អន្តរជាតិ
នយោបាយអន្តរជាតិ
×![]()
ដោយ: ថ្មីៗ
លោក មហាធៀ មហាម៉ាត់ ស្បថចូលកាន់តំណែងជាផ្លូវការជានាយករដ្ឋមន្ត្រីទី ៧ របស់សហព័ន្ធម៉ាឡេស៊ីហើយនៅយប់ថ្ងៃ ១០ ខែឧសភានេះ ក្រោយពេលមហាក្សត្រស៊ុលតង់ មូហាម៉ាត់ទី៥ (Muhammad V) ផ្តល់សេចក្តីទុកចិត្តដល់លោកឲ្យបង្កើតរដ្ឋាភិបាលសហព័ន្ធថ្មីនោះ។ ស្ថិតក្នុងវ័យ ៩២ ឆ្នាំ លោកក្លាយជានាយករដ្ឋមន្ត្រីដែលជាប់ឆ្នោតចាស់ជាងគេលើពីភពលោក។
ពិធីស្បថចូលកាន់តំណែងនេះត្រូវបានធ្វើឡើងនៅរាជវាំងនាទីក្រុងកូឡាឡាំពួរ ហើយពេលដែលលោក មហាធៀ កំពុងស្បថចូលកាន់តំណែងនៅចំពោះមុខព្រះចៅស៊ុលតង់ មូហាម៉ាត់ទី ៥ ដែរនោះ គេឃើញមានការអបអរសាទរច្រើនកុះករនៅក្រៅរាជវាំងផងដែរដោយពួកគេកាន់ទង់ជ័យបក្សប្រឆាំង Pakatan Harapan ដែលលោក មហាធៀ ដឹកនាំផង។
លោក មហាធៀ ជាប់ឈ្មោះជានាយករដ្ឋមន្ត្រីដែលកាន់តំណែងយូរជាងគេរបស់ម៉ាឡេស៊ី ដោយលោកដឹកនាំរដ្ឋាភិបាលចាប់ពីឆ្នាំ ១៩៨១ ដល់ឆ្នាំ ២០០៣។ លោកធ្លាប់ជាសមាជិកបក្សកាន់អំណាច UMNO ប៉ុន្តែលោកសម្រេចចិត្តចាកចេញមកបង្កើតបក្សខ្លួនឯងនៅក្នុងឆ្នាំ ២០១៥ ដោយសារមានជម្លោះជាមួយលោក ណាជីប រ៉ាហ្សាក់ ដោយសារសំណុំរឿងពុករលួយ 1MDB។
ក្រោយមកលោកក៏សម្រេចចាប់ដៃសត្រូវចាស់លោក អាន់វ៉ា អ៊ីប្រាហ៊ីម ដើម្បីពង្រឹងសម្ព័ន្ធបក្សប្រឆាំងក្នុងបុព្វហេតុមួយគឺទម្លាក់លោក ណាជីប ពីតំណែង។ បំណងរបស់លោកមួយនេះក៏សម្រេចជោគជ័យក្នុងការបោះឆ្នោតសាកលលើកទី ១៤ ថ្ងៃពុធម្សិលមិញ។
គេឃើញនាយករដ្ឋមន្ត្រីសិង្ហបុរីលោក លី សៀន ឡុង បានចេញសារអបអរសាទរលោក មហាធៀ ភ្លាមៗដែរក្រោយពេលលោកស្បថចូលកាន់តំណែងជាផ្លូវការនោះ។ លោក លី បានជូនពរឲ្យលោក មហាធៀ និងថ្នាក់ដឹកនាំម៉ាឡេស៊ីទទួលជោគជ័យក្នុងភារកិច្ច និងត្រៀមជួប និងធ្វើការងារជាមួយលោក មហាធៀ នៅពេលឆាប់ៗខាងមុខនេះផង៕
ពិធីស្បថចូលកាន់តំណែងនេះត្រូវបានធ្វើឡើងនៅរាជវាំងនាទីក្រុងកូឡាឡាំពួរ ហើយពេលដែលលោក មហាធៀ កំពុងស្បថចូលកាន់តំណែងនៅចំពោះមុខព្រះចៅស៊ុលតង់ មូហាម៉ាត់ទី ៥ ដែរនោះ គេឃើញមានការអបអរសាទរច្រើនកុះករនៅក្រៅរាជវាំងផងដែរដោយពួកគេកាន់ទង់ជ័យបក្សប្រឆាំង Pakatan Harapan ដែលលោក មហាធៀ ដឹកនាំផង។
ការស្បថចូលកាន់តំណែងនេះធ្វើឡើង ក្រោយពេលដែលលោក ណាជីប រ៉ាហ្សាក់ មេដឹកនាំសម្ព័ន្ធបក្សកាន់អំណាច Barisan Nasional ប្រកាសទទួលស្គាល់លទ្ធផលបោះឆ្នោតដោយសម្ព័ន្ធបក្សប្រឆាំង និងបក្សសម្ព័ន្ធមិត្តឈ្នះបានអាសនៈសរុប ១២២ ក្នុងចំណោមអាសនៈ ២២២។ សម្ព័ន្ធបក្សកាន់អំណាចបានទទួលអាសនៈត្រឹម ៧៩ ប៉ុណ្ណោះ ខណៈដែលការបោះឆ្នោតឆ្នាំ ២០១៣ សម្ព័ន្ធនេះបានអាសនៈសរុប ១៣៣ឯណោះ។Mahathir Mohamad - live https://t.co/SHPput8X2J
— Dr Mahathir Mohamad (@chedetofficial) May 10, 2018
លោក មហាធៀ ជាប់ឈ្មោះជានាយករដ្ឋមន្ត្រីដែលកាន់តំណែងយូរជាងគេរបស់ម៉ាឡេស៊ី ដោយលោកដឹកនាំរដ្ឋាភិបាលចាប់ពីឆ្នាំ ១៩៨១ ដល់ឆ្នាំ ២០០៣។ លោកធ្លាប់ជាសមាជិកបក្សកាន់អំណាច UMNO ប៉ុន្តែលោកសម្រេចចិត្តចាកចេញមកបង្កើតបក្សខ្លួនឯងនៅក្នុងឆ្នាំ ២០១៥ ដោយសារមានជម្លោះជាមួយលោក ណាជីប រ៉ាហ្សាក់ ដោយសារសំណុំរឿងពុករលួយ 1MDB។
ក្រោយមកលោកក៏សម្រេចចាប់ដៃសត្រូវចាស់លោក អាន់វ៉ា អ៊ីប្រាហ៊ីម ដើម្បីពង្រឹងសម្ព័ន្ធបក្សប្រឆាំងក្នុងបុព្វហេតុមួយគឺទម្លាក់លោក ណាជីប ពីតំណែង។ បំណងរបស់លោកមួយនេះក៏សម្រេចជោគជ័យក្នុងការបោះឆ្នោតសាកលលើកទី ១៤ ថ្ងៃពុធម្សិលមិញ។
គេឃើញនាយករដ្ឋមន្ត្រីសិង្ហបុរីលោក លី សៀន ឡុង បានចេញសារអបអរសាទរលោក មហាធៀ ភ្លាមៗដែរក្រោយពេលលោកស្បថចូលកាន់តំណែងជាផ្លូវការនោះ។ លោក លី បានជូនពរឲ្យលោក មហាធៀ និងថ្នាក់ដឹកនាំម៉ាឡេស៊ីទទួលជោគជ័យក្នុងភារកិច្ច និងត្រៀមជួប និងធ្វើការងារជាមួយលោក មហាធៀ នៅពេលឆាប់ៗខាងមុខនេះផង៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
