ភ្នំពេញ៖ កិច្ចពិភាក្សាស្តីពីសុខភាពសាធារណៈក្រោមប្រធានបទ «ទារក និងដំណើរឆ្ពោះទៅរកភាពជាម្តាយ» ដែលត្រូវបានរៀបចំឡើងយ៉ាងធំ នៅក្នុងរាជធានីភ្នំពេញ កាលពីថ្ងៃទី១ ខែកុម្ភៈ ឆ្នាំ២០២០កន្លងទៅ។ វេទិកានេះ បានទាក់ទាញចំណាប់អារម្មណ៍របស់មហាជនជាច្រើន ជាពិសេសអ្នកម្តាយ និងអ្នកដែលមានគម្រោងចង់បានបុត្រ។ នៅក្នុងព្រឹត្តិការណ៍ដ៏ធំមួយនេះ អ្នកចូលរួមទាំងអស់បានទទួលនូវចំណេះដឹងយ៉ាងច្រើន ទាក់ទងនឹងសុខភាពមាតា និងទារក តាមរយៈការចែករំលែកចំណេះដឹង និងបទពិសោធន៍ ពីសាស្ត្រាចារ្យវេជ្ជបណ្ឌិតដែលមានវិជ្ជាជីវៈដោយឥតគិតថ្លៃ។
មន្ទីរពេទ្យ អន្តរជាតិ បំរុងរ៉ាត់ ដែលជាមន្ទីរពេទ្យលំដាប់ពិភពលោក បានសហការជាមួយមជ្ឈមណ្ឌលសុខភាព VitalLife Scientific Wellness Center បានរៀបចំកិច្ចពិភាក្សា ស្តីពីសុខភាពសាធារណៈនេះ នៅសណ្ឋាគារ សុខា ភ្នំពេញ ក្នុងគោលបំណងលើកកម្ពស់ការយល់ដឹងអំពីដំណាក់កាលសំខាន់នីមួយៗ នៃភាពជាឪពុកម្តាយ។
សិក្ខាសាលានេះ បានបង្ហាញពីសេវាកម្មជាច្រើន ដែលអាចរកបានតាមរយៈការត្រួតពិនិត្យសុខភាព ដើម្បីត្រៀមខ្លួនមុនពេលមានគភ៌ ឬសម្រាល។ គ្លីនិក IVF សម្រាប់អ្នកដែលប្រឈមមុខនឹងការពិបាកក្នុងការមានផ្ទៃពោះ ណែនាំនូវបច្ចេកវិទ្យាថ្មីទំនើប ដែលអាចរកឃើញពីភាពមិនប្រក្រតីក្នុងអំឡុងពេលមានផ្ទៃពោះ អាចហៅបានថា (NIPT) រួមនឹងកញ្ចប់សម្រាលបុត្រថ្មី និងកញ្ចប់ព្យាបាលសុខភាពជាច្រើនផ្សេងទៀត នៅមន្ទីរពេទ្យ អន្តរជាតិ បំរុងរ៉ាត់ និងមជ្ឈមណ្ឌលសុខភាព VitalLife Scientific Wellness Center។ សេវាកម្មសុខភាពរបស់បុត្រក្រោយពេលសម្រាល ក៏ត្រូវបានលើកយកមកពិភាក្សា នៅក្នុងកម្មវិធីនេះផងដែរ។ អ្នកចូលរួមទាំងអស់រីករាយ ក្នុងការទទួលបាននូវការផ្តល់ជូនសេវាកម្ម និងកញ្ចប់សុខភាពផ្តាច់មុខយ៉ាងពិសេស ដែលមានតែនៅក្នុងព្រឹត្តិការណ៍ដ៏ធំមួយនេះប៉ុណ្ណោះ។
