​អំពី​ទូរ​សព្ទ Nokia 6.1 Plus ឬ Nokia X6  តម្លៃ ២៦៩​ដុល្លារ​
 

Nokia 6.1 plus ជា​ទូរ​សព្ទ​ដំបូង​ក្នុង​ប្រវត្តិសាស្ត្រ​របស់ Nokia ដែល​បាន​រចនា​ឡើង ដោយមាន​ក្បាល​ឆក និង​មានតម្លៃ​សមរម្យ​។ វា​ត្រូវបាន​រចនា​ឡើង ជាមួយ​រូបរាង​យ៉ាង​ស្រស់ស្អាត និង​ទាក់ទាញ ដែល​ក្រាល​ដោយ​កញ្ចក់ Corning Gorilla Glass 3​។ ផ្នែក​ខាងក្រោយ​របស់​វា ភ្ជាប់​មកជា​មួយកញ្ចប់​កាមេរ៉ា​ភ្លោះ និង​សេន​ស័​រ​ស្កែ​ន​ម្រាមដៃ ដែល​ធ្វើការ​បាន​យ៉ាង​ឆាប់រហ័ស អម​ជាមួយ Logo ដ៏​ស្រស់ស្អាត​របស់ Nokia នៅ​ចំ​ចំណុចកណ្ដាល​ផ្នែក​ខាងក្រោយ​។ Nokia នៅតែ​បំពាក់​មកជា​មួយ​រន្ធ​ដោត​កាស​ស្ដង់ដា ពៅ​ល​គឺ​នៅ​ផ្នែក​ខាងលើ ដែល​វា​ផ្តល់​ភាពងាយស្រួល​សម្រាប់​ការ​ស្ដាប់​តន្ត្រី​។ ផ្នែក​ខាងក្រោម មាន​រន្ធ​ស្ដាប់​សំឡេង និង Speaker បំពង​សំឡេង​។​


 

Nokia 6.1 PLUS បាន​បំពាក់​មកជា​មួយ​អេក្រង់ LCD 5.8 អ៊ីង ដែល​កម្រិត​រូបភាព​អាច​បង្ហាញ​រហូតដល់ FULL HD​។ ងាក​មក​មើល​ចំណុច​ដែល​អ្នក​និយម​ទូរ​សព្ទ​ស្មា​ត​ហ្វូ​ន​ចង់ដឹង ចង់​ឮ​ខ្លាំង​បំផុត​នោះ គឺ​ផ្នែក​កាមេរ៉ា Nokia 6.1 PLUS បាន​បំពាក់​មកជា​មួយ​ទំហំ​កាមេរ៉ា ផ្នែក​ខាងមុខ 16MP និង​កម្រិត f/2.0, កាមេរ៉ា​ខាងក្រោយ HDM GLOBAL បាន​បំពាក់​មក​ជាមួយនឹង​កាមេរ៉ា​ភ្លោះ ដែល​មួយ​គ្រាប់​មាន​ទំហំ 16MP និង​កម្រិត f/2.0 និង​មួយ​គ្រាប់​ទៀត មាន​ទំហំ 5MP និង​កម្រិត f/2.4​។ លើសពីនេះ នៅក្នុង​ផ្ទាំង​មី​នុយ​កាមេរ៉ា​នេះ ក៏បាន​បាន​បំពាក់​មក​មុខងារ​ជាច្រើន ដើម្បី​បំពេញ​ក្ដី​សុខ​អ្នក​ដែល​ចូលចិត្ត​ថតរូប​។ បន្ថែម​ពីនេះ នៅក្នុង​មុខងារ​កាមេរ៉ា​ទូរ​សព្ទ​នេះ ក៏​អនុញ្ញាត​ឲ្យ​យើង​ឡាយ​ផ្ទាល់ ចេញពី​ទូ​សព្ទ​ទៅ​បណ្ដាញ​សង្គម ដូចជា FACEBOOK និង YOUTUBE​។​


 

​ងាក​មក​មើល​ថាមពល​ថ្ម និង​កម្លាំង​មា​ស៊ីន​វិញ Nokia 6.1 PLUS បាន​បំពាក់​ថាមពល​ថ្ម​ដល់​ទៅ 3060 mAh battery ដំណើរការ​ដោយ​ប្រព័ន្ធ​ប្រ​ត្តិ​ប​ត្ត​ការ AndroidOne បំពាក់​ជាមួយ CPU Octa-core 1.8 GHz Kryo 260 បន្ទះ​ឈី​ប Qualcomm Snapdragon 636 និង GPU Adreno 509​។ ទូរ​សព្ទ​លំដាប់​ថវិកា​តម្លៃ ក្រោម​៣០០​ដុល្លារ​មួយ​នេះ មាន RAM 4GB និង​អង្គ​ផ្ទុក​ទិន្ន័យ 64GB ដែល​កម្លាំង​ម៉ាស៊ីន​នេះ អាច​កំដរ​អ្នកបាញ់​ហ្គេម PUBG យក​លេខ​មួយ​ដោយ​រលូន​៕