COVID-19
អន្តរជាតិ
COVID-19៖ បុរសវ័យ៦០ឆ្នាំម្នាក់ស្លាប់នៅក្រុងប៉ារីស និងជាករណីទី២នៅបារាំង
×![]()
ដោយ: រួបរួម
បុរសបារាំងអាយុ៦០ឆ្នាំ បានស្លាប់នៅមន្ទីរពេទ្យនៅក្នុងក្រុងបារីស ប្រទេសបារាំង និងស្លាប់ទីពីរដោយសារជំងឺរលាកសួតបង្កដោយមេរោគកូរ៉ូណាប្រភេទថ្មី (COVID-19)។ លោក Jerome Salomon អគ្គនាយកសុខាភិបាលបារាំង បានប្រកាសពីការស្លាប់នេះ ជាមួយនឹងការរកឃើញបីករណីបន្ថែមទៀត។
យោងតាមទូរទស្សន៍ BFMTV គិតមកដល់ពេលបារាំង មានអ្នកឆ្លង COVID-19 ឡើងដល់១៧ករណី ក្នុងនោះស្លាប់២ករណី និងជាសះស្បើយ ១១ករណី។ បុរសករណីទី២នោះ បានស្លាប់នៅមន្ទីរពេទ្យ Pitie Salpetriere កាលពីយប់ថ្ងៃអង្គារ ឈានចូលថ្ងៃពុធ ដោយសារស្ថានភាពជំងឺដ៏ធ្ងន់ធ្ងរ។ នេះជាជនជាតិបារាំងទី១ផងដែរដែលបានស្លាប់ដោយសារ COVID-19។
ប្រទេសទាំង៣៧ដែលមានករណីឆ្លង COVID-19 រួមមាន ចិន (បញ្ចូលទាំងតំបន់រដ្ឋបាលពិសេសហុងកុង តៃវ៉ាន់ និងម៉ាកាវ) កូរ៉េខាងត្បូង ជប៉ុន (+ករណីនាវា Diamond Princess) អ៊ីរ៉ង់ សិង្ហបុរី ថៃ អេមីរ៉ាតអារា់ប់រួម ម៉ាឡេស៊ី វៀតណាម អ៊ីស្រាអែល អូម៉ង់ ហ្វីលីពីន លីបង់ អ៊ីរ៉ាក់ កូវ៉ែត ប៉ារែន អាហ្វហ្គានីស្ថាន ឥណ្ឌា ណេប៉ាល់ កម្ពុជា និងស្រីលង្កា។
បណ្តាប្រទេសនៅអឺរ៉ុប មាន អ៊ីតាលី បារាំង អង់គ្លេស អាល្លឺម៉ង់ ស៊ុយអែត រុស្ស៊ី អេស្ប៉ាញ ហ្វាំងឡង់ និងបែលហ្ស៊ិក អូទ្រីស ក្រូអាត និងស្វីស។ ក្រៅពីនោះ មាននៅ សហរដ្ឋអាមេរិក កាណាដា អូស្ត្រាលី អេហ្ស៊ីប និងអាល់ហ្សេរី៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
