អន្តរជាតិ
មហាធៀ ត្រូវសុំ មហាក្សត្រលើកលែងទោសលោក អាន់វ៉ា និងឈានទៅផ្ទេរតំណែង ក្រោយបង្កើតរដ្ឋាភិបាលថ្មី
×![]()
ក្រោយឈ្នះឆ្នោតសភានីតិកាលទី ១៤ លោក មហាធៀ មហាម៉ាត់ មេដឹកនាំសម្ព័ន្ធបក្សប្រឆាំង Pakatan Harapan ត្រៀមស្បថជានាយករដ្ឋមន្ត្រីម៉ាឡេស៊ីទី ៧ ។ រឿងសំខាន់ដែលលោកត្រូវធ្វើបន្តទៀត គឺសុំឲ្យមហាក្សត្រម៉ាឡេស៊ីលើកលែងទោសសត្រូវចាស់លោក អាន់វ៉ា អ៊ីប្រាហ៊ីម និងផ្ទេរអំណាចឲ្យលោកធ្វើជានាយករដ្ឋមន្ត្រីម្តង។ ប៉ុន្តែលោក មហាធៀ ប្រហែលនឹងដឹកនាំរដ្ឋាភិបាលដើម្បីដោះស្រាយបញ្ហាប្រឈមមួយចំនួនសិន ហើយខាងសម្ព័ន្ធបក្សកាន់អំណាចបញ្ជាក់ថា ការកាន់កាប់កៅអីនាយករដ្ឋមន្ត្រីនេះអាចមានរយៈពេលយ៉ាងយូរបំផុតត្រឹមពីរឆ្នាំ។
មេសម្ព័ន្ធបក្សប្រឆាំងលោក មហាធៀ បានប្រកាសជាថ្មីនៅថ្ងៃ ១០ ខែឧសភា ថា រដ្ឋាភិបាលថ្មីរបស់លោកនឹងស្នើសុំព្រះមហាក្សត្រឲ្យលើកលែងទោសដល់លោក អាន់វ៉ា ដែលកំពុងជាប់ពន្ធនាគារដោយសារសំណុំរឿងរួមភេទជាមួយមនុស្សប្រុសដូចគ្នានោះ។
មុនបង្កើនសម្ព័ន្ធភាពបក្សប្រឆាំង លោក មហាធៀ បានសន្យាហើយថា លោកនឹងផ្ទេរតំណែងឲ្យលោក អាន់វ៉ា វិញពេលចេញពីពន្ធនាគារនោះ។ ប៉ុន្តែលោកក៏បានពន្យល់ផងថា លោកត្រូវការពេលវេលាខ្លះដើម្បីដោះស្រាយបញ្ហាប្រឈមក្នុងនយោបាយម៉ាឡេស៊ី ព្រោះលោកមានបទពិសោធន៍ស្រាប់។
តាមពិតទៅ លោក អាន់វ៉ា នឹងត្រូវដោះលែងនៅថ្ងៃទី ១០ ខែមិថុនាខាងមុខ ដោយសារលោកជាប់ពន្ធនាគារអស់រយៈពេលមួយភាគបីនៃទោសសរុបហើយនោះ។ នេះជាការអះអាងរបស់ នាយកដ្ឋានពន្ធនាគារម៉ាឡេស៊ី កាលពីខែមីនាកន្លងមក។
លោក មហាធៀ ធ្លាប់ជាមេដឹកនាំគណបក្សកាន់អំណាច UMNO បន្តែលោកសម្រេចដើរចេញពីបក្សនេះដើម្បីទៅបង្កើតបក្សថ្មី ក្រោយពេលលោកមានជម្លោះជាមួយនាយករដ្ឋមន្ត្រី ណាជីប រ៉ាហ្សាក់។ បក្សថ្មីដែលលោកបង្កើតឡើងនោះមានឈ្មោះ ហើយលោកបានទៅចាប់ដៃជាមួយសត្រូវចាស់មេបក្សប្រឆាំងរបស់លោក អាន់វ៉ា អ៊ីប្រាហ៊ីម។
