អត្ថបទពាណិជ្ជកម្ម
ប្រជាកសិករខ្មែរកាន់តែរីកចម្រើន ប្រសិនបើយល់ដឹងពីកម្មវិធីទូរស័ព្ទដៃឈ្មោះថា«ទន្លេសាប»
× គ្រឹះស្ថានមីក្រូហិរញ្ញវត្ថុ អេ អឹម ខេ បានដាក់ឱ្យប្រើប្រាស់ជាផ្លូវការកម្មវិធីទូរស័ព្ទដៃឈ្មោះថា«ទន្លេសាប» កាលពីចុងខែមករាកន្លងទៅ។ អ្នកស្រី គឹម ដាវីន អ្នកសេដ្ឋកិច្ចកសិកម្មនៃគ្រឹះស្ថានមីក្រូហិរញ្ញវត្ថុ AMK បានថ្លែងថាកម្មវិធីទូរស័ព្ទដៃ«ទន្លេសាប» បង្កើតក្នុងបំណង ជួយដោះស្រាយបញ្ហានានាដែលកសិករកំពុងជួបប្រទះ ដែលបញ្ហាទាំងនោះមានដូចជា បច្ចេកទេសកសិកម្ម,កង្វះព័ត៌មានទីផ្សារ និងខ្វះទុនពង្រីកអាជីវកម្មជាដើម។
បើតាមអ្នកស្រី ដាវីន កម្មវិធីទូរស័ព្ទដៃ«ទន្លេសាប»នេះ នឹងអនុញ្ញាតឲ្យប្រជាកសិករនិងពាក់ព័ន្ធនឹងខ្សែចង្វាក់ផលិតកម្មកសិកម្ម បានភ្ជាប់ទំនាក់ទំនងជាមួយគ្នា, ស្វែងយល់កាន់តែច្បាស់បន្ថែមទៀតពីបច្ចេកទេសនានាទាក់ទងនឹងការធ្វើកសិកម្ម និងបច្ចេកទេសចិញ្ចឹមសត្វ,ស្វែងរកទីផ្សារកសិកម្មហើយ អ្នកប្រើប្រាស់ក៏អាចផ្សព្វផ្សាយលក់ផលិតរបស់ខ្លួននៅលើកម្មវិធី«ទន្លេសាប»នេះដែរ។ បន្ថែមពីនេះ នៅពេលអ្នកពាក់ព័ន្ធទាំងអស់មើលឃើញពីឱកាសក្នុងការពង្រីកអាជីវកម្ម ពួកគាត់ក៏អាចស្វែងរកប្រភពទុននៅក្នុងកម្មវិធីទូរសព្ទដៃមួយនេះបានដែរ ដោយនៅក្នុងនោះ គ្រឹះស្ថានមីក្រូហិរញ្ញវត្ថុ AMK គឺជាអ្នកចាំជួយជ្រោមជ្រែងក្នុងផ្តល់ទុនពង្រីកអាជីវកម្មរបស់ខ្លួន ចាប់កម្ចីកសិកម្មខ្នាតតូច និងមធ្យម។
អ្នកស្រី គឹម ដាវីន សង្ឃឹមថាកម្មវិធីទូរស័ព្ទដៃ«ទន្លេសាប» នឹងចូលរួមចំណែកធ្វើឲ្យការធ្វើកសិកម្មរបស់ប្រជាកសិករបានល្អប្រសើរជាងមុន,ផ្តល់ព័ត៌មានទីផ្សារកសិកម្មប្រសើរជាងមុន ហើយអ្នកពាក់ព័ន្ធក្នុងខ្សែចង្វាក់ផលិតកសិកម្មទាំងអស់ នឹងមានជីវភាពប្រសើរជាងមុនដែរ។
ដើម្បីជ្រាបកាន់តែលម្អិត ពីសារៈប្រយោជន៍នៃកម្មវិធីទូរសព្ទដៃ«ទន្លេសាប» សូមអញ្ជើញលោក អ្នកទស្សនាកិច្ចសម្ភាសរវាង សារព័ត៌មានថ្មីៗ និងអ្នកស្រី គឹម ដាវីន អ្នកសេដ្ឋកិច្ចកសិកម្មនៃគ្រឹះស្ថានមីក្រូហិរញ្ញវត្ថុ AMK ដូចតទៅ៖
© រក្សាសិទ្ធិដោយ thmeythmey.com