ជាតិ
អត្ថបទពាណិជ្ជកម្ម
ប្រធានបទ UN Day ឆ្នាំនេះ គឺ «លើកកម្ពស់នវានុវត្តន៍ថ្ងៃនេះ ដើម្បីថ្ងៃស្អែកកាន់តែប្រសើរ»
× ភ្នំពេញ៖ ទិវាអង្គការសហប្រជាជាតិ (UN Day) ត្រូវបានប្រារព្ធឡើងជារៀងរាល់ឆ្នាំ នៅថ្ងៃទី២៤ ខែតុលា។ មិនខុសពីឆ្នាំមុនៗដែរ ទិវាអង្គការសហប្រជាជាតិ ឆ្នាំនេះ នឹងរៀបចំឡើងនៅ Factory Phnom Penh ក្រោមប្រធានបទ៖«លើកកម្ពស់នវានុវត្តន៍ថ្ងៃនេះ ដើម្បីថ្ងៃស្អែកកាន់តែប្រសើរ»។
កម្មវិធីនេះ រៀបចំឡើងក្នុងបំណងជំរុញឱ្យយុវជនខ្មែរ ចូលរួមអបអរទិវារំលឹកខួបនៃការបង្កើតអង្គការសហប្រជាជាតិ ដើម្បីស្វែងយល់អំពីសកម្មភាពសំខាន់ៗជាច្រើន ដែលអង្គការសហប្រជាជាតិ រដ្ឋាភិបាល អង្គការមិនមែនរដ្ឋាភិបាល ក្រុមសហគ្រិន និងបណ្តាដៃគូដទៃទៀត បាន និងកំពុងអនុវត្ត ដូចជាផ្នែកអប់រំ សុខភាព កសិកម្ម ជំនួញ ពាណិជកម្ម បរិស្ថាន ការបោសសំអាតមីន និងអំពីទីក្រុងជាដើម។ លើសពីនេះ ទិវានេះ ក៏ដើម្បីផ្តល់ឱកាសឱ្យយុវជន ចូលរួមអបអរទិវារំលឹកខួប នៃការបង្កើតអង្គការសហប្រជាជាតិ ដោយសេចក្តីថ្លៃថ្នូរ និងស្មើភាព។
ដូច្នេះសូមចូលរួមជាមួយយើង ដើម្បីជួបជាមួយប្អូនៗយុវជន ដែលប្រកបដោយថាមពល និងគំនិតច្នៃប្រឌិត សកម្មភាពសិល្បៈ និងការកម្សាន្ត ក៏ដូចជាតន្ត្រីផងដែរ។ មិនតែប៉ុណ្ណោះ អ្នកចូលរួម ក៏នឹងទទួលបាននូវចំណេះដឹង អំពីគោលដៅអភិវឌ្ឍដោយចីរភាព ក៏ដូចជាកិច្ចការរបស់ទីភ្នាក់ងារអង្គការសហប្រជាជាតិនៅក្នុងប្រទេសកម្ពុជាផងដែរ។ លើសពីនេះទៅទៀត អ្នកក៏អាចចូលរួមទស្សនា ការបង្ហាញស្នាដៃរបស់យុវជនឆ្នើមៗ អំពីគម្រោងជ័យលាភីរបស់ពួកគេ ស្តីពីយុទ្ធនាការផ្សព្វផ្សាយពត៌មាន និងឃោសនា ដើម្បីការយល់ដឹងរបស់ប្រជាជន អំពីគោលដៅអភិវឌ្ឍដោយចីរភាព។
ក្នុងនាមអង្គការសហប្រជាជាតិប្រចាំកម្ពុជា យើងសូមអញ្ជើញប្អូនៗ ក៏ដូចជាមហាជនទាំងអស់ ចូលរួមដោយសេរីនៅក្នុងព្រឹត្តិការណ៍នេះ ជាមួយយើងទាំងអស់គ្នា ដើម្បីទទួលបានចំណេះដឹង ព័ត៌មាន ក៏ដូចជាការកម្សាន្តដ៏សម្បូរបែប នាទិវាអង្គការសហប្រជាជាតិ នៅថ្ងៃទី២៤ ខែតុលាខាងមុខនេះ៕
នេះជាទីតាំងដែលត្រូវប្រារព្ធទិវា UN Day
© រក្សាសិទ្ធិដោយ thmeythmey.com