អន្តរជាតិ
បារាំង, រុស្ស៊ីទទូចឲ្យភាគីអត់ធ្មត់ ក្រោយទ័ពអ៊ីស្រាអែលវាយប្រហារទីតាំងយោធាអ៊ីរ៉ង់នៅស៊ីរី
×![]()
ដោយ: ថ្មីៗ
ថ្ងៃព្រហស្បតិ៍ទី ១០ ខែឧសភានេះ កងទ័ពអាកាសអ៊ីស្រាអែលវាយប្រហារលើទីតាំងយោធាអ៊ីរ៉ង់នៅក្នុងទឹកដីស៊ីរី ដើម្បីឆ្លើយតបនឹងការបាញ់ផ្លោងមីស៊ីលប្រហែល ២០ គ្រាប់ចេញពីស៊ីរី។ រុស្ស៊ីនិងបារាំងបានអំពាវនាវឲ្យភាគីពាក់ព័ន្ធរក្សាការអត់ធ្មត់ និងទប់ស្កាត់ការប្រឈមមុខគ្នានេះកុំឲ្យកាន់តែធ្ងន់ធ្ងរ។
រដ្ឋាភិបាលបារាំង និងរុស្ស៊ីបានចេញមុខទទូចឲ្យអ៊ីរ៉ង់ និងអ៊ីស្រាអែលបន្តអត់ធ្មត់ និងទប់ស្កាត់កុំឲ្យភាពតានតឹងនិងប្រឈមមុខគ្នាកាន់តែធ្ងន់ធ្ងរនៅពេលខាងមុខ។ ការអំពាវនាវនេះធ្វើឡើង ក្រោយពេលដែលកងទ័ពអាកាសអ៊ីស្រាអែលបើកការវាយប្រហារលើទីតាំងរបស់អ៊ីរ៉ង់នៅក្នុងទឹកដីស៊ីរី។
យោងតាមទីភ្នាក់ងារព័ត៌មាន AFP អនុរដ្ឋមន្ត្រីក្រសួងការបរទេស Mikhail Bogdanov បានថ្លែង៖ «យើងបានទាក់ទងទៅរាល់ភាគីពាក់ព័ន្ធហើយ ហើយយើងស្នើឲ្យភាគីឲ្យភាគីទាំងអស់អត់ធ្មត់។ រុស្ស៊ីបារម្ភណាស់ពីការវិវត្តនៃស្ថានភាពនេះ»។
ពាក់ព័ន្ធនឹងការវាយប្រហារលើទីតាំងយោធាអ៊ីរ៉ង់នេះ យោធាអ៊ីស្រាអែលបានអះអាងថា ខ្លួនបានកម្ទេចទីតាំងយោធារបស់អ៊ីរ៉ង់នៅស៊ីរីជាច្រើនកន្លែងនៅស៊ីរី ហើយវាជាការវាយប្រហារដ៏ធំបំផុតមួយលើទីតាំងរបស់អ៊ីរ៉ង់មិនធ្លាប់មានពីមុនដែរ។ ក្រសួងការពារជាតិរុស្ស៊ីបានអះអាងថា អ៊ីស្រាអែលប្រើប្រាស់យន្តហោះ ២៨ គ្រឿង និងប្រើមីស៊ីលចំនួន ៧០ គ្រាប់។
អ៊ីស្រាអែលក៏បានអះអាងផងដែរថា វាយប្រហារលើទីតាំងយោធាអ៊ីរ៉ង់ ក្រោយពេលដែលមីស៊ីលប្រហែល ២០គ្រាប់ហោះចេញពីទឹកដីស៊ីរីផ្លោងមកលើទីតាំងយោធាខ្លួននៅ ពាក់កណ្តាលយប់។
ដោយឡែក ប្រធានាធិបតីបារាំងលោក អេម៉ានុយអែល ម៉ាក្រុង ឯណោះវិញក៏បានចេញមុខអំពាវនាវឲ្យភាគីពាក់ព័ន្ធចៀសវាងរាល់សកម្មភាពបង្កបញ្ហា ហើយប្រឹងប្រែងធ្វើយ៉ាងណាបន្ថយការប្រឈមមុខគ្នានេះផង។
ការិយាល័យប្រធានាធិបតីបានបញ្ជាក់ថា ក្រៅពីអំពាវនាវទៅកាន់ភាគីពាក់ព័ន្ធ លោក ម៉ាក្រុង ក៏នឹងជជែកពិភាក្សាជាមួយអធិការបតីអាល្លឺម៉ង់លោកស្រី អេនជែឡា មឺហ្គែល ទៀតពីបញ្ហានេះនៅពេលលោកជួបមេដឹកនាំរូបនេះនៅ Aachen ភាគខាងលិចអាល្លឺម៉ង់នៅយប់ថ្ងៃ ១០ ខែឧសភានេះ។
