អន្តរជាតិ
លោក ត្រាំ ចេញទៅស្វាគមន៍ជនជាតិអាមេរិកបីនាក់ដែលត្រូវកូរ៉េខាងជើងដោះលែង ដោយផ្ទាល់
លោក ដូណាល់ ត្រាំ ស្វាគមន៍ជនជាតិអាមេរិកដែលកូរ៉េខាងជើងដោះលែង (រូបភាព AFP)
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ នៅព្រឹកថ្ងៃទី១០ ខែឧសភា បានទៅស្វាគមន៍ដោយផ្ទាល់ជនជាតិអាមេរិកបីនាក់ដែលត្រូវបានកូរ៉េខាងជើងដោះលែង។ ការដោះលែងនេះជាកាយវិការថ្មីទៀតរបស់កូរ៉េខាងជើង និងជាការលុបចោលឧបសគ្គរាំងស្ទះនៅមុនជំនួបរវាងលោក ត្រាំ និងមេដឹកនាំកំពូលកូរ៉េខាងជើង គីម ជុងអ៊ុន ដែលទីតាំង និងថ្ងៃជួបគ្នា ត្រូវបានកំណត់រួចអស់ហើយនោះ។
ជនជាតិអាមេរិកទាំងបីដែលត្រូវបានរបបដឹកនាំក្រុងព្យុងយ៉ាងលើកលែងទោសមានឈ្មោះដូចជា Kim Dong-chul, Kim Sang-duk និង Kim Hak-song ។ អ្នកទាំងបីបានធ្វើដំណើរត្រឡប់ទៅកាន់អាមេរិកវិញ ជាមួយរដ្ឋមន្ត្រីការបរទេស Mike Pompeo ដែលបានធ្វើទស្សនកិច្ចនៅកូរ៉េខាងជើង។ មេដឹកនាំកូរ៉េខាងជើង គីម ជុងអ៊ុន បានលើកលែងទោសឲ្យអ្នកទាំងបីនេះតាមសំណើរបស់លោក ត្រាំ ក្នុងន័យត្រួសត្រាយផ្លូវសម្រាប់ជំនួបខាងមុខ។
ប្រធានាធិបតីអាមេរិក ដូណាល់ ត្រាំ និងស្ត្រីទីមួយ បានទៅកាន់មូលដ្ឋាន Joint Base Andrews នៅក្បែរដ្ឋធានីវ៉ាស៊ីនតោននៅព្រឹកថ្ងៃទី១០ ខែឧសភា ដើម្បីទទួលជនជាតិអាមេរិកទាំងបីនាក់នេះ។ លោក ត្រាំ និយាយថា វាជាយប់ដ៏ពិសេសសម្រាប់ជនជាតិអាមេរិកទាំងបីនាក់ ហើយបានសរសើរលោក គីម ដែលបានដោះលែងពួកគេទាំងបី។ ប្រធានាធិបតីអាមេរិកក៏ស្ទើរមិនជឿថា រឿងនេះអាចកើតឡើងបានដែរ។
លោក Kim Hak-song ត្រូវបានចាប់ខ្លួននៅខែឧសភា ឆ្នាំ២០១៧ ក្រោមបទចោទថាប្រព្រឹត្តអំពើអរិភាពប្រឆាំងរដ្ឋ។ ឯលោក Kim Sang-duk វិញត្រូវចាប់ខ្លួននៅខែមេសា ឆ្នាំ២០១៧ ដែរ ក្រោមហេតុផលធ្វើចារកម្មនៅកូរ៉េខាងជើង។ សារព័ត៌មានកូរ៉េខាងត្បូងផ្សាយថា ជនជាតិអាមេរិករូបនេះធ្វើការផ្នែកមនុស្សធម៌នៅកូរ៉េខាងជើង។ ចំណែលោក Kim Dong-chul ត្រូវចាប់ខ្លួននៅឆ្នាំ២០១៥ ដោយរងការចោទពីបទស៊ើបការណ៍សម្ងាត់។
យ៉ាងណាមិញ លោក ត្រាំ មិនចាត់ទុកការវិលត្រឡប់របស់ជនជាតិអាមេរិកទាំងបីនាក់នេះ ជាសមិទ្ធផលធំធេងរបស់លោកឡើយ។ បើតាមសារព័ត៌មាន BBC ប្រមុខរដ្ឋអាមេរិករូបនេះបញ្ជាក់ថា នេះជាកិត្តិយសអស្ចារ្យ ប៉ុន្តែកិត្តិយសពិតប្រាកដ គឺអាមេរិកជោគជ័យក្នុងការលុបបំបាត់នុយក្លេអ៊ែរទៅវិញទេ។ លោកសង្ឃឹមថា អាចធ្វើដំណើរផ្ទាល់ទៅកាន់កូរ៉េខាងជើងនៅថ្ងៃណាមួយ ហើយថា លោក គីម នឹងនាំកូរ៉េខាងជើងចូលរួមក្នុងពិភពលោកជាមួយគេឯងដែរ។
