ពីនេះ ពីនោះ
ព័ត៍មានសុខភាព
ចង់ឲ្យស្បែកស្រស់ស្អាត កុំភ្លេចជ្រើសរើសញ៉ាំអាហារទាំងនេះឲ្យបានច្រើន
×![]()
ដោយ: ថ្មីៗ
របបអាហារផ្តល់សុខភាពគឺជារឿងសំខាន់សម្រាប់ស្បែកមានសុខភាពល្អ។ អាហារជាច្រើនដូចជា ប្រេងអូលីវ បន្លែ និងត្រីត្រូវបានគេរកឃើញថាជួយបន្ថយការកើតអាការៈស្បែកជ្រីវជ្រួញ។ រឿងនេះទំនងជាមកពីអង់ទីអុកស៊ីដង់ដែលមានក្នុងអាហារទាំងនេះតែម្តង។ 
ខាងក្រោមនេះ ខ្ញុំសូមណែនាំអាហារល្អៗបំផុតដែលអ្នកគួរតែញ៉ាំដើម្បីស្បែកមានសុខភាពល្អ៖
Carotenoids សម្រាប់ស្បែកភ្លឺថ្លា
ការស្រាវជ្រាវបានបញ្ជាក់ថា បន្លែ និងផ្លែឈើជាច្រើនអាចថែរក្សាស្បែកបានដោយសារតែវាផ្ទុកទៅដោយ Carotenoids ដែលសារធាតុបំពាក់ពណ៌មួយក្នុងចំណោមបីដែលប៉ះពាល់លើពណ៌ស្បែក។ កាលណាចំនួនវាមានកាន់តែច្រើន កាន់តែជួយឲ្យស្បែកភ្លឺថ្លា។ អាហារសម្បូរសារធាតុនេះមានដូចជា ដំឡូងជ្វា ប៉េងប៉ោះ ប្រូខូលី និងបន្លែពណ៌បៃតង។
Flavanols ទប់ស្កាត់ស្បែកជ្រីវជ្រួញ
សូកូឡាខ្មៅផ្ទុកទៅដោយសារធាតុកូកូអា យ៉ាងហោចណាស់ ៧០ភាគរយ ដែលអាចជួយទប់ស្កាត់ស្ត្រេស និងការខូចខាតកូឡាជែនក្នុងស្បែកបាន។ សូកូឡាអាចផ្ទុកទៅដោយអង់ទីអុកស៊ីដង់ជាច្រើនឈ្មោះថា Flavanols ព្រោះវាអាចជួយពង្រឹងដល់ភាពក្រាសរបស់ស្បែក និងបង្កើនលំហូរឈាមទៀត។
អូមេហ្គាបីសម្រាប់ស្បែកមានសំណើម
អូមេហ្កាបីអាចជួយថែរក្សាស្បែកឲ្យមានសំណើមជាប់ ហើយក៏អាចជួយបន្ថយការរលាកបានដែរ។ ត្រីសម្បូរខ្លាញ់ដូចជា ត្រីសាលម៉ុងសម្បូរសារធាតុនេះណាស់ ព្រមទាំងវីតាមីន E ផងដែរ។
ប្រូបាយអូទិចសម្រាប់ស្បែកមានសុខភាពល្អ
វាគឺជារឿងសំខាន់ណាស់ដែលមេរោគល្អៗក្នុងពោះត្រូវការជីវជាតិចិញ្ចឹមដើម្បីទ្រទ្រង់ដល់សុខភាព។ ប្រូបាយអូទិចអាចជួយថែរក្សា Microbiome ឲ្យមានសុខភាពល្អ ហើយវាក៏សំខាន់សម្រាប់ស្បែកស្អាត និងមានសុខភាពល្អដែរ។
វីតាមីន A សម្រាប់ស្បែករលាក
វីតាមីន A គឺជាតម្រូវការសម្រាប់កោសិកាលូតលាស់ល្អបំផុត ហើយក៏អាចមានឥទ្ធិពលដ៏ខ្លាំងទៅលើសុខភាពស្បែកដែរ។ វាដើរតួនាទីជាអង់ទីអុកស៊ីដង់ សម្រាប់ប្រឆាំងការរលាក និងជួយរក្សាតុល្យភាពស្បែកដែលរលាកផងដែរ។ វីតាមីន A ច្រើនតែមានក្នុងបន្លែ និងផ្លែឈើពណ៌ក្រហម លឿង ឬទឹកក្រូច ហើយបន្លែពណ៌បៃតងក៏មានដែរ ព្រមទាំងសាច់សត្វថែមទៀត។
ស័ង្គសីសម្រាប់មុន
ចូរញ៉ាំអាហារសម្បូរជាតិស័ង្គសីដោយសារតែវាជាជាតិរ៉ែដ៏សំខាន់សម្រាប់សុខភាពទាំងមូល និងការរស់នៅ។ ជាតិស័ង្គសីមានលក្ខណៈសំខាន់ជាពិសេសសម្រាប់សុខភាពស្បែក ហើយរបបអាហារដែលសម្បូរជីវជាតិមួយនេះនឹងជួយកែរសម្រួលការកើតមុនទៀត។ក្រៅពីសាច់ អយស្ទើ និងគ្រាប់ល្ពៅ ក៏សម្បូរជាតិស័ង្គសីដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 17 ម៉ោង