ដោយបើកទូលាយដល់សាធារណជនទាំងឡាយ អ្នកចូលរួមទាំងអស់ បានទទួលនូវការយកចិត្តទុកដាក់ និងស្វាគមន៍យ៉ាងកក់ក្តៅ ពីសំណាក់លោកសាស្ត្រាចារ្យវេជ្ជបណ្ឌិត របស់មន្ទីរពេទ្យ បំរុងរ៉ាត់។ កម្មវិធីនេះ បានផ្តល់ជូននូវការធ្វើបទបង្ហាញ និងកិច្ចពិភាក្សាជាច្រើន ដែលធ្វើឡើង ដោយសាស្ត្រាចារ្យវេជ្ជបណ្ឌិត ឯកទេសជំនាញផ្នែកសម្ភព និងរោគស្ត្រី ដែលសុទ្ធសឹងតែមានបទពិសោធន៍រាប់សិបឆ្នាំ។ ក្នុងនោះ លោកស្រីសាស្ត្រាចារ្យវេជ្ជបណ្ឌិត SomriPitukkijronnakorn ឯកទេសជំនាញផ្នែកសម្ភព ដែលមានបទពិសោធន៍ច្រើនឆ្នាំ និងមានកេរ្តិ៍ឈ្មោះល្បីល្បាញ ក្នុងចំណោមអ្នកម្ដាយនៅក្នុងប្រទេសកម្ពុជា បានធ្វើបទបង្ហាញ និងពិភាក្សាអំពីដំណើរឆ្ពោះទៅរកភាពជាម្តាយប្រកបដោយសុខភាពល្អ ដែលយើងទាំងអស់គ្នាតែងតែប្រាថ្នាចង់បាន។
លោកស្រីសាស្ត្រាចារ្យវេជ្ជបណ្ឌិត Somri បានលើកឡើងថា៖ «សុខភាពរបស់ទារក និងម្តាយ ចាំបាច់ត្រូវតែស្ថិតក្នុងកម្រិតមួយដ៏ប្រសើរបំផុត ទាំងមុនពេលមានផ្ទៃពោះ អំឡុងពេលមានផ្ទៃពោះ និងក្រោយពេលសម្រាល។ ដោយយល់ឃើញពីភាពសំខាន់បែបនេះហើយ បានជាមន្ទីរពេទ្យបំរុងរ៉ាត់ បានសហការជាមួយ VitalLife រៀបចំព្រឹត្តិការណ៍ដ៏អស្ចារ្យនេះឡើង។ យើងសង្ឃឹមថា ទាំងម្តាយ ទាំងកូន នឹងទទួលបានសុខភាពមាំមួន និងល្អប្រសើរ នៅពេលពួកគាត់ អនុវត្តតាមគោលការណ៍ណែនាំរបស់យើង»។
ជាមួយនឹងបទពិសោធន៍អស់រយៈជាង៣០ឆ្នាំ សាស្ត្រាចារ្យជំនួយលោកវេជ្ជបណ្ឌិត Pansak Sugkraroek ឯកទេសជំនាញផ្នែកសម្ភព និងរោគស្ត្រី ការអស់រដូវ និងសុខភាពបន្តពូជនៃមជ្ឈមណ្ឌលសុខភាព VitalLife បានចែករំលែកចំណេះដឹង និងបទពិសោធន៍របស់លោក នៅក្នុងសិក្ខាសាលាដ៏ពិសេសមួយនេះ ដោយផ្តោតលើការធ្វើឱ្យប្រសើរឡើងវិញ សុខភាពម្តាយ និងការវិវត្តន៍របស់កូន ក្រោយពេលសម្រាលរួច។
