ជាតិ
សង្គមជាតិ
EDC នឹងផ្តាច់ភ្លើងបណ្តោះអាសន្ន៣ថ្ងៃក្នុងសង្កាត់ជាង១០កន្លែង នៅរាជធានីភ្នំពេញ
× ភ្នំពេញ៖ អគ្គិសនីកម្ពុជា(EDC) នឹងផ្អាកការផ្គត់ផ្គង់ភ្លើងបណ្តោះអាសន្ន៣ថ្ងៃនៅក្នុងសង្កាត់ជាង១០កន្លែង ក្នុងរាជធានីភ្នំពេញ។ ការផ្អាកចរន្តភ្លើងនេះ នឹងត្រូវធ្វើឡើងចាប់ពីម៉ោង៩ព្រឹក ដល់ម៉ោង៥ល្ងាច នៅថ្ងៃទី៧,៩ និងទី១០មីនា ឆ្នាំ២០១៩ ដើម្បីងាយស្រួលដល់ការងារជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ។ នេះបើយោងតាមសេចក្តីជូនដំណឹងរបស់ EDC។
បើតាម EDC តំបន់ភ្លើងដែលត្រូវផ្អាកនៅថ្ងៃទី៧ មីនា មាននៅក្នុងសង្កាត់ជ្រោយចង្វារ ចោមចៅទី១-ទី២ និងសង្កាត់និងស្រះចក។
នៅថ្ងៃទី៩ មីនា EDC នឹងផ្អាកចរន្តភ្លើង នៅក្នុងសង្កាត់ដង្កោ សង្កាត់ចោមចៅទី១ សង្កាត់កន្ទោក សង្កាត់កំបូល សង្កាត់ជ្រោយចង្វារ និងសង្កាត់បែកចាន។ និងថ្ងៃទី១០ មីនា នឹងផ្អាកចរន្តភ្លើងក្នុងសង្កាត់ គោកឃ្លាង សង្កាត់និរោធ សង្កាត់ឃ្មួញ សង្កាត់ព្រែកព្នៅ និងសង្កាត់ជ្រោយចង្វារ៕
© រក្សាសិទ្ធិដោយ thmeythmey.com