ក្រសួង ឲ្យពាណិជ្ជករបរទេសចុះបញ្ជីម៉ាកសម្គាល់ភូមិសាស្ត្រទំនិញ ដើម្បីបានការគាំពារផ្លូវច្បាប់

ជាតិ

ក្រសួង ឲ្យពាណិជ្ជករបរទេសចុះបញ្ជីម៉ាកសម្គាល់ភូមិសាស្ត្រទំនិញ ដើម្បីបានការគាំពារផ្លូវច្បាប់

30, Apr 2019 , 9:19 pm

រូបភាព

រូបភាពពីក្រសួងពាណិជ្ជកម្ម

ដោយ: ឡាយ សុភាវតី

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអំពាវនាវឲ្យក្រុមហ៊ុនបរទេស ចុះបញ្ជីម៉ាកសម្គាល់ភូមិសាស្ត្រទំនិញ ដើម្បីទទួលបានការគាំពារផ្លូវច្បាប់ ដោយសារកម្ពុជាគឺជាសមាជិកនៃអង្គការកម្មសិទ្ធិបញ្ញាពិភពលោក។ កម្ពុជា មានច្បាប់និងលិខិតបទដ្ឋានគតិយុត្តិជាច្រើន សម្រាប់ការពារទាំងម៉ាកសម្គាល់ភូមិសាស្ត្រទំនិញកម្ពុជា និងបរទេស។ នេះបើយោងតាមការចេញផ្សាយលើទំព័រហ្វេសប៊ុកផ្លូវការរបស់ក្រសួងពាណិជ្ជកម្ម នៅព្រឹកថ្ងៃទី៣០មេសា ឆ្នាំ២០១៩។

រដ្ឋមន្ត្រីក្រសួងពាណិជ្ជកម្ម បានលើកឡើងថា ក្រុមហ៊ុនបរទេសគួរតែយកគំរូតាមស្រាសំប៉ាញ Champagne បារាំង គឺទទួលបានការគាំពារផ្លូវច្បាប់ ដែលធ្វើឡើងក្នុងពិធីទទួលស្គាល់ស្រាសំប៉ាញរបស់គណៈកម្មការអន្តរអាជីពនៃស្រាសំប៉ាញ (CIVC) បារាំង ជាម៉ាកសម្គាល់ភូមិសាស្ត្រនៅស្ថានទូតបារាំងថ្ងៃទី២៩មេសា ឆ្នាំ២០១៩។

ទន្ទឹមនឹងនេះ លោក ប៉ាន សូរស័ក្តិ បានលើកឡើងថា រដ្ឋាភិបាលកម្ពុជា បានលើកស្ទួយវិស័យកម្មសិទ្ធិបញ្ញាជាតិ និងពង្រឹងច្បាប់បណ្ដុះបណ្ដាល និងបញ្ជ្រាបកម្មសិទ្ធិបញ្ញាចូលក្នុងកម្មវិធីអប់រំ រួមទាំងកិច្ចព្រមព្រៀមអន្តរជាតិសំខាន់ៗ ពាក់ព័ន្ធនឹងកម្មសិទ្ធិបញ្ញា៕