លោកវេជ្ជបណ្ឌិត Pansak បានឲ្យដឹងថា «ខ្ញុំពិតជារីករាយខ្លាំងណាស់ ដែលបានក្លាយជាផ្នែកមួយ នៃព្រឹត្តិការណ៍ដ៏ពិសេសនេះម្តងទៀត ដូច្នេះខ្ញុំអាចមានឱកាសគ្រប់គ្រាន់ ដើម្បីចែករំលែកចំណេះដឹងរបស់ខ្ញុំ អំពីអ្វីដែលត្រូវបានហៅថាការមានផ្ទៃពោះប្រកបដោយសុខភាពល្អ។ នេះគឺជាព័ត៌មានដ៏ចាំបាច់មិនអាចខ្វះបាន សម្រាប់ស្ត្រីទាំងអស់ ដែលបានចូលរួមក្នុងសិក្ខាសាលានៅថ្ងៃនេះ។ ខ្ញុំសង្ឃឹមថា អ្នកចូលរួមទាំងអស់ នឹងអាចទាញយកនូវអ្វី ដែលពួកគាត់បានរៀនសូត្រ និងទទួលបាននៅពេលនេះ ហើយយកទៅអនុវត្តឲ្យបានល្អប្រសើរ ដើម្បីសុខភាពរបស់ទារកផង និងខ្លួនគាត់ផង»។
អ្វីដែលកាន់តែពិសេស នៅក្នុងកម្មវិធីនេះ គឺការបង្ហាញពីបទពិសោធន៍ផ្ទាល់ខ្លួន របស់អ្នកនាង ឱក សុគន្ធកញ្ញា ដែលអ្នកនាងទើបតែសម្រាលបានបុត្រដ៏គួរឲ្យស្រឡាញ់ម្នាក់ឈ្មោះ ឆាលី នៅក្នុងមន្ទីរពេទ្យ បំរុងរ៉ាត់ ។ អ្នកនាងបានចែករំលែកពីបទពិសោធន៍ និងចំណាប់អារម្មណ៍របស់ខ្លួន អំពីដំណើរសម្រាលនៅមន្ទីរពេទ្យ បំរុងរ៉ាត់ ។ ក្នុងឱកាសនោះ អ្នកនាងបានថ្លែងអំណរគុណយ៉ាងជ្រាលជ្រៅ ចំពោះក្រុមគ្រូពេទ្យឯកទេសជំនាញ របស់មន្ទីរពេទ្យ បំរុងរ៉ាត់ ទាំងអស់ ដែលបានយកចិត្តទុកដាក់ចំពោះរូបគាត់ និងកូនរបស់គាត់។
អ្នកនាង សុគន្ធកញ្ញា បានចែករំលែកយ៉ាងដូច្នេះថា៖ «ខ្ញុំពិតជាមានអារម្មណ៍រំភើបខ្លាំងមែនទែន ដែលបានមកចូលរួមក្នុងព្រឹត្តិការណ៍ដែលបានរៀបចំឡើងដោយមន្ទីរពេទ្យ បំរុងរ៉ាត់ និងមជ្ឈមណ្ឌលសុខភាព VitalLife ដែលទីនោះ ជាកន្លែងដែលខ្ញុំបានផ្តល់កំណើតដល់កូនប្រុស ឆាលី របស់ខ្ញុំ។ ពីដំបូង ខ្ញុំមានការព្រួយបារម្ភខ្លាំងណាស់អំពីកូនខ្ញុំ និងសុខភាពរបស់ខ្ញុំ ប៉ុន្តែតាមរយៈបទពិសោធន៍របស់ខ្ញុំ ជាមួយមន្ទីរពេទ្យ បំរុងរ៉ាត់ ខ្ញុំអាចនិយាយបានដោយប្រាកដក្នុងចិត្តថា គឺជាមន្ទីរពេទ្យដ៏ល្អបំផុតមិនធ្លាប់មានសម្រាប់រូបខ្ញុំ។ កូនខ្ញុំ និងខ្ញុំទទួលបានការយកចិត្តទុកដាក់យ៉ាងខ្លាំងបំផុត ពីសំណាក់ក្រុមគ្រូពេទ្យឯកទេសនៅទីនោះ។ ដូច្នេះ ខ្ញុំក៏មានសេចក្តីរីករាយណាស់ដែរ ដោយខ្ញុំសូមណែនាំដល់ស្ត្រីទាំងឡាយ ដែលកំពុងពពោះ ឬមានគម្រោងចង់បានបុត្រ សូមជ្រើសរើសយកមន្ទីរពេទ្យបំរុងរ៉ាត់ ចុះ ប្រាកដជាមិនខកបំណងរបស់លោកអ្នកឡើយ»។
