លោក David Wagner អ្នកចាត់ការទូទៅក្រុម Huddersfield Town បានផ្តល់សិទ្ធិឲ្យកីឡាករទាំងអស់ អាចផឹកស្រាបាន បន្ទាប់ពីពួកគេបានជួយក្រុមអាចបន្តឈរជើងនៅក្របខណ្ឌ Premier League សម្រាប់រដូវកាលក្រោយ។ នេះបើតាមការផ្សាយរបស់ DailyMail។
Huddersfield ដែលប្រកួតស្មើជាមួយ Chelsea ក្នុងលទ្ធផល ១-១ នៃការប្រកួតក្របខណ្ឌកំពូលអង់គ្លេសសប្តាហ៍ទី៣៧ អាចរួចផុតពីតំបន់ត្រូវកាត់ចោល ដោយឈរនៅចំណាត់ថ្នាក់ទី១៦ មាន៣៧ពិន្ទុ នាំមុខ Swansea City ដែលស្ថិតនៅលេខរៀងទី១៨ ចំនួន ៤ពិន្ទុ ខណៈសល់១ប្រកួតប៉ុណ្ណោះនឹងត្រូវបញ្ចប់រដូវកាល ២០១៧-២០១៨។