ជាតិ
ស្ថានទូតខ្មែរ ប្រាប់ខ្មែរនៅឥណ្ឌូណេស៊ី ឲ្យប្រយ័ត្ន ក្រោយមនុស្សស្លាប់ជាង៤០០នាក់ ព្រោះស៊ូណាមី
× ស្ថានទូតកម្ពុជាប្រចាំឥណ្ឌូណេស៊ី បានអំពាវនាវទៅកាន់ប្រជាពលរដ្ឋខ្មែរ ដែលកំពុងនៅក្នុង ប្រទេសឥណ្ឌូណេស៊ី ជាពិសេសនៅខេត្តឡំពង់ កោះស៊ូម៉ាត្រាខាងត្បូង និងខេត្តបានទេន កោះចាហ្វាខាងលិច ឲ្យប្រុងប្រយ័ត្នខ្ពស់ បន្ទាប់ពីមានការផ្ទុះភ្នំភ្លើង ហើយបណ្តាលឲ្យមានរលកស៊ូណាមី កាលពីយប់ថ្ងៃទី២២ ខែធ្នូ ឆ្នាំ២០១៨ ដោយបានសម្លាប់មនុស្សជាង៤០០នាក់ បាត់ខ្លួនជាង១៥០នាក់ និងរបួសដល់ទៅជាង១៤០០នាក់។
តាមរយៈសេចក្តីជូនដំណឹង ដែលធ្វើឡើងនៅថ្ងៃទី២៥ ខែធ្នូ ឆ្នាំ២០១៨ ស្ថានទូតកម្ពុជា បានប្រាប់ប្រជាពលរដ្ឋខ្មែរ ឲ្យទាក់ទងទៅកាន់ស្ថានទូត ក្នុងករណីមានអាសន្នណាមួយ។ ស្ថានទូតកម្ពុជា បានផ្តល់លេខទូរសព្ទ៣ខ្សែសម្រាប់ទាក់ទង គឺ +62 813 175 654 86, +62 821 123 686 39, និង +62 812 825 666 58៕
Tag:
ឥណ្ឌូណេស៊ី
សូណាមិ
ស្ថានទូត
© រក្សាសិទ្ធិដោយ thmeythmey.com