លោក អាន់វ៉ា ធ្លាប់ជាអតីតឧបនាយករដ្ឋមន្ត្រីក្រោមអាណត្តិលោក មហាធៀ។ លោកត្រូវបានលោក មហាធៀ បណ្តេញចេញពីតំណែងឆ្នាំ ១៩៩៨ ហើយក្រោយមកត្រូវបានគេចាប់ដាក់ពន្ធនាគារដោយសារបទល្មើសរួមភេទជាមួយមនុស្សប្រុសដូចគ្នាថែមទៀត។ លោកត្រូវបានគេចាប់ដាក់ពន្ធនាគារម្តងទៀតកាលពីឆ្នាំ ២០១៥ ដោយលោករងការចោទប្រកាន់ជាថ្មីពាក់ព័ន្ធការរួមភេទជាមួយមនុស្សប្រុសដូចគ្នាទៀត ពេលលោក ណាជីប ធ្វើជានាយករដ្ឋមន្ត្រី។ លោក អាន់វ៉ា ហៅការចាប់ខ្លួនលោកថាជារឿងនយោបាយសុទ្ធសាធ។
១.លោក អាន់វ៉ា ត្រូវចាំប្រហែលពីរឆ្នាំ ដើម្បីទទួលតំណែងនាយករដ្ឋមន្ត្រីពីលោក មហាធៀ
ទាក់ទិននឹងពេលវេលានៃការកាន់អំណាចនេះ បើតាមសារព័ត៌មានអង់គ្លេស The Guardian សម្ព័ន្ធបក្សប្រឆាំង Pakatan Harapan បានបញ្ជាក់ថា លោក មហាធៀ នឹងនៅក្នុងតំណែងជានាយករដ្ឋមន្ត្រីសម្រាប់រយៈពេលយូរបំផុតពីរឆ្នាំ។
ប៉ុន្តែសម្រាប់លោក មហាធៀ ខ្លួនឯងយល់ថា រយៈពេលនេះអាចអាស្រ័យតាមស្ថានភាពជាក់ស្តែង។ លោក មហាធៀ បានពន្យល់កាលពីដើមខែឧសភាកន្លងទៅដែរថា ការសុំឲ្យមហាក្សត្រលើកលែងទោសមិនមែនជារឿងលំបាកទេ ប៉ុន្តែក្នុងនាមជាអតីតនាយករដ្ឋមន្ត្រី លោកសុំពេលដោះស្រាយបញ្ហាសំខាន់ៗមួយចំនួនសិនមុនចុះចេញ។
«វាមិនចំណាយពេលយូរទេសម្រាប់ការលើកលែងទោសលោក អាន់វ៉ា ប៉ុន្តែខ្ញុំត្រូវការពេលដើម្បីកាន់តំណែង អាចពីរឆ្នាំ ឬបីឆ្នាំ ព្រោះវាមានរឿងច្រើនដែលខ្ញុំត្រូវធ្វើ ហើយបទពិសោធន៍ខ្ញុំអាចជួយបានច្រើនដែរ»។ នេះជាការបញ្ជាក់របស់នាយករដ្ឋមន្ត្រីម៉ាឡេស៊ីថ្មីមានវ័យ ៩២ឆ្នាំនេះ។
តាមពិតទៅរឿងសំខាន់ដែលរដ្ឋាភិបាលថ្មីរបស់លោក មហាធៀ ត្រូវធ្វើនោះគឺកែទ្រង់ស្ថាប័ននយោបាយ ដោះស្រាយបញ្ហាកង្វល់សង្គម និង ស្តារឡើងវិញនូវនីតិរដ្ឋដែលបាត់បង់អស់ជាច្រើនឆ្នាំក្នុងសង្គមម៉ាឡេស៊ីនេះ។ លោក មហាធៀ សន្យាទាមទារយកលុយរដ្ឋដែលត្រូវគេលួចក្រោមសំណុំរឿងពុករលួយ 1MDB និងកាត់ទោសអ្នកពាក់ព័ន្ធផងរួមទាំងនាយករដ្ឋមន្រី្ត ណាជីប រ៉ាហ្សាក់ បើសិនជារកឃើញថា មានកំហុសមែននោះ។
២.រដ្ឋាភិបាលថ្មីមិនសងសឹកអ្នកណាទេ តែអ្នកធ្វើខុសច្បាប់ត្រូវកាត់ទោស
