ជាតិ
ឧកញ៉ា ម៉ុង ឫទ្ធី ទៅសិក្សាវិស័យកសិកម្មនៅអាមេរិក រូបពីហ្វេសប៊ុកលោកឧកញ៉ា ម៉ុង ឫទ្ធី
× ភ្នំពេញ៖ លោកឧកញ៉ា ម៉ុង ឫទ្ធី ទៅសិក្សាវិស័យកសិកម្ម និងកសិឧស្សាហកម្មនៅអាមេរិក។ ដំណើរទៅកាន់អាមេរិករបស់លោក ម៉ុង ឫទ្ធី ពេលនេះ ធ្វើឡើងស្របពេលដែលអាមេរិក កំពុងរឹតបន្តឹងទិដ្ឋាការចេញ-ចូល លើមន្ត្រីរដ្ឋាភិបាល និងអ្នកពាក់ព័ន្ធមួយចំនួន ។
លោក ម៉ុង ឫទ្ធី ដែលជាប់ឈ្មោះក្នុងបញ្ជីខ្មៅរបស់អង្គការ Global Witness ធ្វើដំណើរទស្សនកិច្ចនៅអាមេរិក រយៈពេល៨ថ្ងៃ គឺចាប់ពីថ្ងៃទី២១-២៩ សីហា ដើម្បីចូលរួមទទួលសញ្ញាបត្រចៅស្រី និងពាណិជ្ជករខ្មែរនៅទីនោះ។ តាមរយៈរូបថតជាច្រើនសន្លឹក ដែលបានបង្ហោះលើហ្វេសប៊ុកខ្លួន លោក ម៉ុង ឫទ្ធី បានបញ្ជាក់ថា៖«ក្នុងឱកាសនោះគណប្រតិភូក៏នឹងត្រូវទៅពិនិត្យសិក្សា មើលការរីកចម្រើនលើវិស័យកសិកម្ម កសិឧស្សាហកម្ម និងកែច្នៃរបស់សហរដ្ឋអាមេរិក ដើម្បីយកបទពិសោធមកអភិវឌ្ឍនៅលើទឹកដីនៃព្រះរាជាណាចក្រកម្ពុជាយើងផងដែរ»។
កន្លងមកលោកឧកញា ម៉ុង ឫទ្ធី ធ្លាប់រងការចោទប្រកាន់ពី Global Witness ពាក់ព័ន្ធនឹងករណីកាប់ឈើខុសច្បាប់ បូមខ្សាច់ និងរត់ពន្ធកញ្ឆាជាដើម។ Global Witness បានស្នើទៅអាមេរិក ឲ្យដាក់ទណ្ឌកម្មលើលោក ម៉ុង ឫទ្ធី និងលោកឧកញា៣រូបទៀត។ ប៉ុន្តែលោក ម៉ុង ឫទ្ធី បានបដិសេធចំពោះរបាយការណ៍ Global Witness នេះ។
Tag:
ម៉ុង ឫទ្ធី
កសិកម្ម
អាមេរិក
© រក្សាសិទ្ធិដោយ thmeythmey.com