អត្ថបទពាណិជ្ជកម្ម
First’s 5G smartphone របស់ OPPO ត្រៀមបង្ហាញខ្លួនហើយ
× កម្មវិធី Mobile World Congress ឆ្នាំ២០១៩ ដែលបានប្រារព្ធធ្វើឡើងនៅទីក្រុង Barcelona ប្រទេសអេស្ប៉ាញបានបើកទំព័រថ្មីទៅកាន់ពិភពលោក ដោយការដាក់បង្ហាញនូវបច្ចេកវិទ្យាថ្មី 5G សឹងតែគ្រប់ទីតាំងថ្មីនិង ទំនើប ដែលធ្វើឲ្យមានការចាប់អារម្មណ៍យ៉ាងខ្លាំង ពីសំណាក់ផលិតករទូរសព្ទ និង អ្នកបច្ចេកវិទ្យានិយម រួមទាំងអ្នកជំនួញជាច្រើនមកពីជុំវិញពិភពលោក។ ក្រុមហ៊ុនស្មាតហ្វូន Oppo ដែលជាស្មាតហ្វូនដែលផលិតដោយក្រុមហ៊ុនបច្ចេកវិទ្យាខ្នាតយក្សនៅប្រទេសចិន ដែលវត្តមាននៅក្នុងព្រឹត្តិការណ៍ដ៏អស្ចារ្យនោះ ក្នុងចំណោមផលិតផលស្មាតហ្វូនល្បីៗជាច្រើន ដែលបានបំពាក់នូវប្រព័ន្ធ 5G ។
តើ 5G គឺជាអ្វីទៅ? 5G គឺជាបច្ចេកវិទ្យានៃប្រព័ន្ធអ៊ីនធឺណិតឥតខ្សែជំនាន់ទីប្រាំ ដែលពិភពលោកតែងតែស្រមៃ និង ប្រាថ្នាចង់បានក្នុងការបញ្ជូនទិន្នន័យក្នុងល្បឿនលឿន ដែលមានទំហំធំៗ អាចទាញយកដោយគ្មានភាពរំខាន ឬ គាំងក្នុងករណីណាមួយឡើយ។ អ្នកប្រើប្រាស់ទូរស័ព្ទទាំងអស់អាចទស្សនារាល់កម្មវិធីនានា បានយ៉ាងងាយស្រួល ដោយភាពរីករាយ និងអាចទុកចិត្តបានគ្រប់ពេលវេលា និង គ្រប់ទីកន្លែង។
ក្រោយពីបានបង្ហាញបច្ចេកវិទ្យា 10X Optical Zoom ជាសាធារណៈរួចមក ក្នុងឱកាសនោះដែរ ក្រុមហ៊ុនស្មាតហ្វូន OPPO ក៏បានចូលរួមចំណែកក្នុងការបំពាក់ប្រព័ន្ធ 5G ដ៏ស៊ីវិល័យ សម្រាប់បំពេញសេចក្តីត្រូវការនៃអតិថិជនរបស់ខ្លួន និង ការប្រកួតប្រជែងបច្ចេកវិទ្យានៅលើពិភពលោក ។ ជាពិសេស OPPO នឹងគ្រោងបង្កើតទូរស័ព្ទថ្មី និងដំបូងបំផុតមិនធ្លាប់មាន ដែលបានបំពាក់ប្រព័ន្ធបច្ចេកវិទ្យា 5G ដ៏ទំនើបនិងគួរឲ្យចាប់អារម្មណ៍បំផុត។ វាបានស្ថិតនៅក្នុងផ្នត់គំនិតមនុស្សគ្រប់ៗគ្នាដែលថា «អ៊ីនធឺណិតល្បឿនលឿនគឺជាអ្វីៗគ្រប់យ៉ាង ហើយបច្ចេកវិទ្យាគឺស្ថិតក្នុងដៃយើងគ្រប់គ្នា គ្មានអ្វីដែលជាអាថ៌កំបាំងទៀតទេ វានឹងកាន់តែខិតមកជិតភាពពិតហើយ ព្រោះវាបានជួយសម្រួលដល់ការធ្វើការងារ និង សកម្មភាពរស់នៅប្រចាំថ្ងៃរបស់មនុស្សជាតិផងដែរ»។ (ដូច្នេះសូមទស្សនារូបភាពដែល OPPO បានបំពាក់ប្រព័ន្ធ5G នៅក្នុងព្រឹត្តិការណ៍នោះទាំងអស់គ្នា) ។
សូមបញ្ជាក់ថាកាលពីថ្ងៃទី២៧ ខែតុលា ឆ្នាំ២០១៨ កន្លងទៅ មន្ទីរពិសោធន៍ផលិតផលទូរស័ព្ទរបស់ OPPO បានប្រកាសត្រៀមខ្លួនគ្រប់គ្រាន់សម្រាប់ចេញផ្សាយការធ្វើពាណិជ្ជកម្មអ៊ីនធឺណិត 5G របស់ពួកគេ ។ ហើយនៅថ្ងៃទី ៣០ ខែវិច្ឆិកា ឆ្នាំ២០១៨ OPPO បានប្រកាសព័ត៌មាននៃការបំពាក់ 5G ទៅលើ Video Call នៃ WeChat ដែលរចនាឡើងដោយ 5G’s OPPO Prototype ផងដែរ។ បន្ទាប់មកនៅថ្ងៃទី ៦ ខែធ្នូ ឆ្នាំ២០១៨ ក្នុងកម្មវិធី China Mobile Partner Conference ក្រុមហ៊ុនស្មាតហ្វូន បានបញ្ចេញទូរសព្ទ Find X ដែលបានភ្ជាប់ជាមួយបច្ចេកវិទ្យា 5G Prototype ជាលើកដំបូងរបស់ខ្លួនដែលមានល្បឿនលឿន ទោះបីស្ថិតក្នុងថាមពលថ្មតិចក៏ដោយ ។
ដូច្នេះការប្រកាសរបស់ក្រុមហ៊ុនស្មាតហ្វូន OPPO គឺជាការពិត ។ ស្របពេលដែលស្ថិតនៅក្នុងព្រឹត្តិការណ៍កម្មវិធី Mobile World Congress ឆ្នាំ២០១៩ នោះដែរ លោក Anyi Jiang ប្រធានផ្នែកធនធានមនុស្ស និង យុទ្ធសាស្ត្រទីផ្សារនៃក្រុមហ៊ុន OPPO បានឲ្យដឹងថា៖ យើងខ្ញុំជឿជាក់ថាលោកអ្នកប្រាកដជាកំពុងរង់ចាំ OPPO’s First 5G Smartphone យ៉ាងអន្ទះសារហើយ។ ដូច្នេះនៅពេលនេះយើងខ្ញុំបានកំពុងធ្វើការងារទាំងអស់នេះ លើការផលិតវាចេញមកហើយ »។ នេះជាការអះអាងរបស់ស្ថានិក OPPO លើបច្ចេកវិទ្យារបស់ខ្លួន ដូច្នេះយើងរង់ចាំមើលទាំងអស់គ្នាថាតើ OPPO នឹងមានអ្វីថ្មី សម្រាប់អតិថិជនរបស់ពួកគេ? ហើយតើ OPPO ពិតជានឹងមានស្មាតហ្វូនផ្សារភ្ជាប់ជាមួយ 5G ពិតប្រាកដមែនឬទេ?
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com