ខេត្តបាត់ដំបង៖ សាខាថ្មីទី៥របស់ធនាគារ ប្រេដ ប៊ែង ខេមបូឌា បានដាក់ឲ្យដំណើរការនៅថ្ងៃទី១០ខែមេសាឆ្នាំ២០១៩នេះនៅក្នុងខេត្តបាត់ដំបង បន្ទាប់ពីបានដាក់ឲ្យដំណើរការ ការិយាល័យកណ្តាលរបស់ខ្លួនកាលពីខែមីនា ឆ្នាំ២០១៧ នៅកណ្តាលក្រុងភ្នំពេញ, សាខាទួលគោកនៅខែសីហាឆ្នាំ២០១៨, សាខាខេត្តសៀមរាបនៅខែតុលាឆ្នាំ២០១៨ និងសាខាម៉ៅសេទុងនៅខែមករាឆ្នាំ២០១៩កន្លងមក។ ខេត្តបាត់ដំបង គឺជាខេត្តទី២ បន្ទាប់ពីខេត្តសៀមរាប ដែលធនាគារ ប្រេដ ប៊ែង ខេមបូឌា បានសម្រេចចិត្តបង្ហាញវត្តមានរបស់ខ្លួន។
ធនាគារ ប្រេដ ប៊ែង ខេមបូឌា បានចាក់គ្រឹះដ៏រឹងមាំ នៅក្នុងវិស័យធនាគារនៅកម្ពុជា និងរក្សាបាននូវការរីកចម្រើនទៅមុខជាលំដាប់។ ការបន្ថែមទីតាំងថ្មីទាំងនេះគឺជាមធ្យោបាយមួយបន្ថែមទៀត ដើម្បីបម្រើទីផ្សារកម្ពុជាឱ្យបានកាន់តែប្រសើរជាងមុនទៀត។
«ការបើកទីតាំងជាច្រើននៅរាជធានីភ្នំពេញក៏ដូចជានៅតាមបណ្តាខេត្តសំខាន់ៗ គឺដើម្បីផ្តល់ឱកាសឱ្យយើងក្នុងការពង្រីកវិសាលភាព នៅក្នុងប្រទេស និងពង្រីកសេវាកម្ម សម្រាប់អតិថិជនរបស់យើងនាពេលបច្ចុប្បន្ន និងអនាគត។ ការបើកបណ្តាញនេះ គឺជាបំណែកដ៏សំខាន់ ក្នុងការផ្តល់សេវាកម្មធនាគារដ៏ពេញលេញមួយ។ បន្ថែមពីលើកម្មវិធីធនាគារចល័ត (Mobile App) និងប្រព័ន្ធផ្តល់សេវាធនាគារតាមអ៊ីនធើណែត ទីតាំងថ្មីៗរបស់យើងជួយយើងក្នុងការនាំយកសេវាកម្មធនាគារកាន់តែកៀកទៅនឹងអតិថិជនរបស់យើង។ អាទិភាពរបស់យើងគឺបំពេញតម្រូវការផ្នែកធនាគារនិងការផ្តល់ប្រាក់កម្ចី តាមរយៈបណ្ដាញដែលមានទាំងអស់។»។ នេះបើយោងតាមកំណត់សម្គាល់របស់ លោកស្រី មាស គន្ធា នាយិកាគ្រប់គ្រងបណ្តាញសាខា នៃធនាគារប្រេដ ប៊ែង ខេមបូឌា។
