ក្រសួងអប់រំ រើសសិស្សវិទ្យាល័យ៩រូប ឲ្យចូលរួមមហោស្រពភាពយន្តកុមារអន្តរជាតិអាស៊ីឆ្នាំ២០១៨ នៅជប៉ុន

ជាតិ

ក្រសួងអប់រំ រើសសិស្សវិទ្យាល័យ៩រូប ឲ្យចូលរួមមហោស្រពភាពយន្តកុមារអន្តរជាតិអាស៊ីឆ្នាំ២០១៨ នៅជប៉ុន

23, Jul 2018 , 8:59 am

រូបភាព

ដោយ:

ភ្នំពេញ៖ ក្រសួងអប់រំ យុវជន និងកីឡា សហការជាមួយស្ថានទូតជប៉ុននៅកម្ពុជា បានរៀបចំកម្មវិធី ប្រកួតវីដេអូខ្លីរយៈពេល៣នាទី ក្រោមប្រធានបទ«Self-responsibility» សម្រាប់សិស្សវិទ្យាល័យ។ បេក្ខជន ៣ក្រុម ឬ៩រូប ដែលផលិតបានវីដេអូល្អជាងគេ នឹងត្រូវអញ្ជើញទៅចូលរួមមហោស្រពភាពយន្តកុមារអន្តរជាតិអាស៊ីឆ្នាំ២០១៨ ដែលប្រព្រឹត្តទៅនៅថ្ងៃទី២៤ ខែវិច្ឆិកា នៅប្រទេសជប៉ុន។

បេក្ខជនដែលអាចចូលរួមប្រកួតប្រជែងបាន ត្រូវតែជាសិស្សដែលកំពុងសិក្សានៅសាលារដ្ឋ ឬឯកជន នៅថ្នាក់ទី១០ និងថ្នាក់ទី១១ និងមានបណ្ណសម្គាល់ខ្លួន។ ជាសិស្សដែលពុំធ្លាប់ចូលរួមកម្មវិធី JENESYS 2.0 នាពេលកន្លងមក ហើយត្រូវរៀបចំជាក្រុមដោយមានសមាជិកមួយក្រុម ៣នាក់។

សិស្សានុសិស្សដែលចាប់អារម្មណ៍អាចដាក់ពាក្យចូលរួមប្រកួតនៅ នាយកដ្ឋានមធ្យមសិក្សាចំណេះដឹង ដែលស្ថិតនៅអគារលេខ១៦៩ ផ្លូវលេខ៣១០ សង្កាត់បឹងកេងកង១ ខណ្ឌចំការមន ចាប់ពីថ្ងៃនេះ ដល់ថ្ងៃទី ២៧ ខែសីហា ឆ្នាំ២០១៨។ ពួកគេក៏ត្រូវចូលរួមប្រជុំ នៅម៉ោង២រសៀល ថ្ងៃទី២ ខែសីហា នៅស្ថានទូតជប៉ុន មុនចាប់ផ្តើមផលិតរឿងខ្លី។

រឿងខ្លី ៣នាទី ដែលក្រុមនីមួយៗផលិតរួច ទៅផ្តល់ទៅនាយកដ្ឋានមធ្យមសិក្សាចំណេះដឹងវិញ ឲ្យបានមុនថ្ងៃទី៣១ ខែសីហា។ ការប្រកាសលទ្ធផល នឹងប្រព្រឹត្តទៅ នៅថ្ងៃទី១៧ ខែកញ្ញា នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន(CJCC)។ ជ័យលាភីនៅក្នុងការប្រកួត នឹងត្រូវអញ្ជើញឲ្យចូលរួមមហោស្រពភាពយន្តកុមារអន្តរជាតិអាស៊ីឆ្នាំ២០១៨ ដែលប្រព្រឹត្តទៅនៅថ្ងៃទី២៤ ខែវិច្ឆិកា នៅប្រទេសជប៉ុន៕