ធនាគារស្ថាបនា ចុះកិច្ច ព្រមព្រៀងផ្ដល់សេវាកម្មផ្ទេរប្រាក់ទូទាត់ពិភពលោកជាមួយ Western Union

អត្ថបទពាណិជ្ជកម្ម

ធនាគារស្ថាបនា ចុះកិច្ច ព្រមព្រៀងផ្ដល់សេវាកម្មផ្ទេរប្រាក់ទូទាត់ពិភពលោកជាមួយ Western Union

24, Jun 2018 , 10:00 pm

រូបភាព

ដោយ: ជី ដាណា

ថ្ងៃទី២១ ខែមិថុនា ឆ្នាំ២០១៨ ធនាគារស្ថាបនា បានប្រកាសពីការចុះកិច្ចព្រមព្រៀងផ្ដល់សេវាកម្មផ្ទេរប្រាក់ទូទាត់ពិភពលោករបស់ Western Union មកកាន់បណ្ដាសាខារបស់ខ្លួនទូទាំងប្រទេស។ តាមរយៈសេវាកម្មនេះ អតិថិជនអាចផ្ញើ និងទទួលប្រាក់បានយ៉ាងឆាប់រហ័សទូទាំងប្រទេសកម្ពុជា។

នាយកប្រតិបត្តិធនាគារស្ថាបនា លោក KATO Norihiko បានមានប្រសាសន៍ថា «យើងមានសេចក្ដីរីករាយ ដែលបានសហការជាមួយ Western Union ដែលអនុញ្ញាតឱ្យអតិថិជនរបស់យើងអាចតភ្ជាប់ទំនាក់ទំនងគ្នាទៅវិញទៅមកស្ទើរគ្រប់ប្រទេសនៅលើពិភពលោក រួមទាំងក្នុងស្រុកផងដែរ»។ លោកបន្ថែមទៀតថា «ការផ្ដល់ជូនអតិថិជននូវវភាពងាយស្រួល និងភាពជឿជាក់របស់ Westurn Union មានសារសំខាន់ចំពោះយើង ហើយយើងមានមោទនភាពក្នុង ការពង្រីកវិសាលភាពសេវាកម្មរបស់យើង»។ បច្ចុប្បន្នមានប្រជាជនកម្ពុជាជាងមួយលាននាក់ កំពុងបម្រើការងារនៅបរទេស ដែលភាគច្រើននៅក្នុងប្រទេសថៃ។ ពលករកម្ពុជា ក៏មាននៅក្នុងប្រទេសផ្សេងៗទៀតផងដែរ មានដូចជាប្រទេសកូរ៉េខាងត្បូង ប្រទេសម៉ាឡេស៊ី និងប្រទេសជប៉ុន ជាដើម។

បើយោងតាមសៀវភៅកំណត់ត្រានៃការធ្វើចំណាក់ស្រុក និងការផ្ទេរប្រាក់របស់ធនាគារពិភពលោក (World Bank) ឆ្នាំ២០១៦ កម្ពុជា គឺជាប្រទេស ដែលទទួលប្រាក់ពីបរទេសធំជាងគេលំដាប់ទី៨ នៅតំបន់អាស៊ីបូព៌ា និងប៉ាស៊ីហ្វិក ដោយមានចំនួន ០,៩ ពាន់លានដុល្លាអាមេរិក។

លោក Arish Shrestha នាយករបស់ Western Union ប្រចាំតំបន់ឥណ្ឌូចិន បានមានប្រសាសន៍ថា «ប្រាក់ដែលបានផ្ញើដោយពលរដ្ឋកម្ពុជារស់នៅក្រៅប្រទេស ដើតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចនៅក្នុងក្រុមគ្រួសារ ក៏ដូចជាសេដ្ឋកិច្ចជាតិទាំងមូល ខណៈមានប្រជាជនកម្ពុជាកាន់តែច្រើនស្វែងរកការងារធ្វើនៅឯក្រៅប្រទេស ដើម្បីរកប្រាក់មកចិញ្ចឹមក្រុមគ្រួសាររបស់ពួកគេនៅឯស្រុកកំណើតវិញ។ ការបេជ្ញាចិត្ត របស់យើងគឺធ្វើយ៉ាងណា បន្តពង្រីកវិសាលភាពនៃដំណើរការសេវាផ្ញើប្រាក់ពីក្រៅប្រទេសក៏ដូចជានៅក្នុងប្រទេសឱ្យកាន់តែមានភាពងាយស្រួល»។

លោក Shrestha បានបន្ថែមថា «យើងសូមស្វាគមន៍ធនាគារស្ថាបនា មកកាន់គ្រួសារ Western Union និងជឿជាក់ថាវិសាលភាពនៃបណ្ដាញសាខារបស់ពួកគេនឹងផ្ដល់ភាពងាយស្រួលសម្រាប់សេវាកម្មផ្ទេរប្រាក់ទាំងក្នុងស្រុក និងក្រៅស្រុក»។