សូមជម្រាបថា សិក្ខាសាលានេះ ក៏មានកម្មវិធីសប្បាយៗជាច្រើនផងដែរ។ ក្នុងនោះ ក្មេងៗបានចូលលេងក្នុងកម្មវិធីកម្សាន្តជាច្រើន ដែលមាននៅកន្លែងក្មេងលេង (Kids Zone) ដូចជា៖ ការគូររូបលើមុខ ផ្លុំប៉េងប៉ោង និងតម្រៀបរូប LEGO ជាដើម ។ ចំណែកឯអ្នកចូលរួមវិញ ក៏បានទស្សនាកម្សាន្តនូវការដើរម៉ូដ ដែលសម្តែងដោយកុមារតូចៗ នៃមន្ទីរពេទ្យ បំរុងរ៉ាត នៅក្នុងកម្មវិធី fashion show ផងដែរ។ ម៉ូឌែលតូចៗទាំងនេះ មានអាយុចន្លោះពី ៤-៧ ឆ្នាំ ពួកគាត់ទាំងអស់ សុទ្ធតែកើតនៅមន្ទីរពេទ្យ អន្តរជាតិ បំរុងរ៉ាត់។
មន្ទីរពេទ្យ អន្តរជាតិ បំរុងរ៉ាត់ ត្រូវបានបង្កើតឡើងនៅទីក្រុងបាងកក ប្រទេសថៃ ក្នុងឆ្នាំ១៩៨០។ បំរុងរ៉ាត់ បានក្លាយទៅជាមន្ទីរពេទ្យឈានមុខគេមួយក្នុងពិភពលោក ក្នុងការផ្តល់ជូននូវការគាំពារផ្នែកសុខភាព ហើយទទួលបានការគាំទ្រយ៉ាងពេញទំហឹង ពីសំណាក់អ្នកជំងឺអន្តរជាតិអស់រយៈពេលជិត ៤ទសវត្សរ៍មកហើយ។ ក្នុងនាមជាមន្ទីរពេទ្យឯកជនធំជាងគេមួយប្រចាំតំបន់អាស៊ីអាគ្នេយ៍ មន្ទីរពេទ្យ អន្តរជាតិ បំរុងរ៉ាត់ តែងតែព្យាបាល និងយកចិត្តទុកដាក់ចំពោះអ្នកជំងឺជាង ១,២ លាននាក់មកពីជាង ១៩០ប្រទេសជារៀងរាល់ឆ្នាំ។
អំពី មន្ទីរពេទ្យ អន្តរជាតិ បំរ៉ុងរ៉ាត់
បំរ៉ុងរ៉ាត់ អន្តរជាតិ គឺជាមន្ទីរពេទ្យពហុឯកទេសមួយ ដែលមានការទទួលស្គាល់គុណភាពពីសំណាក់គណៈកម្មាធិការរួមអន្តរជាតិយ៉ាងត្រឹមត្រូវ ដែលមានទីតាំងស្ថិតនៅចំបេះដូងនៃទីក្រុងបាងកក ប្រទេសថៃ។ មន្ទីរពេទ្យនេះ ត្រូវបង្កើតឡើងនៅឆ្នាំ ១៩៨០ បច្ចុប្បន្ន គឺជាមន្ទីរពេទ្យឯកជនមួយក្នុងចំណោមមន្ទីរពេទ្យដែលធំជាងគេនៅអាស៊ីអាគ្នេយ៍ ដោយមាន ៥៨០គ្រែសម្រាកព្យាបាល និងមជ្ឈមណ្ឌឯកទេសជំងឺផ្សេងៗចំនួនជាង ៣០ កន្លែង។ មន្ទីរពេទ្យអន្តរជាតិ បំរ៉ុងរ៉ាត់ ផ្តល់នូវសេវាកម្ម និងបរិក្ខារោគវិនិច្ឆ័យ ព្យាបាល និងថែទាំដ៏ទំនើបទាន់សម័យរួមនៅកន្លែងតែមួយ ដោយអតិថិជនមិនចាំបាច់ចូលទៅសាលនានាឡើយ។
មជ្ឈមណ្ឌលសម្ភព និងរោគស្ត្រី របស់មន្ទីរពេទ្យបំរ៉ុងរ៉ាត់ ក្នុងទីក្រុងបាងកក ប្រទេសថៃ ផ្តល់ជូននូវការពិគ្រោះយោបល់ និងការវាយតម្លៃពីស្ថានភាពជំងឺប្រកបដោយផាកសុខភាព និងមានលក្ខណៈឯកជនទីបំផុត ពីសំណាក់ក្រុមគ្រូពេទ្យ។ មជ្ឈមណ្ឌលនេះ ប្រមូលផ្តុំដោយក្រុមគ្រូពេទ្យជំនាញៗជាង ៤០ នាក់ ដែលផ្តល់ជូននូវការវិនិច្ឆ័យ ព្យាបាលរោគ និងឯកទេសវះកាត់ពេញលេញ ដើម្បីបំពេញនូវតម្រូវការយ៉ាងពិសេសរបស់ស្ត្រី។
មជ្ឈមណ្ឌលសុខភាព វាយថល ឡាយហ្វ៍ (VitalLife)
មជ្ឈមណ្ឌលសុខភាព វាយថល ឡាយហ្វ៍ (VitalLife) គឺជាផ្នែកមួយរបស់មន្ទីរពេទ្យអន្តរជាតិ បំរ៉ុងរ៉ាត់ និងជាមន្ទីរពេទ្យពហុឯកទេសទី១ នៅអាស៊ី។ សម្រាប់ឆ្នាំទី ១៨ នេះ មជ្ឈមណ្ឌលសុខភាព វាយថលឡាយហ្វ៍ (VitalLife) ស្ថិតនៅក្រោមការធ្វើសមាហរណកម្មយ៉ាងរលូន ជាមួយនឹងមន្ទីរពេទ្យ អន្តរជាតិ បំរ៉ុងរ៉ាត់ ក្នុងការចែកចាយបរិក្ខារថ្នាំពេទ្យ "Integrated Longevity Medicines" ដែលមិនត្រឹមតែជួយលើកកម្ពស់សុខភាពបានល្អប៉ុណ្ណោះទេ ថែមទាំងជួយទប់ស្កាត់ជំងឺរ៉ាំរ៉ៃ រួមជាមួយនឹងការជំរុញនូវភាពរឹងមាំ ដោយផ្តោតលើមូលដ្ឋានគ្រឹះនៃសុខភាពដែលមានដូចជា៖ អាហារូបត្ថម្ភល្អ និងលំហាត់ប្រាណទៀងទាត់ កម្រិតអ័រម៉ូន និងសារជាតិចិញ្ចឹមមានតុល្យភាព ប្រព័ន្ធការពាររាងកាយរឹងមាំ ការរំលាយអាហារមានប្រសិទ្ធភាព បង្កើនសុខភាពផ្លូវភេទកាន់តែប្រសើរ បំបាត់ជាតិពុល ការគ្រប់គ្រងទម្ងន់ និងផ្តល់នូវវិធីថែទាំ សុខភាពផ្ទាល់ខ្លួនដល់អតិថិជនគ្រប់រូប៕
(អត្ថបទពាណិជ្ជកម្ម)