អត្ថបទពាណិជ្ជកម្ម
ឆ្ងាញ់ទៀតហើយ!ស្វិនសិន បាននាំមកនូវការ៉េមរសជាតិទុរេនពេញនិយមបំផុត
× ហាងការ៉េមស្វិនសិន (SWENSEN’S) ដ៏ល្បីឈ្មោះឈរជើងក្នុងទីផ្សារកម្ពុជា ជាង១១ឆ្នាំមកហើយ ដែលតែងតែនាំមកនូវរសជាតិថ្មីៗ ទៅតាមរដូវកាលនីមួយៗ សម្រាប់អតិថិជនរបស់ខ្លួន។ ឥឡូវនេះ សម្រាប់ការរង់ចាំរបស់អតិថិជន បានមកដល់ទៀតហើយ ជាមួយនឹងការ៉េម រសជាតិទុរេនឈ្ងុយឆ្ងាញ់ ដែលជាចំណង់ចំណូលចិត្តខ្លាំងបំផុត របស់ប្រជាជនកម្ពុជាយើង។
លក្ខណៈពិសេសរបស់ការ៉េមរសជាតិទុរេន គឺវាបានបន្ថែមនូវសាច់ដូងខ្ចី និងបាយដំណើបផ្កាអមតៈពណ៌ស្វាយ ដែលរឹតតែធ្វើឲ្យការ៉េមមានរសជាតិឈ្ងុយឆ្ងាញ់ និងសោភ័ណភាព គួរឲ្យទាក់ទាញ។ ឃើញភ្លាមស្រក់ទឹកមាត់ចង់ញុំាតែម្ដង។ អ្វីដែលពិសេសនោះ គឺមានស្រោចដោយទឹកទុរេន ដែលធ្វើឲ្យការ៉េមមានក្លិនទុរេនពិតៗតែម្ដង។
ការ៉េមរសជាតិទុរេនរបស់ស្វិនសិន (SWENSEN’S) មានច្រើនខ្នាត ទៅតាមចំណង់ចំណូលចិត្តរបស់អតិថិជន ជាមួយតម្លៃសមរម្យ មានលក់នៅគ្រប់សាខាហាងការ៉េមស្វិនសិន (SWENSEN’S) ទូទាំងប្រទេស។
បើតាមអ្នកស្រី ជុំ លីមហ៊ាង អ្នករស់នៅរាជធានីភ្នំពេញ បានឲ្យដឹងថា គាត់បានរង់ចាំការ៉េមរស់ជាតិទុរេន នៅហាងការ៉េមស្វិនសិន (SWENSEN’S) ជាយូរមកហើយ។ ពេលនេះការទន្ទឹងរង់ចាំរបស់ខ្លួនបានមកដល់ហើយ។ អ្នកស្រី ជុំ លីមហ៊ាង បន្ថែមទៀតថា៖«ខ្ញុំតែងតែមកញ៉ាំ ការ៉េមទុរេនជាញឹកញយ ដោយសារតែរសជាតិរបស់វាឈ្ងុយឆ្ញាញ់ ជាប់ចិត្ត នៅកន្លែងត្រជាក់ស្រួល។ ការចនាហាងដ៏ប្រណិត,ការប្រើប្រាស់Internet ល្បឿនលឿន ស័ក្តិសមជាកន្លែងជួបជុំមិត្តភក្តិ និងក្រុមគ្រួសារបំផុត»។
ហាងការ៉េមស្វិនសិន (SWENSEN’S) គឺជាហាងការ៉េមសាន់ដេរសជាតិរាប់សិបមុខ ឈ្ងុយឆ្ងាញ់ ដែលជាកន្លែងសម្រាប់ក្រុមគ្រួសារ និងមិត្តភក្តិ។ ជាពិសេស ជាកន្លែងសាងអនុស្សាវរីយ៍ដ៏ផ្អែមល្ហែម និងសុភមង្គលជាច្រើន តាំងពីឆ្នាំ២០០៧មកម្ល៉េះ។ ហាងការ៉េមស្វិនសិន (SWENSEN’S) តែងតែយកចិត្តទុកដាក់បំផុត ទៅលើគុណភាពចំណីអាហារ និងសេវាកម្ម ធ្វើយ៉ាងណា អាចបំពេញចិត្តអតិថិជន ១០០ភាគរយ។ គិតមកដល់ត្រឹមថ្ងៃនេះ ហាងការ៉េមស្វិនសិន (SWENSEN’S) បានពង្រីកសាខារបស់ខ្លួនចំនួន៨ទីតាំង នៅរាជធានីភ្នំពេញ ខេត្តបាត់ដំបង និងខេត្តសៀមរាប។
គួរបញ្ជាក់ថា ស្វិនសិន (SWENSEN’S) ជាម៉ាកមួយ ក្នុងចំណោមម៉ាកហាងអាហារទាំង៥ រួមមានដឹ ភីហ្សា ខមផេនី (The Pizza Company) ការ៉េម ដេរីឃ្វីន (Dairy Queen) នំដូហ្វណាត់ និង កាហ្វ គ្រីសស្ពី គ្រីម (Krispy Kreme) និងបាប៊ីឃ្យូ ផ្លាហ្សា (BAR B.Q. Plaza) ដែលទិញសិទ្ធិផ្ដាច់មុខ និងបើកដំណើរការក្នុងប្រទេសកម្ពុជា ដោយក្រុមហ៊ុន អ៊ី អេហ្វ ជី (EFG) ដែលបច្ចុប្បន្នមាន៦១ហាង ទូទាំងប្រទេស៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com