តាមពិតទៅការប្រើប្រាស់សកម្មភាពយោធានេះ កើតឡើងប៉ុន្មានសប្តាហ៍ក្រោយពេលដែលភាពតានតឹងកើនឡើងនៅក្នុងតំបន់ ហើយវាក៏កើតឡើងក្រោយពេលដែលលោក ដូណាល់ ត្រាំ សម្រេចចិត្តដកអាមេរិកចេញពីកិច្ចព្រមព្រៀងអ៊ីរ៉ង់ឆ្នាំ ២០១៥ ។ ការសម្រេចចិត្តនេះក៏ជាអ្វីដែលអ៊ីស្រាអែលចង់បានយូរមកហើយដែរ៕
រដ្ឋាភិបាលបារាំង និងរុស្ស៊ីបានចេញមុខទទូចឲ្យអ៊ីរ៉ង់ និងអ៊ីស្រាអែលបន្តអត់ធ្មត់ និងទប់ស្កាត់កុំឲ្យភាពតានតឹងនិងប្រឈមមុខគ្នាកាន់តែធ្ងន់ធ្ងរនៅពេលខាងមុខ។ ការអំពាវនាវនេះធ្វើឡើង ក្រោយពេលដែលកងទ័ពអាកាសអ៊ីស្រាអែលបើកការវាយប្រហារលើទីតាំងរបស់អ៊ីរ៉ង់នៅក្នុងទឹកដីស៊ីរី។
យោងតាមទីភ្នាក់ងារព័ត៌មាន AFP អនុរដ្ឋមន្ត្រីក្រសួងការបរទេស Mikhail Bogdanov បានថ្លែង៖ «យើងបានទាក់ទងទៅរាល់ភាគីពាក់ព័ន្ធហើយ ហើយយើងស្នើឲ្យភាគីឲ្យភាគីទាំងអស់អត់ធ្មត់។ រុស្ស៊ីបារម្ភណាស់ពីការវិវត្តនៃស្ថានភាពនេះ»។
ពាក់ព័ន្ធនឹងការវាយប្រហារលើទីតាំងយោធាអ៊ីរ៉ង់នេះ យោធាអ៊ីស្រាអែលបានអះអាងថា ខ្លួនបានកម្ទេចទីតាំងយោធារបស់អ៊ីរ៉ង់នៅស៊ីរីជាច្រើនកន្លែងនៅស៊ីរី ហើយវាជាការវាយប្រហារដ៏ធំបំផុតមួយលើទីតាំងរបស់អ៊ីរ៉ង់មិនធ្លាប់មានពីមុនដែរ។ ក្រសួងការពារជាតិរុស្ស៊ីបានអះអាងថា អ៊ីស្រាអែលប្រើប្រាស់យន្តហោះ ២៨ គ្រឿង និងប្រើមីស៊ីលចំនួន ៧០ គ្រាប់។
អ៊ីស្រាអែលក៏បានអះអាងផងដែរថា វាយប្រហារលើទីតាំងយោធាអ៊ីរ៉ង់ ក្រោយពេលដែលមីស៊ីលប្រហែល ២០គ្រាប់ហោះចេញពីទឹកដីស៊ីរីផ្លោងមកលើទីតាំងយោធាខ្លួននៅ ពាក់កណ្តាលយប់។
ដោយឡែក ប្រធានាធិបតីបារាំងលោក អេម៉ានុយអែល ម៉ាក្រុង ឯណោះវិញក៏បានចេញមុខអំពាវនាវឲ្យភាគីពាក់ព័ន្ធចៀសវាងរាល់សកម្មភាពបង្កបញ្ហា ហើយប្រឹងប្រែងធ្វើយ៉ាងណាបន្ថយការប្រឈមមុខគ្នានេះផង។
ការិយាល័យប្រធានាធិបតីបានបញ្ជាក់ថា ក្រៅពីអំពាវនាវទៅកាន់ភាគីពាក់ព័ន្ធ លោក ម៉ាក្រុង ក៏នឹងជជែកពិភាក្សាជាមួយអធិការបតីអាល្លឺម៉ង់លោកស្រី អេនជែឡា មឺហ្គែល ទៀតពីបញ្ហានេះនៅពេលលោកជួបមេដឹកនាំរូបនេះនៅ Aachen ភាគខាងលិចអាល្លឺម៉ង់នៅយប់ថ្ងៃ ១០ ខែឧសភានេះ។
តាមពិតទៅការប្រើប្រាស់សកម្មភាពយោធានេះ កើតឡើងប៉ុន្មានសប្តាហ៍ក្រោយពេលដែលភាពតានតឹងកើនឡើងនៅក្នុងតំបន់ ហើយវាក៏កើតឡើងក្រោយពេលដែលលោក ដូណាល់ ត្រាំ សម្រេចចិត្តដកអាមេរិកចេញពីកិច្ចព្រមព្រៀងអ៊ីរ៉ង់ឆ្នាំ ២០១៥ ។ ការសម្រេចចិត្តនេះក៏ជាអ្វីដែលអ៊ីស្រាអែលចង់បានយូរមកហើយដែរ៕
Tag:
ស៊ីរី
បារាំង
រុស្ស៊ី
អេម៉ានុយអែល ម៉ាក្រុង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 19 ម៉ោង
