ភ្នំពេញថ្ងៃទី ១១ មេសា ២០១៩៖ ក្រុមហ៊ុន សាមសុង បានបញ្ចេញស្មាតហ្វូនត្រកូល Galaxy A របស់ខ្លួន ២ម៉ូឌែលទៀត គឺ Samsung Galaxy A70 និង Galaxy A80 ជាមួយនឹងរូបរាង និងលក្ខណៈពិសេសថ្មីៗ យ៉ាងទាក់ទាញ និងប្រកបដោយលក្ខណៈសម្បត្តិខ្ពស់។ ជំនាន់ក្រោយទាំង២ ម៉ូឌែលនេះ ត្រូបានដាក់សម្ពោធជាផ្លូវការ កាលពីយប់ថ្ងៃទី១០ ខែមេសា ឆ្នាំ២០១៩ ដែលធ្វើឡើងនៅទីក្រុងបាងកក ប្រទេសថៃ។
ចំណុចពិសេសបំផុតនោះគឺ ស្មាតហ្វូនជំនាន់ថ្មី Samsung Galaxy A80 បានរចនាមកជាមួយនឹង រូបរាងថ្មី អេក្រង់ធំលាតសន្ធឹង 100% និងកាមេរ៉ាជំនាន់ថ្មីពិសេស ដែលផ្តល់គុណភាពខ្ពស់សម្រាប់ការ Selfie ក៏ដូចជាការថតរូបធម្មតា ដែលមិនធ្លាប់មានក្នុងសែស្រឡាយត្រកូល A ពីមុនមក។ ចំណែក Samsung Galaxy A70 ក៏បានបង្ហាញខ្លួនជាមួយភាពឆើតឆាយ ស្រោបជាមួយកញ្ចក់ទាំងមុខក្រោយ ថាមពលថ្មខ្លាំងដាច់គេ 4500mAh និងប្រតិបត្តិការជាមួយអង្គប្រតិបត្តិដ៏ខ្លាំងក្លា។ ក្នុងពេលដ៏មហាអស្ចារ្យនេះ កម្មវិធីក៏បានប្រកាសបង្ហាញពីតំណាងផលិតផលជាផ្លូវការរបស់សាមសុងកម្រិតពិភពលោកគឺ កញ្ញាទាំង 4 នាក់របស់ក្រុមចម្រៀង BLACKPINK ដ៏ល្បីល្បាញរបស់ប្រទេសកូរ៉េ ដែលបានបង្ហាញខ្លួន ក៏ដូចជាបង្កើតនូវក្តីរីករាយដល់កម្មវិធីផងដែរ។
ក្រុមហ៊ុន សាមសុង បានបញ្ជាក់ថា វត្តមានស្មាតហ្វូនជំនាន់ថ្មីដ៏អស្ចារ្យ ស៊េរី Galaxy A70 នឹងដាក់លក់ជាផ្លូវការ ក្នុងប្រទេសកម្ពុជានៅចុងខែមេសា ឆ្នាំ២០១៩ ខណៈ Galaxy A80 នឹងបង្ហាញខ្លួនលើទីផ្សារនៅដំណាច់ ខែឧសភា ឆ្នាំ២០១៩ នេះ។ រីឯតម្លៃវិញ ក្រុមហ៊ុន សាមសុង មិនទាន់បានបញ្ជាក់ជាផ្លូវការនៅឡើយ។ ដូច្នេះសូមអតិថិជនរបស់ សាមសុងទាំងអស់ រង់ចាំតាមដាននៅពេលខាងមុខឆាប់ៗនេះ។
សូមបញ្ជាក់ថា ប្រតិភូពីកម្ពុជាជាច្រើននាក់ ក៏បានចូលរួមក្នុងកម្មវិធីកម្រិតអន្តរជាតិនេះដែរ ក្នុងនោះ មានអ្នកដែលមានសំណាងឈ្នះ ពីការជាវផលិតផលសាមសុង Galaxy A30 និង A50 នាពេលកន្លងមក រួមជាមួយហ្វេនរបស់សាមសុង ដែលដឹកនាំដោយតំណាងផលិតផលក្រុមហ៊ុនសាមសុងកម្ពុជា គឺកញ្ញា មាន សូនីតា។
ដើម្បីជ្រាបឱ្យកាន់តែច្បាស់ យើងនឹងបង្ហាញពីលក្ខណៈសម្បត្តិពិសេសៗ រួមទាំងកម្លាំងម៉ាស៊ីននៅខាងក្រោមនេះទាំងអស់គ្នា៖