មហាធៀ ថ្លែងប្រាប់ប្រជាជនថា រដ្ឋាភិបាលថ្មីរបស់លោកនឹងមិនស្វែងរកការសងសឹកចំពោះអ្នកណាមួយទេ ប៉ុន្តែលោកនឹងប្រឹងស្តារឡើងវិញនូវគោលការណ៍នីតិរដ្ឋដែលត្រូវបំផ្លាញចោលដោយរដ្ឋាភិបាលមុន។ លោកសំដៅលើរដ្ឋាភិបាលលោក ណាជីប ដែលកាន់អំណាចចាប់ពីឆ្នាំ ២០០៨ មកនេះ។
«យើងមិនសងសឹកអ្នកណាទេ ប៉ុន្តែអ្វីដែលយើងចង់បានគឺ ស្តារនីតិរដ្ឋ»។ នេះជាសម្តីរបស់លោក មហាធៀ។
លោកបន្តថា វាជារឿងធម្មតាដែលអ្នកណាធ្វើខុសច្បាប់ អ្នកនោះត្រូវទទួលទោសនោះ។ «ប្រសិនយើងឃើញថា គាត់បំពានច្បាប់ និងកេងប្រវ័ញ្ចលុយ ដូចភស្តុតាងបង្ហាញមែននោះ យើងនឹងធានាថា គាត់នឹងត្រូវប្រឈមមុខការចោទប្រកាន់ចំពោះមុខច្បាប់។ បើសិន គេរកឃើញថា ណាជីប ធ្វើខុសមែននោះ នីតិវិធីចោទប្រកាន់នឹងត្រូវដំណើរការធម្មតា»។
បើទោះបីជាលោក មហាធៀ និយាយច្រើនពីបំណងលោកក្នុងការស្តារនីតិរដ្ឋក្នុងប្រទេសក៏ដោយ លោកខ្លួនឯងមិនមានប្រវត្តិល្អប៉ុន្មានដែររឿងគោរព ឬការពារគោលការណ៍នីតិរដ្ឋនេះ។ ក្នុងពេលកាន់តំណែងជានាយករដ្ឋមន្ត្រីពីឆ្នាំ ១៩៨១ ដល់ឆ្នាំ ២០០៣ លោកបានដកហូតតំណែងប្រធានតុលាការកំពូល និងចៅក្រមពីររូបផ្សេងទៀតផង។ ក្រៅពីមានឥទ្ធិពលខ្លាំងលើប្រព័ន្ធយុត្តិធម៌ លោកក៏ប្រើប្រាស់អំណាចជានាយករដ្ឋមន្ត្រីចាប់ចង ឬដាក់គុកអ្នកនយោបាយប្រឆាំង ហាមចលនាបាតុកម្ម និង បិទមាត់អ្នករិះគន់ដោយការប្រើប្រាស់ច្បាប់ផងដែរ៕
មេសម្ព័ន្ធបក្សប្រឆាំងលោក មហាធៀ បានប្រកាសជាថ្មីនៅថ្ងៃ ១០ ខែឧសភា ថា រដ្ឋាភិបាលថ្មីរបស់លោកនឹងស្នើសុំព្រះមហាក្សត្រឲ្យលើកលែងទោសដល់លោក អាន់វ៉ា ដែលកំពុងជាប់ពន្ធនាគារដោយសារសំណុំរឿងរួមភេទជាមួយមនុស្សប្រុសដូចគ្នានោះ។
មុនបង្កើនសម្ព័ន្ធភាពបក្សប្រឆាំង លោក មហាធៀ បានសន្យាហើយថា លោកនឹងផ្ទេរតំណែងឲ្យលោក អាន់វ៉ា វិញពេលចេញពីពន្ធនាគារនោះ។ ប៉ុន្តែលោកក៏បានពន្យល់ផងថា លោកត្រូវការពេលវេលាខ្លះដើម្បីដោះស្រាយបញ្ហាប្រឈមក្នុងនយោបាយម៉ាឡេស៊ី ព្រោះលោកមានបទពិសោធន៍ស្រាប់។
តាមពិតទៅ លោក អាន់វ៉ា នឹងត្រូវដោះលែងនៅថ្ងៃទី ១០ ខែមិថុនាខាងមុខ ដោយសារលោកជាប់ពន្ធនាគារអស់រយៈពេលមួយភាគបីនៃទោសសរុបហើយនោះ។ នេះជាការអះអាងរបស់ នាយកដ្ឋានពន្ធនាគារម៉ាឡេស៊ី កាលពីខែមីនាកន្លងមក។
