តុលាការ ចោទស្ត្រីដែលប្រើទារុណកម្មលើក្មេងស្រីបម្រើ ពីបទប្រើហិង្សាដោយចេតនា

ជាតិ

តុលាការ ចោទស្ត្រីដែលប្រើទារុណកម្មលើក្មេងស្រីបម្រើ ពីបទប្រើហិង្សាដោយចេតនា

31, May 2018 , 10:00 am

រូបភាព

រូបពីហ្វេសប៊ុក រាជលី សម័យតេជោ

ដោយ: ថ្មីៗ

ភ្នំពេញ៖ ព្រះរាជអាជ្ញារង សាលាដំបូងរាជធានីភ្នំពេញ បានចោទស្ត្រីម្នាក់ ដែលប្រើទណ្ឌកម្មលើក្មេងស្រីបម្រើ អាយុ១៦ឆ្នាំ ពីបទហិង្សាដោយចេតនា តាមមាត្រា២១៩ នៃក្រមព្រហ្មទណ្ឌ។

ស្ត្រីដែលរងការចោទប្រកាន់នេះ ត្រូវបានបញ្ជូនទៅសាកសួរនៅសាលាដំបូងរាជធានីភ្នំពេញ ។ បើសិនជាតុលាការ រកឃើញថា ស្ត្រីខាងលើនេះ ពិតជាបានធ្វើទារុណកម្មលើកុមារមែននោះ រូបគេអាចប្រឈមមុខជាប់ពន្ធនាគារពី២ទៅ៥ឆ្នាំ។

កាលពីថ្ងៃទី២៧ ឧសភា កន្លងមក សមត្ថកិច្ចបានចុះអន្តរាគមន៍ ជួយសង្គ្រោះក្មេងស្រីរងគ្រោះ ពីសំណាក់ស្ត្រីម្ចាស់ផ្ទះ ក្រោយពីមានសេចក្តីរាយការណ៍ពីប្រជាពលរដ្ឋ ដែលរស់នៅក្បែរគ្នានោះ ។ ស្ត្រីម្ចាស់ផ្ទះ មានឈ្មោះ ម៉េង រ័ត្នពិសី ហៅសុភា ជាអ្នកលក់សម្លៀកបំពាក់ នៅផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។ ចំណែកក្មេងស្រីរងគ្រោះ ឈ្មោះ ជា ស្រីនូ មានស្រុកកំណើតនៅភូមិទំនប់ថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។ បើតាមសម្ដីក្មេងស្រីរងគ្រោះ ស្ត្រីខាងលើបានប្រើអំពើហិង្សាមកលើរូបនាង អស់រយៈពេល៤ឆ្នាំមកហើយ៕