* Samsung Galaxy A70
- អេក្រង់ធំទំហំ 6.7 អ៊ីញ (ម៉ូតអេក្រង់ Infinity-U Display)
- ប្រើប្រាស់កញ្ចក់ប្រភេទ Super AMOLED
- កម្រិតបង្ហាញរូបភាព Full HD+
- ស្រោបខ្នងខាងក្រោយដោយ 3D Glasstic
- ប្រភេទម៉ាស៊ីនប្រើបន្ទះឈីប Qualcomm (SM 6150) Octa Core (2.0GHz Dual + 1.7GHz Hexa)
- រ៉េមទំហំ 6GB
- អង្គផ្ទុក 128GB និងអាចបន្ថែមបានរហូតដល់ 512GB
- កាមេរ៉ាខាងមុខ 1 គ្រាប់ ទំហំ 32 មេហ្គាភិចសែល
- កាមេរ៉ាក្រោយ 3 គ្រាប់៖ 32 មេហ្គាភិចសែលជាកាមេរ៉ាគោល + 5 មេហ្គាភិចសែល ជាលេន Ultra Wide + 8 មេហ្គាភិចសែលជា Depth Sensor សម្រាប់ថតព្រាលផ្ទៃខាងក្រោយ។
- ថាមពលថ្ម 4500mAh
- ទ្រទ្រង់កម្លាំងសាកថ្មលឿនបាន 25W Super Fast Charging / USB type C
- អាចស្កេនម្រាមដៃនៅលើអេក្រង់បាន
- ដំណើរការដោយ Android 9 Pie
- ស្រោបដោយ One UI និងរួមបញ្ចូលជាមួយមុខងារល្អដូចជា Night Mode ជាដើម។
- Galaxy A70 ថ្មីនេះ មានជម្រើស 4 ពណ៌ សម្រាប់ជ្រើសរើស រួមានពណ៌ខ្មៅ, ពណ៌ស, ពណ៌ខៀវ និងពណ៌ Coral។
** Samsung Galaxy A80
- អេក្រង់ធំទំហំ 6.7 អ៊ីញ (ម៉ូតអេក្រង់ New Infinity-Display)
- ប្រើប្រាស់កញ្ចក់ប្រភេទ Super AMOLED
- កម្រិតបង្ហាញរូបភាព Full HD+
- ស្រោបខ្នងខាងក្រោយដោយ 3D Glasstic និងស្រោបស៊ុមជុំវិញដោយលោហៈ (Metal Frame)
- ប្រភេទម៉ាស៊ីនប្រើបន្ទះឈីប Qualcomm (SDM 730G) Octa Core (2.2GHz Dual + 1.7GHz Hexa)
- រ៉េមទំហំ 8GB
- អង្គផ្ទុក 128GB
- កាមេរ៉ាខាងមុខឆ្លាស់ជាមួយនឹងកាមេរ៉ាក្រោយ 3 គ្រាប់ ទំហំ 48 មេហ្គាភិចសែលជាកាមេរ៉ាគោល + 8 មេហ្គាភិចសែល ជាលេន Ultra Wide + 3D Depth
- ថាមពលថ្ម 3700mAh
- ទ្រទ្រង់កម្លាំងសាកថ្មលឿនបាន 25W Super Fast Charging / USB type C
- អាចស្កេនម្រាមដៃនៅលើអេក្រង់បាន
- ដំណើរការដោយ Android 9 Pie ស្រោបដោយ One UI
- Galaxy A80 ថ្មីនេះ មានជម្រើសច្រើនពណ៌សម្រាប់ជ្រើសរើស។
សម្រាប់ព័ត៌មានបន្ថែម សូមអញ្ជើញមកកាន់សាខា និងដេប៉ូចែកចាយរបស់ក្រុមហ៊ុន សាមសុង ណាមួយ ដែលនៅជិតលោកអ្នកបំផុត ឬអាចទំនាក់ទំនងមកកាន់លេខ 1800 20 3232៕
(អត្ថបទពាណិជ្ជកម្ម)