អត្ថបទទាក់ទង
លោក មហាធៀ ធ្លាប់ជាមេដឹកនាំគណបក្សកាន់អំណាច UMNO បន្តែលោកសម្រេចដើរចេញពីបក្សនេះដើម្បីទៅបង្កើតបក្សថ្មី ក្រោយពេលលោកមានជម្លោះជាមួយនាយករដ្ឋមន្ត្រី ណាជីប រ៉ាហ្សាក់។ បក្សថ្មីដែលលោកបង្កើតឡើងនោះមានឈ្មោះ ហើយលោកបានទៅចាប់ដៃជាមួយសត្រូវចាស់មេបក្សប្រឆាំងរបស់លោក អាន់វ៉ា អ៊ីប្រាហ៊ីម។
លោក អាន់វ៉ា ធ្លាប់ជាអតីតឧបនាយករដ្ឋមន្ត្រីក្រោមអាណត្តិលោក មហាធៀ។ លោកត្រូវបានលោក មហាធៀ បណ្តេញចេញពីតំណែងឆ្នាំ ១៩៩៨ ហើយក្រោយមកត្រូវបានគេចាប់ដាក់ពន្ធនាគារដោយសារបទល្មើសរួមភេទជាមួយមនុស្សប្រុសដូចគ្នាថែមទៀត។ លោកត្រូវបានគេចាប់ដាក់ពន្ធនាគារម្តងទៀតកាលពីឆ្នាំ ២០១៥ ដោយលោករងការចោទប្រកាន់ជាថ្មីពាក់ព័ន្ធការរួមភេទជាមួយមនុស្សប្រុសដូចគ្នាទៀត ពេលលោក ណាជីប ធ្វើជានាយករដ្ឋមន្ត្រី។ លោក អាន់វ៉ា ហៅការចាប់ខ្លួនលោកថាជារឿងនយោបាយសុទ្ធសាធ។
១.លោក អាន់វ៉ា ត្រូវចាំប្រហែលពីរឆ្នាំ ដើម្បីទទួលតំណែងនាយករដ្ឋមន្ត្រីពីលោក មហាធៀ
ទាក់ទិននឹងពេលវេលានៃការកាន់អំណាចនេះ បើតាមសារព័ត៌មានអង់គ្លេស The Guardian សម្ព័ន្ធបក្សប្រឆាំង Pakatan Harapan បានបញ្ជាក់ថា លោក មហាធៀ នឹងនៅក្នុងតំណែងជានាយករដ្ឋមន្ត្រីសម្រាប់រយៈពេលយូរបំផុតពីរឆ្នាំ។
ប៉ុន្តែសម្រាប់លោក មហាធៀ ខ្លួនឯងយល់ថា រយៈពេលនេះអាចអាស្រ័យតាមស្ថានភាពជាក់ស្តែង។ លោក មហាធៀ បានពន្យល់កាលពីដើមខែឧសភាកន្លងទៅដែរថា ការសុំឲ្យមហាក្សត្រលើកលែងទោសមិនមែនជារឿងលំបាកទេ ប៉ុន្តែក្នុងនាមជាអតីតនាយករដ្ឋមន្ត្រី លោកសុំពេលដោះស្រាយបញ្ហាសំខាន់ៗមួយចំនួនសិនមុនចុះចេញ។
«វាមិនចំណាយពេលយូរទេសម្រាប់ការលើកលែងទោសលោក អាន់វ៉ា ប៉ុន្តែខ្ញុំត្រូវការពេលដើម្បីកាន់តំណែង អាចពីរឆ្នាំ ឬបីឆ្នាំ ព្រោះវាមានរឿងច្រើនដែលខ្ញុំត្រូវធ្វើ ហើយបទពិសោធន៍ខ្ញុំអាចជួយបានច្រើនដែរ»។ នេះជាការបញ្ជាក់របស់នាយករដ្ឋមន្ត្រីម៉ាឡេស៊ីថ្មីមានវ័យ ៩២ឆ្នាំនេះ។
