ព្រឹត្តិការណ៍ Tiger Street Football 2020 មណ្ឌលបាត់ដំបងជម្រុះសល់៣២ក្រុម

អត្ថបទពាណិជ្ជកម្ម

ព្រឹត្តិការណ៍ Tiger Street Football 2020 មណ្ឌលបាត់ដំបងជម្រុះសល់៣២ក្រុម

03, Feb 2020 , 10:02 am

រូបភាព

ដោយ: ថ្មីៗ

ខេត្តបាត់ដំបង៖ ព្រឹត្តិការណ៍បាល់ទាត់ Tiger Street Football 2020 មណ្ឌលបាត់ដំបង ដែលជាមណ្ឌលទី៤ បានដំណើរការប្រកួតអស់ពេល២ថ្ងៃ គឺចាប់ពីព្រឹកថ្ងៃទី៣១ ខែមករា ដល់ល្ងាចថ្ងៃទី១ ខែកុម្ភៈនេះ។ រយៈពេល២ថ្ងៃនេះមាន ក្រុមបាល់ទាល់ចំនួន ៩២ក្រុម បានធ្លាក់ចេញពីការប្រកួត ហើយនៅសល់តែ៣២ក្រុមប៉ុណ្ណោះ ដែលបានឡើងទៅប្រកួតបន្ត ឆ្ពោះទៅដណ្តើមដំណែងជើងឯក ប្រចាំមណ្ឌលបាត់ដំបង។

លោក ទុយ វិច្ឆិកា ប្រធានបច្ចេកទេស ដឹកនាំព្រឹត្តិការណ៍ Tiger Street Football 2020 បានបញ្ជាក់ថា ៣២ក្រុមដែលនៅសល់នេះ គឺសុទ្ធសឹងជាក្រុមខ្លាំង ហើយនៅថ្ងៃ ទី២ ខែកុម្ភៈ ពួកគេបានបន្តការប្រកួតទៀត ដើម្បីជម្រុះយក១៦ក្រុម និងជម្រុះជាបន្តបន្ទាប់ពី១៦ក្រុមចុងក្រោយ ជម្រុះយក៨ក្រុម។ ៨ក្រុម ជម្រុះយក៤ក្រុម ឡើងទៅប្រកួតវគ្គពាក់កណ្តាលផ្តាច់ព្រ័ត្រ។ បើតាម លោក ទុយ វិច្ឆិកា អ្នកឈ្នះវគ្គពាក់កណ្តាលផ្តាច់ព្រ័ត្រទាំង៤ក្រុម នឹងត្រូវប្រកួតវគ្គផ្តាច់ព្រ័ត្រ ដណ្តើមចំណាត់ថ្នាក់លេខ១ និងលេខ២ ។ ឯក្រុមដែលប្រកួតចាញ់ត្រឹមវគ្គពាក់កណ្តាលផ្តាច់ព្រ័ត្រ និងត្រូវប៉ះគ្នា ដណ្តើមចំណាត់លេខ៣ និង៤។

សម្រាប់ព្រឹត្តិការណ៍ Tiger Street Football 2020 មណ្ឌលបាត់ដំបង ដែលជាមណ្ឌលទី៤ និងជ្រើសយកតែ១០ក្រុមប៉ុណ្ណោះ ឡើងទៅប្រកួតវគ្គផ្តាច់ព្រ័ត្រនៅរាជធានីភ្នំពេញ នៅថ្ងៃទី២០កុម្ភៈ ដល់ថ្ងៃទី១ ខែមីនា។ បន្ទាប់ពីបញ្ចប់មណ្ឌលបាត់ដំបង ដែលជាមណ្ឌលទី៤នេះ មណ្ឌលទី៥ គឺជាមណ្ឌលកំពង់ចាម ដែលមាន៦ខេត្តចូលរួម គឺស្ទឹងត្រែង រតនគិរី មណ្ឌលគិរី ក្រចេះ ព្រៃវែង ស្វាយរៀង ដាក់ពាក្យនៅមណ្ឌល ខេត្តកំពង់ចាម ប្រកួត ថ្ងៃទី៨ ដល់ ទី៩ ខែកុម្ភៈ ខាងមុខនេះ។

សូមបញ្ជាក់ថា ព្រឹត្តិការណ៍ Tiger Street Football 2020 បន្ទាប់ពីមណ្ឌលទី៥ មណ្ឌលកំពង់ចាម និងបន្តទៅមណ្ឌលទី៦ មណ្ឌលខេត្តកំពត ដែលមាន៤ខេត្តចូលរួម គឺព្រះសីហនុ កែប កោះកុង និងកំពតម្ចាស់ផ្ទះ ដំណើរការប្រកួតនៅថ្ងៃទី១៥ ដល់ ថ្ងៃទី១៦ ខែកុម្ភៈ ឆ្នាំ២០២០៕

ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។