អត្ថបទពាណិជ្ជកម្ម
កូនខ្មែរមួយក្រុមបង្កើតកម្មវិធីហៅកង់បី GoGo Taxi APP ដើម្បីផ្តល់ជម្រើសកាន់តែច្រើនដល់អតិថិជន
× កូនខ្មែរមួយក្រុមដែលមានជំនាញផ្សេងៗគ្នា បានសម្រេចបង្កើតកម្មវិធីហៅកង់បី និងតាក់ស៊ី តាមទូរសព្ទដៃ ដែលមានឈ្មោះថា GoGo Taxi Cambodia។ លោក ទូច ពិសិដ្ឋ សមាជិកស្ថាបនិក GoGo Taxi Cambodia និងជាអ្នកគ្រប់គ្រងទីផ្សារផង បញ្ជាក់ក់ថា មូលហេតុចម្រងដែល GoGo Taxi Cambodia ត្រូវបានបង្កើតឡើង ដោយសារតែសេចក្តីស្រឡាញ់ និងការចង់ចូលរួមចំណែកធ្វើឲ្យវិស័យដឹកជញ្ជូននៅប្រទេសកម្ពុជាកាន់តែប្រសើរ។ ជាពិ សេសនោះ គឺផ្តល់ជម្រើសធ្វើដំណើរដ៏ល្អបំផុតសម្រាប់អតិថិជន។
លោក ពិសិដ្ឋ បន្តពន្យល់ថា បច្ចុប្បន្ននិន្នាការផ្លាស់ប្តូរមធ្យោបាយធ្វើដំណើរ របស់ប្រជាពលរដ្ឋកម្ពុជា ជាពិសេសស្រទាប់យុវវ័យ និងបជ្ឈិមវ័យ ឲមានកាន់តែច្រើន។ ស្របពេលដែលបច្ចេកវិទ្យាក៏រីកចម្រើន រីឯចរាចរណ៍នៅក្នុងទីក្រុងកាន់តែកកស្ទះ ពីមួយថ្ងៃ ទៅមួយថ្ងៃនោះ បានក្លាយជាមូលហេតុ ដែលអ្នករស់នៅទីក្រុងធុញទ្រាន់ និងហត់នឿយក្នុងការបើកបរដោយខ្លួនឯង។
អ្នកគ្រប់គ្រងទីផ្សាររូបនេះ សង្ឃឹមថា វត្តមានរបស់ GoGo Taxi Cambodia នៅលើទីផ្សារនៅក្នុងពេលនេះ នឹងអាចចូលរួមធ្វើឲ្យការរស់នៅរបស់ប្រជាពលរដ្ឋកម្ពុជា ជាពិសេសអ្នកនៅក្នុងទីក្រុងកាន់តែប្រសើរ តាមរយៈការផ្តល់ជូននូវជម្រើរសេវាកម្មហៅកង់បី ឬតាក់ស៊ី ដ៏ល្អបំផុត សម្រាប់ពួកគាត់។
មិនត្រឹមតែប៉ុណ្ណោះ ក្រុមហ៊ុនរបស់ខ្លួន បានប្រកាន់យកគោលការណ៍ស្មោះត្រង់ជាមួយអតិថិជន ដោយផ្តល់ការទូទាត់ដ៏ត្រឹមត្រូវ ងាយស្រួល និងរហ័សទាន់ចិត្ត។ ដោយឡែក ម្ចាស់រ៉ឺម៉កកង់បី និងតាក់ស៊ីដែលជាដៃគូ ក៏មានវិជ្ជាជីវៈក្នុងការផ្តល់សេវាកម្មនេះដែរ។ លើសពីនេះ កម្មវិធីហៅកង់បី និងតាក់ស៊ីមួយនេះ ងាយស្រួលជាងគូប្រជែងដោយបានគ្របដណ្តប់គ្រប់ទីកន្លែង ហើយអ្នកបើកបរដែលជាដៃគូ និងអតិថិជនដែលប្រើប្រាស់ ទទួលអត្ថប្រយោជន៍គ្រប់ពេលដែលប្រើប្រាស់។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com