ពិធីបើកសម្ពោធជាផ្លូវការ ធនាគារ ប្រេដ ប៊ែង ខេមបូឌា សាខាបាត់ដំបងប្រព្រឹត្តធ្វើ នៅថ្ងៃពុធ ទី ១០ ខែមេសា ឆ្នាំ ២០១៩ ចាប់ពីម៉ោង ៨:៣0 ព្រឹក ក្រោមវត្តមានដ៏ខ្ពង់ខ្ពស់របស់ឯកឧត្តម សឿម ប៊ុនរិទ្ធិ អភិបាលរងនៃគណៈអភិបាលខេត្តបាត់ដំបង, ឯកឧត្តម រ័ត្ន សុវណ្ណនរៈ អគ្គនាយកត្រួតពិនិត្យ ធនាគារជាតិនៃកម្ពុជា, លោក Guillaume Perdon អគ្គនាយកនៃធនាគារ ប្រេដ ប៊ែង ខេមបូឌា នៅ អាសយដ្ឋាន ផ្ទះលេខ ៣៦ និង៣៧ ផ្លូវលេខ១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ក្រុមធនាគារ ប្រេដ គ្រុប (BRED Group) បានដាក់យុទ្ធសាស្ត្រ «ធនាគារគ្មានរយៈចម្ងាយ» ចាប់តាំងពីឆ្នាំ ២០១៦ តាមរយៈការដាក់ឲ្យប្រើប្រាស់នូវ «ធនាគារមួយដែលនៅជិតអតិថិជនរបស់ខ្លួន ទាំងទីតាំងភូមិសាស្ដ្រ ក៏ដូចជាទំនាក់ទំនង ធ្វើយ៉ាងណាឲ្យទទួលបាននូវអ្វីដែលល្អបំផុតតាមដែលការខិតជិតផ្នែកឌីជីថល និងបណ្តាសាខាអាចផ្តល់ទៅបាន»។ នេះបើតាមប្រសាសន៍របស់ លោក Olivier Klein នាយកប្រតិបត្តិ ក្រុមធនាគារ ប្រេដ គ្រុប។
ក្រុមការងារប្រកបដោយបទពិសោធន៍នៃធនាគារ ប្រេដ ប៊ែង ខេមបូឌា នឹងធានាផ្តល់ជូនអតិថិជន នូវជំនួយហិរញ្ញវត្ថុ និងប្រឹក្សាយោបល់ដ៏ល្អបំផុត សមស្របទៅតាមតម្រូវការរបស់ពួកគាត់។
«គោលបំណងរបស់យើងគឺការបំបាត់នូវគម្លាត និងផ្តល់ជូនប្រជាជនកម្ពុជា នូវដៃគូទំនាក់ទំនងដែលអាចទុកចិត្តបាន និងដែលអាចពិភាក្សាដោយសេរីជាមួយបាន ពីគម្រោងនិងមហិច្ឆតារបស់ពួកគាត់។ អ្វីដែលសំខាន់សម្រាប់យើង គឺធ្វើយ៉ាងណាដើម្បីឲ្យយើងអាចបម្រើលោកអ្នក និងជួយលោកអ្នកឱ្យរីកចម្រើនបាន។ ចាប់ផ្តើមជាមួយ ប្រេដ រីកចម្រើនជាមួយ ប្រេដ»។ នេះបើតាមការលើកឡើងរបស់ លោក Guillaume Perdon អគ្គនាយកនៃធនាគារ ប្រេដ ប៊ែង ខេមបូឌា។
ធនាគារ ប្រេដ ប៊ែង ខេមបូឌា គ្រោងនឹងបើកបណ្តាញសាខាថ្មីៗជាច្រើនទៀត នៅរាជធានីភ្នំពេញ និងនៅតាមបណ្តាខេត្តនានា នាពេលឆាប់ៗខាងមុខនេះ ដូចជានៅចោមចៅ នៅខែមិថុនា នៅម្តុំផ្សារអូឡាំពិក នៅខែកញ្ញា និងនៅផ្លូវ ២៧១ ក្រុងភ្នំពេញ ឬនៅក្រុងព្រះសីហនុ នៅចុងឆ្នាំ ២០១៩។
ទិសដៅរបស់ ធនាគារ ប្រេដ ប៊ែង ខេមបូឌា គឺបើកសាខាចំនួន ២០ និងដាក់ឲ្យដំណើរការទូអេធីអឹមចំនួន ១០០ នៅចុងឆ្នាំ ២០២០ ខាងមុខនេះ៕
(អត្ថបទពាណិជ្ជកម្ម)