ក្រសួងវប្បធម៌ នឹងរៀបពិធីភ្ជុំបិណ្ឌនៅសារមន្ទីរទួលស្លែង

ជាតិ

ក្រសួងវប្បធម៌ នឹងរៀបពិធីភ្ជុំបិណ្ឌនៅសារមន្ទីរទួលស្លែង

02, Oct 2018 , 7:59 am

រូបភាព

ដោយ: ប៉ូ សាគុន

ភ្នំពេញ៖ ក្រសួងវប្បធម៌ និងវិចិត្រសិល្បៈ នឹងរៀបចំពិធីបុណ្យកាន់បិណ្ឌ- ភ្ជុំបិណ្ឌនេះ នៅសារមន្ទីរប្រល័យពូជសាសន៍ទួលស្លែង នៅថ្ងៃទី៣និងទី៤ខែតុលា ឆ្នាំ២០១៨នេះ។

ពិធីបុណ្យកាន់បិណ្ឌ- ភ្ជុំបិណ្ឌនេះ ធ្វើឡើងដើម្បីរំឮកដល់វិញ្ញាណក្ខន្ធ អ្នកដែលបានបាត់បង់ជីវិត នៅសារមន្ទីរទួលស្លែង(ស.២១) ក្នុងរបបប្រល័យពូជសាសន៍ និងឧទ្ទិសកុសលជូនដល់វិញ្ញាណក្ខន្ធញាតិទាំង៧សន្ដានផង។

កម្មវិធីបុណ្យនៅល្ងាចថ្ងៃពុធទី៣ ខែតុលា ឆ្នាំ២០១៨ ម៉ោង១៤.៣០ នាទីរសៀលតទៅ ពិធីនមស្ការព្រះរតនត្រ័យ និងសម្ដែងធម្មទេសនា។ ថ្ងៃព្រហស្បតិ៍ទៅ៤ ខែតុលា ម៉ោង៧.៣០នាទីព្រឹក តទៅ ពិធីបង្សុកូលរាប់បាត្រព្រះសង្ឃ៣៩អង្គ ជាកិច្ចបង្ហើយបុណ្យ។

ចង្ហាន់ត្រូវរាប់បាត្រ ក្រសួងបានរៀបចំរួចជាស្រេច នៅសារមន្ទីរទួលស្លែង។ ប៉ុន្តែអ្នកដែលមានបំណងចង់ចូលរួម ក៏អាចនាំយកចង្ហាន់ ឬទេយ្យវត្ថុរបស់ខ្លួន ចូលរួមបានផងដែរ៕