អត្ថបទពាណិជ្ជកម្ម
អុីដតខូ ឈ្នះពានរង្វាន់លើកទី៣ជា ក្រុមហ៊ុនទូរគមនាគមន៍អាស៊ីប៉ាស៊ីហ្វិកប្រចាំឆ្នាំ ពីស្ថាប័ន Frost & Sullivan
× ទីក្រុងកូឡាឡាំពួ ប្រទេសម៉ាឡេស៊ី ថ្ងៃទី៥ ខែមេសា ឆ្នាំ២០១៩៖ ក្រុមហ៊ុន អុីដតខូ គ្រុប (edotco) ដែលជាក្រុមហ៊ុនឈានមុខគេ ក្នុងការផ្តល់សេវាហេដ្ឋារចនាសម្ព័ន្ធទូរគមនាគមន៍ កាលពីពេលថ្មីៗនេះ បានទទួលបាន«ពានរង្វាន់ក្រុមហ៊ុនទូរគមនាគមន៍អាស៊ីប៉ាស៊ីហ្វិកប្រចាំឆ្នាំ» សម្រាប់ឆ្នាំ២០១៩នេះ ពីស្ថាប័ន Frost & Sullivan។ នេះជាលើកទី៣ហើយ ដែលក្រុមហ៊ុននេះត្រូវបានទទួលស្គាល់ នៅក្នុងចំណាត់ថ្នាក់ប្រចាំតំបន់អាស៊ីប៉ាស៊ីហ្វិក បន្ទាប់ពីត្រូវបានទទួលស្គាល់នៅក្នុងឆ្នាំ២០១៦ ថាជាក្រុមហ៊ុនទូរគមនាគមន៍ប្រចាំឆ្នាំរបស់អាស៊ីអាគ្នេយ៍។
នៅក្នុងពិធីប្រគល់ពានរង្វាន់ លោក Suresh Sidhu អគ្គនាយកប្រតិបត្តិក្រុមហ៊ុន អុីដតខូ គ្រុប បានចាត់ទុកជោគជ័យនេះ ថាបានបញ្ជាក់ឲ្យឃើញពីភាពរីកចម្រើនរបស់ក្រុមហ៊ុន ដែលបានខិតខំប្រឹងប្រែង ក្នុងការបម្រើការ និងពង្រីកស្ថាប័នរបស់ខ្លួននៅក្នុងតំបន់។ លោក Suresh Sidhu បន្តថានៅពេលដែលប្រទេសមួយកំពុងខិតខំប្រឹងប្រែង ស្វែងរកនូវសេវាកម្មបច្ចេកវិទ្យាដែលពួកគេចង់បាន នៅពេលនោះហើយដែលក្រុមហ៊ុនបានដើរតួនាទីយ៉ាងសំខាន់ ក្នុងការធ្វើជាស្ពាន ដើម្បីភ្ជាប់ទំនាក់ទំនង និងធានានូវហេដ្ឋារចនាសម្ព័ន្ធរួមបានត្រឹមត្រូវ ពីប្រទេសមួយ ទៅប្រទេសមួយទៀត។ លោក Suresh Sidhu បន្តបញ្ជាក់ថា៖«ក្រុមហ៊ុនអុីដតខូ ក៏បាននាំមកនូវភាពច្នៃប្រឌិត និងការអនុវត្តន៍ដ៏ល្អបំផុត ទៅដល់បណ្តាប្រទេសដែលយើងមានវត្តមាន និងបញ្ជាក់ឲ្យច្បាស់ ពីភាពនាំមុខគេ ដែលលើសពីការថែរក្សា អភិវឌ្ឍន៍ និងការផ្តល់ផលប្រយោជន៍ដល់សង្គម»។
លោក Richard Wong អនុប្រធាន នឹងជាអ្នកដឹកនាំជាន់ខ្ពស់របស់វិទ្យាស្ថាន ICT ប្រចាំតំបន់អាស៊ីប៉ាស៊ីហ្វិក នៃស្ថាប័ន Frost & Sullivan បានបន្ថែមថា៖«អុីដតខូ បានបង្ហាញពីសមត្ថភាពដើម្បីជួយជ្រោមជ្រែងនៅក្នុងការប្រកួតប្រជែងវិស័យទូរគមនាគមន៍ ដើម្បីសម្របសម្រួលខ្លួនទៅតាមការផ្លាស់ប្តូរ របស់វិស័យបច្ចេកវិទ្យា។ នេះមិនត្រឹមតែជាការបង្ហាញឲ្យឃើញ នូវការរីកលូតលាស់ និងភាពជោគជ័យលើបច្ចេកវិទ្យាជំនាន់ថ្មី របស់ដៃគូនៅក្នុងតំបន់ប៉ុណ្ណោះទេ ប៉ុន្តែវាជាការតាំងចិត្តដ៏មោះមុតរបស់ អុីដតខូ នៅក្នុងវិស្វកម្មពណ៌បៃតង។ ពួកយើងសង្ឃឹមថានឺងបានដឹងបន្ថែមទៀត នូវការជំរុញ និងអភិវឌ្ឍន៍គំនិតច្នៃប្រឌិតរបស់ពួកគេ នាថ្ងៃអនាគត»។
