អត្ថបទពាណិជ្ជកម្ម
ក្រុមបាល់ទះនារីសហរដ្ឋអាមេរិក ឈ្នះជើងឯកបាល់ការប្រកួតទះឆ្នេរខ្សាច់ស្រាបៀអាន់ឆ័រ លើកទី២ នៅខេត្តបាត់ដំបង
× បាត់ដំបង៖ក្រុមបាល់ទះនារីមកពីសហរដ្ឋអាមេរិក ដណ្តើមមេដាយមាស នៅក្នុងព្រឹត្តិការណ៍ការប្រកួតបាល់ទះឆ្នេរខ្សាច់អន្តរជាតិ ស្រាបៀរអាន់ឆ័រលើកទី២ ផ្នែកនារី នៅខេត្តបាត់ដំបង បន្ទាប់ពីបានយកឈ្នះក្រុមបាល់ទះនារី មកពីប្រទេសក្រិច ដោយលទ្ធផល២សិត ទល់០ នៅវគ្គផ្តាច់ព្រ័ត្រ កាលពីល្ងាចថ្ងៃទី៧ ខែមេសា នៅបរិវេណវាលបែកចាន ទីរួមខេត្តបាត់ដំបង។
អធិបតីជាច្រើនរូប រួមមាន លោក ស សុខា រដ្ឋលេខាធិការនៃក្រសួងអប់រំ យុវជន និងកីឡា និងជាអនុប្រធានសហព័ន្ធកីឡាបាល់ទះកម្ពុជា , លោក ងួន រតនៈ អភិបាលខេត្តបាត់ដំបង, លោក Chris Liu នាយកផ្នែកបច្ចេកទេសសហព័ន្ធកីឡាបាល់ទះអន្តរជាតិ (FIVB), លោក Moon Yoo នាយកផ្នែកទីផ្សារ នៃក្រុមហ៊ុនស្រាបៀរអាន់ឆ័រ , អ្នកនាង Justina Vincent នាយកម៉ាកសញ្ញាស្រាបៀរអាន់ឆ័រ និងលោក ហ៊ុយ វុទ្ធី នាយកទំនាក់ទំនងកិច្ចការសហគ្រាស និងភ្ញៀវកិត្តិយសជាច្រើនទៀត បានចូលរួមក្នុងពិធី ប្រគល់រង្វាន់ជូនក្រុមជ័យលាភី។
ក្រុមជើងឯកបានទៅលើក្រុមសហរដ្ឋអាមេរិកឈ្នះមេដាយមាស និងប្រាក់រង្វាន់១,០០០ដុល្លារ ។ ក្រុមជើងឯករង បានទៅលើក្រុមប្រទេសក្រិច ទទួលបានមេដាយប្រាក់ និងប្រាក់រង្វាន់៧០០ដុល្លារ និងក្រុមចំណាត់ថ្នាក់លេខ៣ បានទៅលើក្រុមប្រទេសជប៉ុន បានមេដាយសំរឹទ្ធ និងប្រាក់រង្វាន់៥០០ដុល្លារ។ ក្រុមទទួលជ័យលាភីទាំងបីក្រុមនេះ មានសិទ្ធិលេងសម្រាប់វគ្គផ្តាច់ព្រ័ត្រ ក្នុងក្របខណ្ឌ FIVB World Tour ក្នុងព្រឹត្តិការណ៍កីឡាអូឡាំពិក២០២០ ប្រទេសជប៉ុន ដើម្បីឈានរកទៅជើងឯកពិភពលោក។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com