អត្ថបទពាណិជ្ជកម្ម
ក្រុមហ៊ុន សាមសុង រៀបចំជប់លៀងយ៉ាងអធិកអធម នៅក្នុងជំនួបជាមួយអាជីវករសាមសុងទូទាំងប្រទេស
× កាលពីយប់ថ្ងៃទី២៥ ខែធ្នូ ឆ្នាំ២០១៨ ក្រុមហ៊ុន សាមសុង រៀបចំនូវកម្មវិធីជប់លៀងដ៏ពិសេសមួយដែលជាពិធីជួបជុំយ៉ាងអធិកអធម រវាងគណៈគ្រប់គ្រងរបស់ក្រុមហ៊ុន សាមសុង និងអាជីវករលក់ដុំ លក់រាយ គ្រឿងបរិក្ខារអេឡិចត្រូនិកសាមសុងទូទាំងប្រទេស។ កម្មវិធីនេះ ប្រព្រឹត្តទៅក្រោមបរិយាកាសសប្បាយរីករាយបំផុត មិនអាចបំភ្លេចបាន នៅភោជនីយដ្ឋានទន្លេបាសាក់ ២។
នេះគឺជាកម្មវិធិដ៏ពិសេសមួយ នៅក្នុងចំណោមកម្មវិធីជាច្រើន របស់ក្រុមហ៊ុន សាមសុង និងដៃគូចែកចាយរបស់ខ្លួន ដែលបង្កើតឡើងដើម្បីលើកទឹកចិត្ត ក៏ដូចជាថ្លែងអំណរគុណ ដល់អាជីវករលក់ដុំ និងរាយទាំងអស់ ដែលបានគាំទ្រ និងជឿជាក់លើផលិតផលគ្រឿងបរិក្ខារអេឡិចត្រូនិកសាមសុង ក្នុង រយៈពេលពេញមួយឆ្នាំ២០១៨ ក៏ដូចជាបណ្តាឆ្នាំកន្លងមកដែរ។
នៅក្នុងកម្មវិធីជប់លៀងនេះ ក្រៅពីការទទួលទានម្ហូបអាហារពិសេសៗ មានរសជាតិឈ្ងុយឆ្ងាញ់ នៅក្នុងភោជនីយដ្ឋានទន្លេបាសាក់ ២ ព្រមជាមួយនឹងកម្មវិធីតន្ត្រីកំដរបរិយាកាស ដ៏ស្និទ្ធស្នាលនេះ គេសង្កេតឃើញថា អាជីវកររបស់ក្រុមហ៊ុន សាមសុង និងគណៈគ្រប់គ្រងរបស់ក្រុមហ៊ុន សាមសុង ក៏ជជែកកម្សាន្តសប្បាយយ៉ាងរីករាយ និងចូលរួមរាំលេងកម្សាន្ត ប្រកបដោយមេត្រីភាពយ៉ាងជិតស្និទ្ធ និងស្រស់ស្រាយជាទីបំផុត។
ក្នុងឱកាសនេះ លោក Seungho Choi អគ្គនាយក ក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានថ្លែងអំណរគុណដល់ដៃគូពាណិជ្ជកម្មទូទាំងប្រទេស ដែលបានខិតខំលក់ផលិតផលគ្រឿងបរិក្ខារអេឡិចត្រូនិកក្រុមហ៊ុន សាមសុង និងគាំទ្រផលិតផល សាមសុង ដើម្បីទទួលបានជោគជ័យ និងឈរលេខរៀងលំដាប់លេខ 1 គ្រប់ផលិតផលទាំងអស់ របស់សាមសុង។ លោក Seungho Choi បញ្ជាក់ដូច្នេះ៖«ពិតមែនតែយើងនៅមានចំណុចជាច្រើន ត្រូវពង្រឹងបន្ថែមទៀតជាមួយគ្នា តែភាពជោគជ័យថ្ងៃនេះ គឺជាជ័យលាភីរួមរបស់យើង ហើយយើងនឹងដើរលើផ្លូវដ៏ត្រឹមត្រូវ និងមានចីរភាពនេះជាបន្តទៀត។ ក្រុមហ៊ុន សាមសុង នឹងបន្តក្នុងការនាំយកនូវកម្មវិធីលក់ជាមួយប្រូម៉ូសិនពិសេសៗ ដើម្បីជាប្រយោជន៍ និងជាកាដូពិសេស សម្រាប់អាជីវករទាំងអស់ របស់ក្រុមហ៊ុនសាមសុង ក្នុងប្រទេសកម្ពុជា។ ភាពជោគជ័យខ្លាំងរបស់ក្រុមហ៊ុន សាមសុង គឺភាពស្មោះត្រង់ជាមួយ នឹងអតិថិជន និងអាជីវករលក់រាយ និងដុំទាំងអស់ក្នុងប្រទេស»។