នៅក្នុងឆ្នាំ ២០១៨ អុីដតខូ បានបង្ហាញឲ្យឃើញពីភាពនាំមុខគេនៃការរចនាដ៏យូរអង្វែង និងការផ្តល់ឲ្យនូវថាមពលប្រើប្រាស់ឡើងវិញ ដែលជាធនធានដ៏ល្អឥតខ្ចោះ ក្នុងការកាត់បន្ថយផលប៉ះពាល់ដល់បរិស្ថាន។ ហេតុផលទាំងនេះហើយ ដែលធ្វើឲ្យក្រុមហ៊ុនទទួលបានជោគជ័យ លើការកាត់បន្ថយលើការបញ្ចេញកាបូន ដល់ទៅ ៤៤ភាគរយ ហើយក៏បានក្លាយទៅជាក្រុមហ៊ុន ដែលនាំមុខគេលើការអភិវឌ្ឍន៍ដ៏គង់វង្ស និងយូរអង្វែង។
សម្រាប់អុីដតខូ ភាពគង់វង្ស និងយូរអង្វែង គឺជាធាតុផ្សំដ៏សំខាន់របស់ក្រុមហ៊ុន ក្នុងការដឹកនាំការធ្វើប្រតិបត្តិការនៃមុខជំនួញ និងការតាំងចិត្ត ទៅលើភាពប្រកួតប្រជែងរបស់ក្រុមហ៊ុន ក៏ដូចជាបញ្ជាក់ឲ្យច្បាស់ នូវការបង្កើតឡើងដោយភាពវិជ្ជមាន និងការកាត់បន្ថយផលប៉ះពាល់ទៅលើទីផ្សារ ដែលក្រុមហ៊ុនកំពុងឈរជើង។ នេះជាការបញ្ជាក់របស់លោក Suresh Sidhu អគ្គនាយកប្រតិបត្តិក្រុមហ៊ុន អុីដតខូ គ្រុប។ លោក Suresh បន្តដូច្នេះ៖«ខ្ញុំពិតជាមានមោទកភាពណាស់ ដែលបានចែករំលែកក្នុងអំឡុង២០១៨ ជាមួយនិងទិន្នន័យសរុប ចំនួន១,១១២ សម្រាប់ green sites ដែលផ្ទុកទៅដោយអ្នកដែលប្រើប្រាស់ Renewable Energy និងធាតុផ្សំដែលគួរឲ្យកត់សម្គាល់លើស ១,០០០គ្រួសារ ដែលបានផ្តល់ថាមពលដោយគម្រោងចរន្តអគ្គិសនីរបស់ពួកយើង(Tower to Community)»។
ពានរង្វាន់ Frost & Sullivan ល្អបំផុតប្រចាំនៅអាស៊ីប៉ាស៊ីហ្វិក ដែលទទួលស្គាល់ពីក្រុមហ៊ុនដែលពូកែផ្នែកជំនួញ ក៏ដូចជាកិច្ចខិតខំប្រឹងប្រែងរបស់ពួកគេ ក្នុងការអភិវឌ្ឍនៃឧស្សាហកម្មនៅឆ្នាំ ២០១៨។ ក្រុមអ្នកវាយតម្លៃប្រចាំស្ថាប័ន Frost & Sullivan អនុវត្តវិធីសាស្ត្រយ៉ាងហ្មត់ចត់ ក្នុងការវាយតម្លៃយ៉ាងសុក្រឹតបំផុត ហើយប្រភេទពានរង្វាន់ដែលផ្តល់ជូនជារៀងរាល់ឆ្នាំ ត្រូវបានពិនិត្យឡើងវិញ និងវាយតម្លៃដោយប្រុងប្រយ័ត្ន ដើម្បីឆ្លុះបញ្ចាំងពីទិដ្ឋភាពទីផ្សារបច្ចុប្បន្ន រួមទាំងនិន្នាការលេចធ្លោថ្មីៗ។ ក្រុមហ៊ុនដែលត្រូវបានជ្រើសរើស ត្រូវបានគេវាយតម្លៃលើសូចនាករ ស្តីពីការអនុវត្តទីផ្សារពិតប្រាកដ ដែលរួមមានកំណើនប្រាក់ចំណូល ចំណែកទីផ្សារ និងកំណើនចំណែកទីផ្សារ ភាពជាអ្នកដឹកនាំក្នុងការបង្កើតផលិតផល យុទ្ធសាស្ត្រទីផ្សារ និងយុទ្ធសាស្ត្រអភិវឌ្ឍន៍អាជីវកម្ម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com