សម្រាប់ជំនួបប្រវត្តិសាស្ត្រជាមួយមេដឹកនាំកូរ៉េខាងជើងវិញ លោក ត្រាំ បានលើកឡើងថា ពេលវេលា និងទីកន្លែងជំនួបបានកំណត់ស្រេចបាច់ហើយ តែមិនអាចទាន់ប្រកាសឡើយ។ ចំពោះទីតាំងជំនួបវិញ លោក ត្រាំ បានសម្រេចចិត្តមិនយកតំបន់គ្មានកងទ័ព (DMZ) ដែលខណ្ឌចែកកូរ៉េទាំងពីរឡើយ។ ការណ៍នេះធ្វើឲ្យរដ្ឋអាស៊ានសិង្ហបុរីក្លាយជាបេក្ខភាពមានភាគរយខ្ពស់ក្នុងការរៀបចំជំនួបលោក ត្រាំ និងលោក គីម ៕
ជនជាតិអាមេរិកទាំងបីដែលត្រូវបានរបបដឹកនាំក្រុងព្យុងយ៉ាងលើកលែងទោសមានឈ្មោះដូចជា Kim Dong-chul, Kim Sang-duk និង Kim Hak-song ។ អ្នកទាំងបីបានធ្វើដំណើរត្រឡប់ទៅកាន់អាមេរិកវិញ ជាមួយរដ្ឋមន្ត្រីការបរទេស Mike Pompeo ដែលបានធ្វើទស្សនកិច្ចនៅកូរ៉េខាងជើង។ មេដឹកនាំកូរ៉េខាងជើង គីម ជុងអ៊ុន បានលើកលែងទោសឲ្យអ្នកទាំងបីនេះតាមសំណើរបស់លោក ត្រាំ ក្នុងន័យត្រួសត្រាយផ្លូវសម្រាប់ជំនួបខាងមុខ។
ប្រធានាធិបតីអាមេរិក ដូណាល់ ត្រាំ និងស្ត្រីទីមួយ បានទៅកាន់មូលដ្ឋាន Joint Base Andrews នៅក្បែរដ្ឋធានីវ៉ាស៊ីនតោននៅព្រឹកថ្ងៃទី១០ ខែឧសភា ដើម្បីទទួលជនជាតិអាមេរិកទាំងបីនាក់នេះ។ លោក ត្រាំ និយាយថា វាជាយប់ដ៏ពិសេសសម្រាប់ជនជាតិអាមេរិកទាំងបីនាក់ ហើយបានសរសើរលោក គីម ដែលបានដោះលែងពួកគេទាំងបី។ ប្រធានាធិបតីអាមេរិកក៏ស្ទើរមិនជឿថា រឿងនេះអាចកើតឡើងបានដែរ។
លោក Kim Hak-song ត្រូវបានចាប់ខ្លួននៅខែឧសភា ឆ្នាំ២០១៧ ក្រោមបទចោទថាប្រព្រឹត្តអំពើអរិភាពប្រឆាំងរដ្ឋ។ ឯលោក Kim Sang-duk វិញត្រូវចាប់ខ្លួននៅខែមេសា ឆ្នាំ២០១៧ ដែរ ក្រោមហេតុផលធ្វើចារកម្មនៅកូរ៉េខាងជើង។ សារព័ត៌មានកូរ៉េខាងត្បូងផ្សាយថា ជនជាតិអាមេរិករូបនេះធ្វើការផ្នែកមនុស្សធម៌នៅកូរ៉េខាងជើង។ ចំណែលោក Kim Dong-chul ត្រូវចាប់ខ្លួននៅឆ្នាំ២០១៥ ដោយរងការចោទពីបទស៊ើបការណ៍សម្ងាត់។
យ៉ាងណាមិញ លោក ត្រាំ មិនចាត់ទុកការវិលត្រឡប់របស់ជនជាតិអាមេរិកទាំងបីនាក់នេះ ជាសមិទ្ធផលធំធេងរបស់លោកឡើយ។ បើតាមសារព័ត៌មាន BBC ប្រមុខរដ្ឋអាមេរិករូបនេះបញ្ជាក់ថា នេះជាកិត្តិយសអស្ចារ្យ ប៉ុន្តែកិត្តិយសពិតប្រាកដ គឺអាមេរិកជោគជ័យក្នុងការលុបបំបាត់នុយក្លេអ៊ែរទៅវិញទេ។ លោកសង្ឃឹមថា អាចធ្វើដំណើរផ្ទាល់ទៅកាន់កូរ៉េខាងជើងនៅថ្ងៃណាមួយ ហើយថា លោក គីម នឹងនាំកូរ៉េខាងជើងចូលរួមក្នុងពិភពលោកជាមួយគេឯងដែរ។
សម្រាប់ជំនួបប្រវត្តិសាស្ត្រជាមួយមេដឹកនាំកូរ៉េខាងជើងវិញ លោក ត្រាំ បានលើកឡើងថា ពេលវេលា និងទីកន្លែងជំនួបបានកំណត់ស្រេចបាច់ហើយ តែមិនអាចទាន់ប្រកាសឡើយ។ ចំពោះទីតាំងជំនួបវិញ លោក ត្រាំ បានសម្រេចចិត្តមិនយកតំបន់គ្មានកងទ័ព (DMZ) ដែលខណ្ឌចែកកូរ៉េទាំងពីរឡើយ។ ការណ៍នេះធ្វើឲ្យរដ្ឋអាស៊ានសិង្ហបុរីក្លាយជាបេក្ខភាពមានភាគរយខ្ពស់ក្នុងការរៀបចំជំនួបលោក ត្រាំ និងលោក គីម ៕
Tag:
អាមេរិក
កូរ៉េខាងជើង
ដូណាល់ ត្រាំ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