ក្នុងកម្មវិធីជប់លៀងយ៉ាងអាធិកអធមនេះ ក្រុមហ៊ុនសាមសុងក៏ដាក់បង្ហាញនូវផលិតផលគ្រឿងបរិក្ខារអេឡិចត្រូនិកទំនើបៗជាច្រើនរបស់ខ្លួន ដូចជាទូរទស្សន៍ឆ្លាតវៃ ម៉ាស៊ីនត្រជាក់ ទូរទឹកកកសន្សំសំចៃខ្ពស់ ម៉ាស៊ីនបោកសម្លៀកបំពាក់ទំនើប និងផលិតផលជាច្រើនទៀត ដែលកំពុងតែពេញនិយមខ្លាំងនៅលើទីផ្សារផងដែរ។ គួរបញ្ជាក់ផងថា ក្រុមហ៊ុនសាមសុង តែងតែនាំយកនូវផលិតផលគ្រឿងបរិក្ខារអេឡិចត្រូនិក បំពាក់នូវបច្ចេកវិទ្យាទំនើបៗជាច្រើន សម្រាប់ប្រើប្រាស់នៅក្នុងគេហដ្ឋាន និងការិយាល័យកាន់តែទំនើបទាន់សម័យស្រស់ស្អាត និងសន្សំសំចៃខ្ពស់បំផុត។ បច្ចុប្បន្ននេះ ទីផ្សាររបស់ក្រុមហ៊ុនសាមសុងគឺមានការកើនឡើងយ៉ាងខ្លាំងនៅក្នុងពិភពលោក និងក្នុងប្រទេសកម្ពុជាដោយសារតែមានការជឿជាក់ទៅលើគុណភាពប្រើប្រាស់ពីអតិថិជនជាច្រើន។
គួររំលឹកថា ទូរទស្សន៍របស់សាមសុង គឺមានការរចនារូបរាងយ៉ាងស្រស់ស្អាត ការបង្ហាញពណ៌ច្បាស់ល្អឥតខ្ចោះដូចធម្មជាតិ រស់រវើក ការប្រើប្រាស់ថាមពលភ្លើងសន្សំសំចៃ និងមានលក្ខណៈពិសេសកាន់តែឆ្លាតវៃ លើសពីទូរទស្សន៍ធម្មតា ដែលមានវត្តមាននៅលើទីផ្សារ។ ចំណែកម៉ាស៊ីនបោកសម្លៀកបំពាក់របស់ក្រុមហ៊ុនសាមសុងវិញ រូបរាងស្អាតទាក់ទាញធន់ល្អក្នុងការប្រើប្រាស់ បំពាក់នូវបច្ចេកវិទ្យាទំនើបជាមួយនឹងមុខងារឆ្លាតវៃ ដែលធ្វើឱ្យការប្រើប្រាស់កាន់តែងាយស្រួល បោកគក់បានស្អាត មិនស្លក់ពណ៌ ឬកំណកសាប៊ូជាប់លើសម្លៀកបំពាក់ឡើយ។
លើសពីនេះ វាមានប្រសិទ្ធភាពខ្ពស់ ក្នុងការសម្លាប់មេរោគរហូតដល់ 99.9 ភាគរយ និងបច្ចេកវិទ្យា Digital Inverter សម្រាប់សន្សំសំចៃភ្លើង អគ្គិសនីថែមទៀត។ ទូរទឹកកក និងម៉ាស៊ីនត្រជាក់របស់ក្រុមហ៊ុនសាមសុង ផ្តល់នូវទំនុកចិត្តខ្ពស់ដល់អតិថិជននៅពេលប្រើប្រាស់ ដោយសារតែវាមានសមត្ថភាពក្នុងការរក្សាភាពត្រជាក់ និងការសន្សំសំចៃភ្លើងបានកម្រិតខ្ពស់បំផុត។ វាក៏បំពាក់នូវប្រព័ន្ធការពារមេរោគ ដែលមានប្រសិទ្ធភាពខ្ពស់ដល់ទៅ 99.9 ភាគរយ ផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com