឿងប្រឈមមុខគ្នាខ្លាំង ដូចបណ្តាប្រទេសអាស៊ានមួយចំនួនដូចជា វៀតណាម និង ហ្វីលីពីន ជាមួយនឹងចិនប៉ុន្មាននោះទេ ៕
នាជំនួបផ្លូវការនៅក្រុងបូហ្គូរ នៃប្រទេសឥណ្ឌូណេស៊ី លោកនាយករដ្ឋមន្ត្រី លី នៅថ្ងៃ៧ ឧសភា បានថ្លែងពីការប្តេជ្ញាចិត្តរបស់ចិននៅចំពោះមុខលោកប្រធានាធិបតី ចូកូវី ក្នុងការរក្សាទំនាក់ទំនងក្នុងសហប្រតិបត្តិការភាពដៃគូយុទ្ធសាស្ត្រគ្រប់ជ្រុងជ្រោយ និងសន្យាបង្កើតការអភិវឌ្ឍរួមគ្នាឲ្យកាន់តែល្អប្រសើរទៅមុខបន្ថែមទៀត ។
តាមការចុះផ្សាយរបស់ភ្នាក់ងារព័ត៌មានចិន Xinhua លោកនាយករដ្ឋមន្ត្រីចិនរូបនេះ បានហៅឥណ្ឌូណេស៊ី ថាជាប្រទេសជិតខាងដ៏សំខាន់ និងក៏ដូចជាគូដៃសហប្រតិបត្តិការដ៏ល្អរបស់ចិន ដែលមានផលប្រយោជន៍រួមគ្នាជាច្រើន ។ តាមការបញ្ជាក់របស់លោក លី តាមរយៈជំនួបនេះ មេដឹកនាំទាំងពីរ បានផ្តោតសំខាន់ពីការទុកចិត្តផ្នែកនយោបាយ និងសម្រេចបានកិច្ចសហប្រតិបត្តិមួយកម្រិតទៀត ។
«ចិន និងឥណ្ឌូណេស៊ី គឺជាប្រទេសកំពុងអភិវឌ្ឍចម្បង និងក៏ជាប្រទេស ដែលសំខាន់នៅក្នុងតំបន់ ហើយការចូលរួមដៃគ្នាក្នុងការស្វែងរកការអភិវឌ្ឍរួមរបស់ប្រទេសទាំងពីរ ពិតជាផ្តល់ផលប្រយោជន៍យ៉ាងសំខាន់មិនត្រឹមតែសម្រាប់ប្រទេសទាំងពីរ និងប្រជាជនទាំងពីរនោះទេ ក៏ប៉ុន្តែក៏សម្រាប់តំបន់ និងពិភពលោកផងដែរ » ។ លោកនាយករដ្ឋមន្ត្រី បានបន្ថែមយ៉ាងដូច្នេះ ។
លោកប្រធានាធិបតី ចូកូវី បានមើលឃើញ ការណ៍ ដែលជ្រើសរើសឥណ្ឌូណេស៊ី ជាប្រទេសទីមួយ នៃដំណើរទស្សនកិច្ចក្រៅប្រទេសប្រចាំតំបន់ នៃគណៈរដ្ឋមន្ត្រីថ្មីរបស់លោក លី គឺជារឿងលើកមុខមាត់មួយរបស់ឥណ្ឌូណេស៊ី ក្នុងទំនាក់ទំនងការបរទេសជាមួយនឹងចិន ។ លោកប្រធានាធិបតី ក៏បានលើកឡើងស្រដៀងគ្នាពាក់ព័ន្ធការចូលរួមចំណែកដ៏ធំរបស់តាមរយៈកិច្ចសហប្រតិបត្តិការទ្វេភាគីនៃប្រទេសទាំងពីរទៅកាន់ពិភពលោកផងដែរ ។
គួរជម្រាបផងដែរថា ចិន និង ឥណ្ឌូណេស៊ី បានក្លាយជាដៃគូយុទ្ធសាស្ត្រគ្រប់ជ្រុងជ្រោយជាមួយនឹងគ្នាអស់រយៈពេល ៥ ឆ្នាំមកហើយ ។ ឥណ្ឌូណេស៊ី មិនសូវជាមានរឿងប្រឈមមុខគ្នាខ្លាំង ដូចបណ្តាប្រទេសអាស៊ានមួយចំនួនដូចជា វៀតណាម និង ហ្វីលីពីន ជាមួយនឹងចិនប៉ុន្មាននោះទេ ៕
Tag:
ចិន
ឥណ្ឌូណេស៊ី
អាស៊ាន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 15 ម៉ោង
