អន្តរជាតិ
រូបថត Xinhua
×![]()
ដោយ: រួបរួម
ករណីស្លាប់ដោយសារជំងឺរលាកសួតបង្កដោយមេរោគកូរ៉ូណាប្រភេទថ្មី (COVID-19) ឡើងដល់២៧៦៣នាក់ហើយ ដោយគិតត្រឹមម៉ោង៩ និង៥០នាទី ព្រឹកថ្ងៃពុធ ទី២៦ ខែកុម្ភៈ នេះ។ ជាមួយគ្នានេះ អ្នកជំងឺដល់ប្រមាណ៨១០០០នាក់ ហើយជាង៣ម៉ឹននាក់សះស្បើយ និងជិត១០០០០នាក់ស្ថិតក្នុងស្ថានភាពធ្ងន់ធ្ងរ។
បើប្រៀបធៀបកាលពីម្សិលមិញ អ្នកស្លាប់៥២នាក់បន្ថែមនៅក្នុងខេត្តហ៊ូបី និង៥ករណីទៀតនៅតាមបណ្តាខេត្តផ្សេងៗក្នុងប្រទេសចិន។ នៅកូរ៉េខាងត្បូង អ្នកស្លាប់ឡើងដល់១២នាក់ អ៊ីតាលីឡើងដល់១១នាក់ និងអ៊ីរ៉ង់១៥នាក់។
ប្រទេសទាំង៣៧ដែលមានករណីឆ្លង COVID-19 រួមមាន ចិន (បញ្ចូលទាំងតំបន់រដ្ឋបាលពិសេសហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (+ករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អ៊ីស្រាអែល អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា និងស្រីលង្កា។
បណ្តាប្រទេសនៅអឺរ៉ុប មាន អ៊ីតាលី បារាំង អង់គ្លេស អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ និងបែលហ្ស៊ិក អូទ្រីស ក្រូអាត និងស្វីស។ ក្រៅពីនោះ មាននៅ សហរដ្ឋអាមេរិក កាណាដា អូស្ត្រាលី អេហ្ស៊ីប និងអាល់ហ្សេរី៕
Tag:
COVID19
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ម៉ោង
