ព្រឹត្តិការណ៍រត់ប្រណាំងពាក់កណ្តាលម៉ារ៉ាតុន និងប្រណាំងកង់ប្រចាំឆ្នាំ នៅលើភ្នំបូកគោ កាន់តែខិតជិតមកដល់

អត្ថបទពាណិជ្ជកម្ម

ព្រឹត្តិការណ៍រត់ប្រណាំងពាក់កណ្តាលម៉ារ៉ាតុន និងប្រណាំងកង់ប្រចាំឆ្នាំ នៅលើភ្នំបូកគោ កាន់តែខិតជិតមកដល់

23, Oct 2018 , 2:17 pm

រូបភាព

ដោយ:

កំពត៖ ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុន និងប្រណាំងកង់ លើកទី៥ លើភ្នំបូកគោ កាន់តែកៀកមកដល់ហើយ ពោលគឺព្រឹត្តិការណ៍នឹងប្រព្រឹត្តទៅនៅថ្ងៃទី២៨ និងទី២៩ ខែតុលា ឆ្នាំ២០១៨នេះ។ ព្រឹត្តិការណ៍ប្រចាំឆ្នាំនេះ រៀបចំឡើងដោយសណ្ឋាគារ ឋានសួគ៌ សុខា ដែលជាព្រឹត្តិការណ៍កីឡាសប្បុរសធម៌ប្រចាំឆ្នាំ។ ថវិកាទាំងអស់ ដែលប្រមូលបានពីការរត់ប្រណាំង នឹងត្រូវបរិច្ចាគជូនមន្ទីរពេទ្យគន្ធបុប្ផា។

ការរត់ប្រណាំងពាក់កណ្តាលម៉ារ៉ាតុនគិតចាប់ពី២១គីឡូម៉ែត្រ រហូតដល់ការរត់ប្រណាំងបែបកម្សាន្តសប្បាយ ៣គីឡូម៉ែត្រ ឬការប្រណាំងកង់កុមារ សុទ្ធសឹងតែជាឱកាសដ៏ល្អឥតខ្ចោះ សម្រាប់បង្កើតនូវអនុស្សាវរីយ៍ ដែលមិនអាចបំភ្លេចបានជាមួយក្រុមគ្រូសារ និងមិត្តភក្តិ។ ព្រឹត្តិការណ៍នេះ គឺជាឱកាសដ៏មានអត្ថន័យមួយ ក្នុងការលើកកម្ពស់សុខភាព ភាពសប្បាយរីករាយ និងសប្បុរសធម៌។

ភ្ញៀវអាចជ្រើសរើសស្នាក់នៅ សណ្ឋាគារដ៏ប្រណិត ឡឺ បូកគោ ផាឡេស ឬសណ្ឋាគារ ឋានសួគ៌ សុខា។ ការបោះជំរំលក្ខណៈជាក្រុម ឬបុគ្គល ក៏ត្រូវបានផ្តល់ជូនជាជម្រើស ដែលភ្ញៀវអាចជ្រើសរើសបាន។ ក្រៅពីនេះ ក៏មានការប្រគំតន្ត្រីពេលល្ងាច ក្រោមដួងតារានៅលើភ្នំបូកគោដ៏ស្រស់ស្អាត នៅក្នុងខេត្តកំពត ដែលជាគោលដៅទេសចរណ៍ប្រវត្តិសាស្ត្រដ៏ល្បីល្បាញនៅកម្ពុជា ដែលមានទស្សនីយភាពដ៏ស្រស់ត្រកាល នៃតំបន់ទេសចរណ៍គួរអោយទាក់ទាញ និងដំណើរកម្សាន្តបែបផ្សងព្រេង។