តាមពិតទៅរឿងសំខាន់ដែលរដ្ឋាភិបាលថ្មីរបស់លោក មហាធៀ ត្រូវធ្វើនោះគឺកែទ្រង់ស្ថាប័ននយោបាយ ដោះស្រាយបញ្ហាកង្វល់សង្គម និង ស្តារឡើងវិញនូវនីតិរដ្ឋដែលបាត់បង់អស់ជាច្រើនឆ្នាំក្នុងសង្គមម៉ាឡេស៊ីនេះ។ លោក មហាធៀ សន្យាទាមទារយកលុយរដ្ឋដែលត្រូវគេលួចក្រោមសំណុំរឿងពុករលួយ 1MDB និងកាត់ទោសអ្នកពាក់ព័ន្ធផងរួមទាំងនាយករដ្ឋមន្រី្ត ណាជីប រ៉ាហ្សាក់ បើសិនជារកឃើញថា មានកំហុសមែននោះ។
២.រដ្ឋាភិបាលថ្មីមិនសងសឹកអ្នកណាទេ តែអ្នកធ្វើខុសច្បាប់ត្រូវកាត់ទោស
មហាធៀ ថ្លែងប្រាប់ប្រជាជនថា រដ្ឋាភិបាលថ្មីរបស់លោកនឹងមិនស្វែងរកការសងសឹកចំពោះអ្នកណាមួយទេ ប៉ុន្តែលោកនឹងប្រឹងស្តារឡើងវិញនូវគោលការណ៍នីតិរដ្ឋដែលត្រូវបំផ្លាញចោលដោយរដ្ឋាភិបាលមុន។ លោកសំដៅលើរដ្ឋាភិបាលលោក ណាជីប ដែលកាន់អំណាចចាប់ពីឆ្នាំ ២០០៨ មកនេះ។
«យើងមិនសងសឹកអ្នកណាទេ ប៉ុន្តែអ្វីដែលយើងចង់បានគឺ ស្តារនីតិរដ្ឋ»។ នេះជាសម្តីរបស់លោក មហាធៀ។
លោកបន្តថា វាជារឿងធម្មតាដែលអ្នកណាធ្វើខុសច្បាប់ អ្នកនោះត្រូវទទួលទោសនោះ។ «ប្រសិនយើងឃើញថា គាត់បំពានច្បាប់ និងកេងប្រវ័ញ្ចលុយ ដូចភស្តុតាងបង្ហាញមែននោះ យើងនឹងធានាថា គាត់នឹងត្រូវប្រឈមមុខការចោទប្រកាន់ចំពោះមុខច្បាប់។ បើសិន គេរកឃើញថា ណាជីប ធ្វើខុសមែននោះ នីតិវិធីចោទប្រកាន់នឹងត្រូវដំណើរការធម្មតា»។
បើទោះបីជាលោក មហាធៀ និយាយច្រើនពីបំណងលោកក្នុងការស្តារនីតិរដ្ឋក្នុងប្រទេសក៏ដោយ លោកខ្លួនឯងមិនមានប្រវត្តិល្អប៉ុន្មានដែររឿងគោរព ឬការពារគោលការណ៍នីតិរដ្ឋនេះ។ ក្នុងពេលកាន់តំណែងជានាយករដ្ឋមន្ត្រីពីឆ្នាំ ១៩៨១ ដល់ឆ្នាំ ២០០៣ លោកបានដកហូតតំណែងប្រធានតុលាការកំពូល និងចៅក្រមពីររូបផ្សេងទៀតផង។ ក្រៅពីមានឥទ្ធិពលខ្លាំងលើប្រព័ន្ធយុត្តិធម៌ លោកក៏ប្រើប្រាស់អំណាចជានាយករដ្ឋមន្ត្រីចាប់ចង ឬដាក់គុកអ្នកនយោបាយប្រឆាំង ហាមចលនាបាតុកម្ម និង បិទមាត់អ្នករិះគន់ដោយការប្រើប្រាស់ច្បាប់ផងដែរ៕
Tag:
មហាធៀ មហាម៉ាត់
អាន់វ៉ា អ៊ីប្រាហ៊ីម
ណាជីប រ៉ាហ្សាក់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 23 ម៉ោង
